[الشمالي شمالي]

السلام عليكم ورحمة الله وبركاته


إخواني دخلت سيارتي اليوم الصيانة حتى أغير صدام سيارتي (اللي صدمته إحدى السيارات من الخلف مما أدى إلى انعدامه ولزوم تغييره)

المهم دخلت السيارة قالي المهندس اللي استقبلها (طبعاً سيارتي لونها فضي) قال المهندس لن يكون لون الصدام متطابق مع لون البدي 100% راح يكون فيه اختلاف ولا يعرفه إلا من يقرب ويدقق بالسيارة.

تكفون يا إخوان السيارة بالوكالة قبل لا يبدون الشغل فيها

أرجو المشورة والإقتراح والله يحفظكم ويرعاكم

[اوريون_وبس]

هلابك اخوي


ياعزيزي المشكلة ان السيارة غببرت وانغسلت و و و و


فـ لونها بيصير غير لون الوكاله


فيه حل بسيط وليس كللي


سو تلميع للموتر كامل


والصدام مع الوقت بيتغير لونه مع الحراره والرطوبه وعوامل الجو كافه الى لون البدي


اتوقع مافيه غير هالحل

[هاي بريدة]

ما ازيد على اخوي اوريون وبس الي الوكالة يقولون مانظمن لك اللون مطابق للسيارة اجل وش رايك ترى ان غير الوكالة يكون شغلها أفضل من الوكالة ؟؟؟؟!!!! ............ ما أتوقع على العموم توكل على الله وسو مثل ماقال لك اخوي اوريون وبس لمعها ومع الوقت يناسب للسيارة ان شاء الله هذي وجهة نظري أنا وانت حر بنفسك اخوي................. تحياتي دمت بود

[المجازف]

لازم اصلا يكون مختلف قليلا
لانه البويه جديده والبويه القديمة بهت لونها مع عوامل التعريه الحرارة الاتربه وغيرها
وذلك مع الزمن الصدام يصير مثل بويه السياراه مع الغسيل والحرارة وغيرها لذلك توكل على الله ورشها
ولاتلمعها لانه مع الوقت بيصير مثل لون الوكاله

[المكيانيكي]

لازم يختلف اختلاف بسيط لان البوية على البلاستك يكون لونها مختلف عن البوية اللي على الحديد هذ من ناحية علمية
يعني مستحيل يتطابق لون الصدام او المرايات او اي شي بلاستك مع لون اسطح الحديد ودقق بالسيارات الجديدة وتحصل اختلاف بين لون الصدام ولون السيار يعني المصنع ما يطبقها مع بعض
توكل على الله وخلهم يصلحونها

[نواف البريكي]

ياخوي انت لو تلاحظ السياره من الوكاله اني في فرق بين الدعاميه والبدي دقق علي الدعاميه وتعرف اذا فيه فرق او لا

[عبدالله يوسف ا]

ممكن الحل اللي بقوله مضحك بس ممكن ينفع

سو تلميع للبدي القديم(فقط وخل الجديد مكشوف) وبعد ست اشهر والحراره والغبار والغسيل يصير اللي مركبيلك اياه نفس لون البدي القديم اللي مسوي له تلميع
.

اوانت قدر متى يتطابق لون الدعاميه الجديده والبدي القديم(اللي فيه تلميع) وتوكل على الله وسوها تلميع كامل.

والله هالطريقه الفتها من مخي وانت طالع الحل هل دش مخك ولالا.

وبالتوفيق

[الشمالي شمالي]

الله يجزاكم بالخير يا إخواني جميعاً، اتفقت آراكم على أنني أصبغها في الوكالة..

اوريون_وبس
هاي بريدة
المجازف
المكيانيكي
نواف البريكي
عبدالله يوسف

الله يرفع قدركم ويعلي شأنكم،،