[حبيتك يا أوريون]

السلام عليكم

اخواني انا صارلي حادث واجهية لسيارتي ووديتها ورشة وشريت واجهية كاملة

لكن ماتضررت من داخل إلا فلتر الهواء وغطاء الماكينة والراديترات والمراوح والبطارية

وقت الحادث طلعلي نور الماكينة الأصفر ونور البطارية نزلت شفت سيارتي وبعدين سكرت السلف

المهم الحين الورشة يقولي يوم جيت اشغلها فيه تهريب للزيت يقولي جيب مبرد قير

مادري هل موضوع المبرد كبير؟ يأثر على السيارة والقير ؟ وماراح ترجع مثل اول؟

وهل فيه برمجة للقير او ماكينة علشان التعشيقات ولا كلام فاضي يركب المبرد وتروح العلامة ؟

وهل الموضوع فيه برمجة للكهرباء علشان تروح علامة الماكينة؟

علما بأن الظفيرة سليمة وعلبة الفيوازت سليمة

ارجو الرد

سيارتي اوريون فل اسود 2008
الرياض

[المكيانيكي]

حمد لله على السلامة
مافيه شي اسمه مبرد قير ولا يوجد برمجة للقير ولا المكينة
السؤال هل كمبيوتر السيارة متأثر من الحادث او لا؟؟ الكمبيوتر موجود خلف المكينة بين المكينة والبودي شف مكسور فيه شي او متأثر من الحادث او لا

[ابو جونه]

الحمد لله على السلامه أخوي والله يعوض عليك

أما بالنسبه لمبرد زيت القير اللي يجي في الوجهيه فشكله

نفس شكل الرديتر وموصل فيه هوزات تبرد زيت القير مع المشي

وتراه ضروري انك تتأكد انه مايكون فيه أي تهريب والأفضل انك تغيره

وبعدين تروح الوكاله يتأكدو لك من سلامة القير وكمبيوتره ومره وحده

يشيكولك على كمبيوتر السياره بعد الحادث..

للتوضيح ((أخوي المكنيكي أتمنى أنك تتأكد من معلوماتك عن مبرد الزيت

وأنا شخصياً حصلتلي مشكله فيه قبل كذا يعني بالعربي موجود)) تحياتي

[(غير مسجل)]

اخوي،

علامة نور المكينه له علاقة بالكهرباء اكثر من الميكانيكه... انت ذكرت ان فلتر الهواء تضرر... فلتر الهواء فيه حساس يسمى (Mass Airflow Sensor)... اذا تم فصل هذا السلك (والسيارة شغاله) او تم ادخال هواء اكثر من اللازم (مثال، فلتر الهواء غير مركب او يوجد كسر في انبوب الهواء)، سوف تولع لك هلامه المكينه علطول.... انا جرب بسيارتي (شلت فلتر الهواء فقط) و ولعت اللمبه علطول...

تأكد من ان حساس الهواء ما تضرر لانه سريع التضرر لاي شيء بسيط...

الخبر السيء ان هذه العلامه غالبا يتم ازالتها عن طريق كمبيوتر الوكاله فقط... لكن، جرب ان تفصل السيارة لمدة 10 دقائق على الاقل بعد تصليح اللازم....

[المكيانيكي]

تبريد زيت القير عن طريق راديتر السيارة طالع من اسفل راديتير السيارة ماصورة رايحة للقير وراجعة من القير للاديتر وهي اللي تبرد زيت القير ويقدر اي واحد يفتح كبوت سيارته ويشوفها طالعة من اسفل راديتير السيارة ولا لها علاقة بالكهرباء ولا تولع اللمبة بسببها نهائيا مشكلة بعض الورش اذا ما عرف يصلح السيارة طلع بمسميات غريبة
ولا يوجد على قولتكم مبرد قير مستقل مع العلم ان كلمة مبرد قير خطاء

يعني بالعربي اذا راديتير السيارة سليم مافيه مشكلة بتبريد زيت القير لان اللي يربط بينهم ماصورة تنقل الماء البارد فقط
وهذي هي المعلومة الصحيحة
ولا تعصب ياخوي ابو جونة

[حبيتك يا أوريون]

هلا بكم كلكم

هو الحادث كل شي قطع وكالة لكني حطيت موتري بورشة

هو ركب كل شي ماعدا الأصطبات الأمامية والصدام والكشاف وقالي عندك مبرد القير مكسور

جيب واحد جديد قيمته بـ 450 ريال وقالي بنركب كل شي وكل القطع وانشالله تروح علامة المكينة الصفرا

لكن سؤالي الموتر صارله شهرين بالورشة يوم اطلعه وش لازم اسوي؟

لاحد يقولي فحص وكالة وذا تراني مطفر راعوني شوي ...

يعني وش اسوي اشيك على الكفرات واروح بنشري اغير زيت ولا وشو ...؟

وعادي ازر عليها ولا اصبر شوي وامرنها ؟؟


يالميكانيكي الضربة سطحية ماجا المكينة شي ولا القير بـس اللهم من الضربة غطا المكينة انكسر لكن المكينة ثابتة

يعني مدري اتوقع ماجا الكمبيوتر شي

اخوي غير مسجل

كيف اعرف انه حساس الهوا اخترب؟

لاني شريت فلتر كامل والأسلاك والتوصيلات سليمة ...

وعندك الهواية (الفلتر) وعندك البطارية والراديترات والمراوح

والظفيرة وعلبة الفيوزات ضبطهم الكهربائي ورجعهم مكانهم ويقول سليمة


فديتكم كلكم

[ابو جونه]

المشاركة الأصلية كتبت بواسطة (غير مسجل)

اخوي،

علامة نور المكينه له علاقة بالكهرباء اكثر من الميكانيكه... انت ذكرت ان فلتر الهواء تضرر... فلتر الهواء فيه حساس يسمى (Mass Airflow Sensor)... اذا تم فصل هذا السلك (والسيارة شغاله) او تم ادخال هواء اكثر من اللازم (مثال، فلتر الهواء غير مركب او يوجد كسر في انبوب الهواء)، سوف تولع لك هلامه المكينه علطول.... انا جرب بسيارتي (شلت فلتر الهواء فقط) و ولعت اللمبه علطول...

تأكد من ان حساس الهواء ما تضرر لانه سريع التضرر لاي شيء بسيط...

الخبر السيء ان هذه العلامه غالبا يتم ازالتها عن طريق كمبيوتر الوكاله فقط... لكن، جرب ان تفصل السيارة لمدة 10 دقائق على الاقل بعد تصليح اللازم....

هذا الكلام السليم مره طلعت السيارة من الوكاله ولمبة المكينه طالعة وطالع

في الشاشة Check Vsc System المهم طلع ان سلك الفلتر مفصول..

مشكور على التوضيح مشرفنا غير مسجل..

[ابو جونه]

المشاركة الأصلية كتبت بواسطة المكيانيكي

يعني بالعربي اذا راديتير السيارة سليم مافيه مشكلة بتبريد زيت القير لان اللي يربط بينهم ماصورة تنقل الماء البارد فقط
وهذي هي المعلومة الصحيحة
ولا تعصب ياخوي ابو جونة

مافي عصبيه ولاشي يالغالي

بس أنا متأكد من وجود لديتر خاص مبرد للقير وأنا غيرته قبل كذا

وترى ماله علاقة في لديتر السياره نهائياً وظيفته تبريد زيت القير مع تحرك السيارة عن طريق الهواء

ولكن من ناحية أخرى انه ماله علاقه بلمبة المكينة فهذا صيحيح على العموم حصل خير..

[حبيتك يا أوريون]

طيب جاوبتهم كلهم وانا سحبت علي ؟؟؟

[اخضر زيتوني]

الحمد لله على السلامه أخوي والله يعوض عليك

[مهلهل]

الحمد لله على السلامه


عندي سؤال غريب شوي


ممكن تقول اسعار القطعه الي شريتها اذا ما عليك امر


وتقبلوا مروري

[سبايبرن]

نصيحتي بيعها واشتر لك وحده جديدة

بتتعبك في الكهرباء

وتذكر كلامي هذا بعدين

[عاشـــق اللاند]

سلامات يالغالي وماتشوف شر ان شاء الله

[عبدالله بن تميم]

الحمدلله على سلامتك

[عبدالله يوسف ا]

المشاركة الأصلية كتبت بواسطة سبايبرن

نصيحتي بيعها واشتر لك وحده جديدة

بتتعبك في الكهرباء

وتذكر كلامي هذا بعدين

اول شي الحمدلله على السلامه اخوي وخل يلعن ابو الحديد اهم شي سلامتك ياخوي

الاخ سبايبرن لو كلامك صحيح كان سياراتنا كلها انباعت

صحيح السيارة تعتمد على الكهرباء بس ماتوصل انك تبيعها

وان شاءالله ترجع احسن من قبل وتكون للاخ الكريم عبره وعظه بالمستقبل ولاتشيل هم يا عزيزي

[ريان مكه]

الحمد الله على السلامه معوض خير