[أبو ليندا]

الحمدلله شريت كامري 2008 Glxلون فضي
لكن ودي تنصحوني لاني اول مره اشري سياره على الزيرو
وخصوصا الاكسسوارات الداخليه والعازل وطريقة المحافظة على السياره في اول 1000 كيلو والتنجيد .......................
انا من القصيم بريده

[أنفاسك دخون]

حياك الله أخوي

انا شريت كامري قبل أسابيع وخليتها على وكالتها
بس ركبتلها شاشه بالوكاله مع تضليل عازي حراري من نفس الوكاله
واذا تبغى حاجات أخرى بيفيدونك الاخوان ان شاء الله
بس إسأل عن الاكسسوار الي تبيه وراح تلقى الافاده
تحياتي لك


أبو عبدالعزيز

[أبو ليندا]

العازل بكم في الوكاله؟؟؟؟؟؟؟؟؟؟
وياليت الاخوان يفيدونا في التلبيس واحلى لون على الفضي

[عاشـــق اللاند]

اول شي الف الف مبروك السياره

والله يعطيك خيرها ياارب

----------------

انصحك بالتالي:

1- لبس الموتر تنجيد او تلبيس جاهز على ذوقك (لان مراتب الكامري بسرعه تتوصخ وصعب تتنظف وكنت اعاني منها جدا )
2- لبس السجاد الاربع قطع الصغار نايلون شفاف للحمايه تسمونه بلاستك.
3- لبس الموتر جلاد على وجه الموتر للحمايه من العج والخطوط وروح يم شركات كبيره نفس زيبارت و في كول
4- السياره كامله ولايبي لها اكسسوارات والله يهنيك فيها يارب.


--------------

اخوك \ خالد المطيري

[ولفي وريده]

هلا والله بأهل بريده

عاد انا حولكم

اذا تبي نصيحتي

تعرف الشلال اللي بعنيزه عند الساعه

رح لمه عليهم شغل انا منجد موتري من عندهم ابدااااااااع

الشغل كله كلف 1000 ريال سعودي

تلبيس مراتب طبعاً تفصيل والارضيه يحط عليها بلاستك علشان لو ينكب شي ما يضر ع الفرشه

[أبو ليندا]

مشكورين وما قصرتم ويعطيكم الف عافيه
طيب الاكسسوارات وانحلت
الشي الثاني والاهم الالف كيلو الاولى كيف اهتم بالسياره

[عاشـــق اللاند]

اول شي مبروك عليك السياره,,

واسأل الله ان يعطيك خيرها ويكفايك شرها


بالنسبه للسرعه اول 500 كيلو لاتتعدى ال80 نهائيا وخل رجلك ناعمه على التباديل الى اقصى الحدود وبعد ماتعدي ال500 كيلو يعني من ال500 الى الالف كيلو امش من 100 الى 120 ولكن لاتثبت السرعه يعني خفف وارجع امش ونفس ماذكرت سابقا رجلك تكون ناعمه على السياره وتجنب السرعه وتجنب التوقف السريع واكل المطبات ترا موزين
المكيف شغله وانت بالوكاله عادي جدا ولا عليك من اللي يقولك يتعب السياره كلام فاضي التكيف له مروحه وله انظمه ولا له دخل في فتره التمرين

ملاحظه السياره فتره التمرين تبي تدلع ولازم تمشي عليها ممشى قليل يعني باليوم 50 كيلو الى 100 كيلو كحد اقصى لان السياره تبي تتمرن ماتبي خط على طول

وانصحك لاتسرع ابد

والله يعطيك خيرها ويكافيك شرها

[أبو ليندا]

المشاركة الأصلية كتبت بواسطة عاشـــق اللاند

اول شي مبروك عليك السياره,,

واسأل الله ان يعطيك خيرها ويكفايك شرها


بالنسبه للسرعه اول 500 كيلو لاتتعدى ال80 نهائيا وخل رجلك ناعمه على التباديل الى اقصى الحدود وبعد ماتعدي ال500 كيلو يعني من ال500 الى الالف كيلو امش من 100 الى 120 ولكن لاتثبت السرعه يعني خفف وارجع امش ونفس ماذكرت سابقا رجلك تكون ناعمه على السياره وتجنب السرعه وتجنب التوقف السريع واكل المطبات ترا موزين
المكيف شغله وانت بالوكاله عادي جدا ولا عليك من اللي يقولك يتعب السياره كلام فاضي التكيف له مروحه وله انظمه ولا له دخل في فتره التمرين

ملاحظه السياره فتره التمرين تبي تدلع ولازم تمشي عليها ممشى قليل يعني باليوم 50 كيلو الى 100 كيلو كحد اقصى لان السياره تبي تتمرن ماتبي خط على طول

وانصحك لاتسرع ابد

والله يعطيك خيرها ويكافيك شرها

مشكوووووووووووور
باقي عندي استفسار بسيط وهو اني شريتها من المعرض هل ينطبق عليها نفس الكلام في الصيانه مثل السيارات الي من الوكاله.
والشي الثاني متى اوديها الصيانه قبل الالف ولا بعد الالف كيلو وهل من الممكن اسافر فيها بعد الصيانة مباشرة تقريبا مسافة 1400 كيلو.

[عاشـــق اللاند]

هلا بالحبيب عادي الكلام اللي قلته ينطبق على اي سياره جديده سواء معرض او وكاله يفضل انك توديها الوكاله الالف كيلو بشي بسيط

يعني 970 كيلو او 900 كيلو ومافيه مشكله توديها فوق الاف بشوي يعني 1010 كيلو عادي وبعد ماتخلص من الوكاله تقدر تسافر عليها

[أبو ليندا]

اشكر كم جميعا
بالنسبه لتلبيسة الطبلون ماهو افضل لون على الفضي وكيف طريقة التركيب لااريد تفكيك السياره
والعازل الحراري كم سعره في الوكاله جميع السياره
وافضل درجه
ومره اخرى اشكركم

[أبو ليندا]

بالانتظااااااااااااااااااااااااااااااااااار

[عاشـــق اللاند]

اشكر كم جميعا
بالنسبه لتلبيسة الطبلون ماهو افضل لون على الفضي وكيف طريقة التركيب لااريد تفكيك السياره
والعازل الحراري كم سعره في الوكاله جميع السياره
وافضل درجه
ومره اخرى اشكركم

ادخل على موضوع من كتابتي (شبك الكامري + تلبيسه الطبلون )

وشكرا

[حربي القصيم]

ابوليندا

الله يعطيك خيرها ويكفيك شرها
بس نصيحه روح لم الشلال وهو بيصنعها لك
تراء شغله معروف على مستوى القصيم
وبخصوص الالف والتشيك عند الوكاله
قد رحت مره مع خويي اشوف طريقة تشيكهم
وكانت سيارته ماشيه 900 بس وراه خط وقبلوها عادي
بيسئلونك اذ بوه عيوب معك الموتر ولاشي
وبديخلونه عندهم ساعه تقربيا يشيكون عليها
ويقولك راجعنا على الخمسه الالف بتغتير زيت

وتراء انا شاري كامري الاسبوع اللي راح اصفار
مارجعتهم ولاشي لان الحمدلله مابوه عيوب وامشيها طبالين على خط الرياض
وهي ماوصلت 500 كيلوا عادي

بس انصحك اذ انت راعي محافظه شيك مع الوكاله اول باول
وتراء التشيك 5000 الاف عليهم بس الزيت عليك
بسخلونك سلخ فيه
خلك مثلي ابويمن بدقايق يخلصك
وتشيك العشره الاف عليك وعلى ذا الحال مره عليك ومره عليهم

وبخصوص العوازل والحاجات ذي مالي خبره فيها
نظامي مع السياره زي ماهي ماسوي فيها شي
بس افادك عاشق اللاند ابيض وجه ماقصر
والله يعطيك خيرها ويكفيك شرها

[الهايم وهو نايم]

المشاركة الأصلية كتبت بواسطة أبو ليندا

مشكوووووووووووو
باقي عندي استفسار بسيط وهو اني شريتها من المعرض هل ينطبق عليها نفس الكلام في الصيانه مثل السيارات الي من الوكاله.
والشي الثاني متى اوديها الصيانه قبل الالف ولا بعد الالف كيلو وهل من الممكن اسافر فيها بعد الصيانة مباشرة تقريبا مسافة 1400 كيلو.

اي سيارة جديدة تشتريها من الوكالة او من المعرض ينطبق عليها كل شي
وبالنسبة لصيانة الافضل انك توديها فبل الاف بشوي اي ممكن تسافر بالسيارة بعد الاف
ولكن زد السرعة شوي شوي