[ولد الهجانا]

السلام عليكم ..

اليوم .. البنشري فقع مرارتي الله يفقع مرارته وانغثيت وتبهذلت

وقفت على الحفرة كالعادة .. ابي اغير الزيت


ابو هنود متحمس ويطامر معه مفكاته .. قبل ما اطفي الفشفش .. صار بوسط الحفرة

وانا كالعادة .. متطمن ( لان المسألة تغيير الزيت اربع دقايق وماشي )

طبعاً كلكم شاهدتوا ( كارتير الزيت للمحرك ) غير واضح خصوصاً للبنشري اللي ماعندك احد ( ماعنده خبره ) وصرة الزيت .. فوق يعني لازم تركيز من ابو هنود


وفي المقابل ( كارتير القير ) تحت وأوضح من كارتير المكينة وبنفس الوقت قريب لها


صاحبن اول ما طاحت عينه على كارتير زيت القير .. راح ونثر زيت القير الجديد .!!!!!!!!
والمصيبة يوم خلص راح وحط ( جالون زيت ) بالمكينة زياده لولا تادرك الوضع كان طلع الزيت مع الغطى !!!!!!!!

اهـــ ه ه ه بس
وما دريت الا وهو يستفزع بخوية ... لكن بعد مالعب بحسبة ابو الموتر

واضطريت اني اشيله بسطحه لورشة عشان يعبون القير زيت اصلي


فيا جماعة .... هذه تجربة قاسية اتمنى انكم تاخذون الحيطه .. خصوصا اذا طب بالحفرة بنشري ماعنده سالفه عز الله انه بيلعب بموتركم

[أبـــو عـــزام]

الحمد لله اللي ما صار شي أعظم

وتراها مواقف تصير لكل الناس فلا تشيل هم

وأهم شي أنه كل دقه بتعليمه وإذا رحت لمحل تغيير الزيت أنزل معه لحفرة الزيت واسأله وين الصره عشان تعرف هو فاهم شغله أو لا

الله يوفقك والجميع

سلام

[يو أس بي]

الحمد لله على السلامة ........


ومشكور على المعلومة الجديدة

بيني وبينك ......انا أكره البنغالي بصراحة

شغله مو عاجبني ...

حتى ولو وقفت ليموزين ما أوقف إلا سعودي أو باكستاني ....

[الجفني]

المشاركة الأصلية كتبت بواسطة ولد الهجانا

السلام عليكم ..

اليوم .. البنشري فقع مرارتي الله يفقع مرارته وانغثيت وتبهذلت

وقفت على الحفرة كالعادة .. ابي اغير الزيت


ابو هنود متحمس ويطامر معه مفكاته .. قبل ما اطفي الفشفش .. صار بوسط الحفرة

وانا كالعادة .. متطمن ( لان المسألة تغيير الزيت اربع دقايق وماشي )

طبعاً كلكم شاهدتوا ( كارتير الزيت للمحرك ) غير واضح خصوصاً للبنشري اللي ماعندك احد ( ماعنده خبره ) وصرة الزيت .. فوق يعني لازم تركيز من ابو هنود


وفي المقابل ( كارتير القير ) تحت وأوضح من كارتير المكينة وبنفس الوقت قريب لها


صاحبن اول ما طاحت عينه على كارتير زيت القير .. راح ونثر زيت القير الجديد .!!!!!!!!
والمصيبة يوم خلص راح وحط ( جالون زيت ) بالمكينة زياده لولا تادرك الوضع كان طلع الزيت مع الغطى !!!!!!!!

اهـــ ه ه ه بس
وما دريت الا وهو يستفزع بخوية ... لكن بعد مالعب بحسبة ابو الموتر

واضطريت اني اشيله بسطحه لورشة عشان يعبون القير زيت اصلي


فيا جماعة .... هذه تجربة قاسية اتمنى انكم تاخذون الحيطه .. خصوصا اذا طب بالحفرة بنشري ماعنده سالفه عز الله انه بيلعب بموتركم

هلا اخوي ولد الهجانه

الله يلوم الي يلومك اهم شي الحمد لله انك تداركت الوضع ولا راحت فيها السياره

[مجنون الفورتشنر]

الحمدالله على السلامة ،،،،
الله ستر عليك وعلى سيارتك ،،،، وانت أحسن من غيرك بعض الناس يترك سيارته عند البنشري ويتركها عنده ولا يدري غير الزيت وإلا لا . وبعض البناشر يقومون بتعبئة علب بعض الزيوت الغالية بزيوت رخيصة أو زيت محروق
ــــ والمعروف عند بعض الناس أن لكل شخص بنشري عميل له واثق منه جدا وابعد عن بعض اليمنية حتى لا يتعلم في سيارتك .
لي زميل أعار جاره سيارته وهي هايلكس ديزل راح للمحطة وعبئ بدل الديزل بنزين : طبعا لله ستر على سيارة زميل الحمدالله أن السيارة ما اشتغلت .

[الصاعق]

الحمدالله

كل شي مكتوب




والدنيا مدرسه تتعلم منها

[دبرم]

الحمدلله على سلامتك
انا مره جلست مع ابو يمن تقريبا ساعه ونص عشان يغير الزيت المشكله مو فاهم الشغل ويقول سهله دقايق وااخلص
وعدم علي الموتر
وصرت ما اغير الا في الوكاله

[لا تنسى ذكرالله]

الحمد الله على السلامه

والحمدالله على تداركك للأمور

والحمدالله على سلامتكم مجدداً

[صقر الزلفي]

اهم شي توصيت فيه

[ابافيصل]

الحمد لله انك كنت منتبه
المصيبه لو منتبهت كان حاسوا عليك السياره
يالله كل دقه بتعليمه
وموا اي محل تغير عنده زيت
واذا موترك جديد انصحك بلوكاله

[الخاطوف]

كل دقه بتعليمه لاتغرير الى عند ناااااااس عاملهم وابعد عن البنقاليه واليمنيه
وياجعلها اخر المصايب
تقبل تحياتي اخوك:













الخاطوف

[عمر جده]

والله من جد بلشه الله يعين الجميع

[أبوحمد]

الحمد لله ربي سلمك من البلى اللي كنت بتتحمله من جراء تعبئة المحرك بزيت فوق الزيت الاولي

وفعلا ترى أكثر العماله اللي بالمملكة مع الاسف يتعلمون على مواتركم !!!

لا تروح الا عند شخص تعرف أنه في الشغله سنين والا ودها الوكاله أريح لك ..

[الـــديـــم]

وعليكم السلام ورحمة الله وبركاته

الحمد لله على السلامة
لو شغلت الموتر راح القير لأن مابه زيت
والمكينة تفقعت صوفها لأن الزيت فيها زايد
مرة ثانية الحمد لله على السلامة
وانتبه وانا اخوك وهذي درس لنا ولك للمرات القادمة
تقديري لك..