[تايوتاي]

اللي جرب كرولا 2008 1.8 يفيدني
كم أعلى سرعه تجيب
هل تصرف بنزين مثل 1.6
الفرق بينها وبين 1.6
شكراً

[# الساحوت #]

إنشاء الله الأخوان اصحاب ال 2008 يفيدونك

[سعوده**]

انشاء الله يفيدونك انا نعرف البلاش اللي هي 2007
تحياتي لك
.................. ..

[تايوتاي]

يعني مافيه أحد شرى
معقوله

[كورلا المحرق]

عساك على القوه اخوي
انه عندي xli 1.8
بس ماعندي فكره عن الـ 1.6
وانه عبيت الموتر فول من البحرين الى الدمام شارع التويوتا
مع اني كنت اسرع في الموتر ورجعت البحرين ويمكن بس وصل
البترول ( البنزين ) مانزل الا ربع

[كنق الكورولا]

يعطيك العافية
1,8 قوة خيالية , فتحة سقف, جنوط مقاس 16, جناح, مراتب جلد, مريات كهرباء, مسجل بلوتوث تلفون
1,6 قوة نص خيالية ,لا يوجد فتحة , جنوط مقاس 15, لايوجد جناح, مراتب مخمل , مريات عادي, مسجل كسيت
..::كنق الكورولا::..

[ولد الحاره]

حلوه منك قوه نص خيالية

[مـن أكـون]

المشاركة الأصلية كتبت بواسطة ولد الحاره

حلوه منك قوه نص خيالية

ههههههههههههههههه



اما قوة نص خياليه انا ميت من الضحك ,, الله يرجك يا خالد ,, هههههههههه

اللي جرب كرولا 2008 1.8 يفيدني

الصراحه ماقد جربتها للأسف

كم أعلى سرعه تجيب

اممم على مأعتقد 230

هل تصرف بنزين مثل 1.6

امممم على حسب نوع البنزين ,,ولاكن ماضنيت انها بتصرف لأنها مافي فرق واجد بين 1.6 و 1.8

الفرق بينها وبين 1.6

فرق بين السماء عن الارض ,, وماقصر اخوي كنق الكورولا فادك

شكراً

عفواً

[كنج الغرام]

والله انا عن نفسي اخوي ماجربت ال1.8 بس اكيد راح تكون ممتازة لاني عندي واحد من الربع دوم يمدح فيها كثيرررررررر

اما انا فعندي 1.6 وممكن افيدك فيها والصراحه الفرق بينها وبين ال1.8 موب كثير يعني في القوة لانه انا وصلت فيها لسرعه210 وكان لسا فيها بعد تجيب اكثر من كذا بس ظروف الطريق ماساعدتني يعني وطبعا ال1.8 ممكن انها تصك العداد كله بس تكون جير عادي وتشوف بعينك كيف الدعس صح


وبالنسبة للفروق بين ال1.8 وال1.6 اذا كنت ماتعرفها فيها كالتالي

محرك ال1.8 \

130HP\\1798CC


محرك ال1.6
1598CC\\107HP


هادي هيا الفروق الميكانيكيه للاثنين
والاثنين طبعا يتوفران بمحرك VVT-I

والفروق الداخلية بتكون طبعا في اشياء معينه لانه شغل الدلع كله معظمه يكون في1.8

زي مثلا الفتحة والجنوط مقاس 16

والجنوط بال1.8 شكلها خطيرررررر واحلى من اللي تكون بال1.6 مقاس 15 خخخخخ

والمكيف الالكتروني اللي تحلم تحصله بال1.6

بس بيني وبينك المكيف اليددوي احسن وسهل الاستخدام ويتحمل اكثر بخلاف الالكتروني حساس كثير وخرباته كثير بعد ويعلق

ومثبت السرعه والعدادات الاوبتيترون كلها موجوده بال1.8 فقط


والكراسي الجلد بعد موب موجودة بال1.6

اما بالنسبة للجناح اللي تقولون موب موجود بال1.6 فهوا موجود عندي وبعد عندي مؤشر للحساسات الاربع اللي بالخلف اللي تحلموا تحصلوه عندكم بال1.8 الفل عندكم لانه بالسعودية تختلف المواصفات عن اللي عندنا بالامارات


وبعد المرايات الكهربائية موجودة بال1.6 والتخشيبه والسيدي والزراير اللي بالطارة

على فكرة طاااارة ال1.6 الفل نفس طاارة ال1.8 الفل بالززززززززبط مافي اي ذرة اختلاف بينهم


وطبعا الوزن حق ال1.8 يزيد عن ال1.6 بحوالي من 10 الى 15 كيلو جرام تقريبا



وبالنسبه للي يقول ال1.6 تصرف بنزين فهذا مستحيل ومن سابع المستحيلات بالعكس السيارة احلى شي فيها انها ماتصرف بترول ابد كيف تقولون تصرف ما ادري انا عن نفسي اعبي بنزين 95 وهذا مايخلي المكينه تصرف .
ويحسن الاداء حقها بطريقه ملحوظة يعني انا عبيت التانكي فل وطلعت من دبي ووصللت العين وكان فيه الثلاث ترباع تقريبا او يعني قريب من النص ولفيت في العين ورجعت دبي كان التانكي عند الربع وطبعا المكيف شغال من اول ما طلعت وما انطفى يعني ما ادري وش اقول كل هذا المشوار وما خلص التانكي ؟؟؟؟؟؟؟؟؟؟؟


يعني انا ملاحظ انها اقتصادية كثير من ذي الناحية وسيارات تويوتا كلها ماتصرف بنزين اصلا وهيا مصممه كذا لانه محركات ال vvt-i هاذي موجودة في جميع سيارات تويوتا وهيا وظيفتها الاساسية الاقتصاد في البنزين وبالمقابله قوة في الاداء يعني الواحد يستغرب لو حد يسأله عندي سيارة تويوتا تصرف بنزين تحس انو يمزح معاك يعني بالعقل ياشباب وكمان كورولا والله شي يخجل والله


هذا الكلام تقولونه لو حد عنده شفر او كابريس يعني من ذيك الانواع اللي مامنها فايدة تصرف بنزين كثير ومكينتها كبيرة كثير مع ان في اصغر منها في السي سي وتكون قوة حصانها اكبر ما ادري يعني يبون ينهبون البترول اللي عندنا ولا شنو بالزبط يعني انا بصراحه ما اشجع هاذي السيارة بالمرررررررررررة يعني حرام الواحد يدفع فيها درهم عشان يعبيها بترول حرام حرام




انا طولت عليكم كثير كثير بس انا احب اطلع كل اللي عندي يعني وانتو طبعا اخوان وحبايب ومافي فرق بينا

ويارب اكون افدتك من معلوماتي المتواضعه هاذي ياخوي تايوتاوي


تحياتي لك\\ كنج الغرام

[مـن أكـون]

8
8
8
8

لا هنت كنج الغرام ,,

والله يوفقك وربي انك انت خطييير ,,

لا هنت يا غلاهم ,,

[سلومي لديره]

خطير!! هو عنده الخبر الاكيد

[تايوتاي]

شكراً لكم
لحد الحين مافيه إجابه كافيه
ياليت اللي جرب السياره
يعطينا إجابه على الأسئله

[تايوتاي]

وين الناس اللي جربت