[طربااااااان جدا]

بسم الله الرحمن الرحيم..

يااخوان انا دخلت بصراحه وسجلت وحبيت اقول لكم رايي بهالسياره اللي بعتها وارتحت منها ولله الحمد ولاكملت معي شهرين..

الاف جي بالسعوديه اكلت الجو .. مثلها مثل اغلب سيارات تويوتا.. لكني بصراحه انصدمت .. من السياره.. وتصميمها الداخلي ..

السياره من داخل بختصار ماتسوى خمسه الاف ريال مسجل مركب بلاستيك منتشر بكل مكان مافيه اي نوع من انواع الفخامه اللي يخليك تدفع ميه الف وزياده عليها اضافه الا ذلك عدم وجود اضاهء للسقف هاذي مشكله .. وايضا السياره تشكل خطر عند السرعات العاليه بسبب ارتفاعها عن الارض وخفه وزننها وغير كذا السياره ماهي راسيه على سرعات عاليه لاني جبت الطبلون فيها وبغيت اجيب العيد.. والله ستر لانها خفيفه جدا.. الديكور الداخلي كئيب جداا جداا ومللني من السياره مقاعدها ماهي مريحه على السفر .. وعدم وجود انوار ضباب وفيه اشياء كثيره ناسيها عنها والاف جي بختصار حضاره سادت ثم بادت يعني موضه وتنتهي مثلها مثل الكابرس اول ماطلعت موديل 2000 قامت فيها العالم وحاليا سحبو عليها العالم وانا لاحظت ان فيه اف جي كثير مستعمل للبيع بالماعرض بالرياض... حبيت اقول رايي بصراحه بسياره طيروها الناس بالعجه وهي اقل من عاديه....

[الايرلندي]

اول شي ارحب بك اخوي في المنتدى واتمنى ان نرى تفاعلك فيه قريبا

اما عن الموتر...هذا كان رايك الشخصي وانا اعتقد ان الموتر تفوق على منافسيه من نفس الفئة, صحيح اني ما عندي الموتر لكن ربيعي عنده اياه ومافي شي ماسويناه فيه. سافرنا فيه من الامارات لين صلالة وكانت الرحلة من احسن مايكون, سرنا البر ولعبنا فيه لعب وكان وحش ما غرز ولا مرة والحمد لله, المواصفات الداخلية فقيرة نوعا ما. لكن الي يسويه الموتر فالبر والبحر ينسيك الفخامة الناقصة ويعطيك ثقة لاحدود لها..

اما عن الثبات على السرعات العالية... اسمحلي اخوي لكن انت يوم تاخذ هالمواتر لازم تحط في بالك انها للاستخدام الثقيل و البر... وليست للمناورات وسباقات الشوارع

ارجو ان تتقبل رأيي بصدر رحب والشباب مابيقصرون وياك. بيخبرونك تجاربهم الخاصة مع اسطورة الارض

اخوك الايرلندي

[المنسق]

من ناحية الداخليه من جد فلم هندي مقلب + السعر غالي من جد بقيمتها اخذ لي لند مستعمل

وباقي الاشياء اوتوقع انك مبالغ شوي

[ظبي]

لولا اختلاف الاراء لبارت السلع

[اف جي وبس]

المشاركة الأصلية كتبت بواسطة ظبي

لولا اختلاف الاراء لبارت السلع

اكيد مب ثابته مب كامري ولا مرسيدس

[اف جي دبي]

اخوي ها الموتر شبابي و للمهمات الصعبه ماعتقد تحصل مقاعد جلد و كرسي بلكهربا لو حطو هاي الاشاء تعتقد بيكون الموتر للمغامرات و الاوساخ حتى دخل مافي فرش فلارضيه لو مثلاً دخل ماي في الكبينه ماتتعفن الارضيه من الفرش فحطو بلاستيك ها الموتر للمغامرين و هوات السفر

[كروزر إف جي]

مقارنة بسعر الربع الي واصل سعره الآن 109 آلاف يعتبر الإف جي ببلاش
وبالله وش عاجبك بالربع ((( تنكة ))) وما زالوا الناس عاضين عليه

[السياغي]

اخوي حياك الله في المنتدى ونتمنى ان تكون عضو فعال تفيد وتستفيد

بالنسبه للاف جي فلها الكثير من العشاق وانا واحد منهم رغم اني امتلك لاندكروزر 2008 فل كامل

وكامري 2007 فل كامل فهذا لايمنع من رغبتي بامتلاك وحش تويوتا

و اف جي سياره رياضيه للمغامرات

يعني باختصار شديد ماراح تقولك لالالا فين ماودك تروح بر جبال وحووول صخور

غير سيارات السيدان التي صممت للراحه والفخامه

[كااااامري اس اي]

يا خي هدي أعصابك شوي , الناس أذواق و اذا الاف جي مو عاجبك انت حر تشتريه أو لا .

طيب انت تقول انه التشطيب الداخلي سيئ !!!!!!!!!!

بدري بعد شهرين من الاستخدام تقول انه الداخلية موب زينة ؟

طيب لمن رحت الوكالة عشان تشتريه ما شفت المسجل و الديكور ؟؟؟

بصراحة موضوعك غريب , و أتمنى انه تجاوب على استفساراتي .

تحياتي ...

[بدر المرقب]

صح السياره خفيفه الوزن بس البودي حقها قوي جدا وتقدر تشوف اختبارات السلامه على اليوتيوب , وبالنسبه للديكور الداخلي مش ولابد , اما ان السياره مش راسيه هذا شي اكيد والا كان حطو طبلونها 240 اصلا السياره صممت للجبال والمهمات الصعبه .

[ابوووشنب]

طربااااااان جدا

لو بحلف انك ماشريت اف جي ولا عمرك ركبته في حياتك

جالس تتفلسف على غير سنع
خلك عالاكسنت حقك
هههههههههههههههههههههههههههههههه
سلملم

[الكميم]

المشاركة الأصلية كتبت بواسطة ابوووشنب

طربااااااان جدا

لو بحلف انك ماشريت اف جي ولا عمرك ركبته في حياتك

جالس تتفلسف على غير سنع
خلك عالاكسنت حقك
هههههههههههههههههههههههههههههههه
سلملم

==
هههههههه هههههههه هههههه
هههه ههههههههه ههههه ههههههه
ههههههه هههه ههههههه ههههه

[راعية_الإف_جيه]

الموتر ماعليه كلام ،، موتر سبورتي بمعنى الكلمه ،، يعني بالله عليك يوم سرت الوكاله ماشفت شكلها من الداخل ماطلبت تيست درايف!! ،، ألحينه انا البنت اللي ما افهم فالسايير ولا 1% يوم سرت الوكاله جيكت عالمواصفات اللي فيها ..

[الحجيلان]

السيارة ممتازة وملاحظاتك في محلها لكن السيارة وأنا أخوك مخصصة للطرقات الوعرة جدا ومنافس للهمر ولو بتعيد النظر للسيارة وتصميمها اللي يعتبر بعيدا عن الفخامة وغريب بعض الشيء ... لكن صدقني الزين فيها إن وكيلها أفضل وكيل من ناحية الصيانة وقطع الغيار وسعرها والله مقبول جدا ...

ووجهة نظرك ممتازة . لكن تمنيت إنك تكون شاريها للطرقات الغير معبدة لأنها كذا بتعجبك جدا