[ملك الغوص]

السلام عليكم

قبل يوميين وبدون مقدمات نزلت من السياره ورايح للحلاق اتزين شوي

وركبت الأوريون وادوس على البريك وزر التشغيل.... السياره لا تعمل مافي سلف

العدادات تعمل والزينون والشاشه هذا ما بقى في الدينمو من كهرباء

وظهرت رسالة بشاشة المعلومات ( vsc ) تعني ان البطارية ....عطتك عمرها....

واتصل على وكالة الساير دزولي ونش لنق السياره ولكن جربنا نشغلها بشحن من بطارية اخرى اشتغلت ...

وتذكرت موضوع اخوي احمد اوريون وافتح الشاشه وادخل على البرمجه واشيك على البطارية طلعت ميته ..

وبعدها قلت دام السيارة شغاله بختصر المشوار وبروح اي كهربائب وبركب بطارية نفسي الحجم وللعم بطاريتي استرالية

طبعا حصلت نوع اي سي دلكو الكترونية وركبتها وحجمها نفس القديمة 55

شغلت السيارة الحمدالله كان الزينون صار اقوى من اول بس ماني متاكد

ورجعت فتحت الشاشه بطريقة احمد اوريون وشيك على قوة البطارية كانت كالتالي..
12.9V
13.0v
تنزل شوي وترجع شوي شغل المكيف والزينون يبين معاك الفرق ولكن ماني عارف اذا طبيعي او لا والكهرباء فحص البطارية قالي ثابته 13.0 v

سعر البطارية 22 دينار كويتي وغالية ومكفولة سنه على الغانم

بعدها قلت بتصل على الوكالة بتاكد البطارية على الوكالة او لا اقصد من ناحية الكفالة...

السنة الاولى تبدل مجانا
السنة الثانية نص السعر عليك والباقي على الوكاله

بشرط تعطيهم البطارية القديمة الاصلية واهم على كلامهم يرسلونها للمصنع.

سعر بطارية الوكالة 36 تقريبا قالي الموظف تدفع منها 18 لان سيارتي صار لها اكثر من سنه

السؤال: هل بطارية الوكالة افضل من اي سي دلكو مع انها نفس الحجم اللي ركبتها؟؟؟

البطارية القديمة محتفظ فيها ومفكر اخذها الوكاله واخذ البطارية الجديدة وادفع 18 دينار واستفيد منها بعدين لانه لو احتجت بطارية بعد سنه تقريبا بدفع اكثر من 18 دينار اكيد هذا الشي والبطاريات اسعارها في صعود دائم

واذا تنصحون ببطارية الوكالة بفك اللي ركبتها وبركب مالت الوكالة اتوقع ماركتها ايكروس وكيلها الساير

اتمنى الموضوع يكون شامل للبطارية ونواحيها الفنية واداء السياره ونوع البطارية المعتمد للاوريون وافضل البدائل


مع تحياتي ...ملك الغوص

[المكيانيكي]

هلا اخوي ملك الغوص
نعم بطارية الوكالة افضل من اي سي ديلكو الحين اي سي دليكو مو زي اول الحين عندنا يصنع في السعودية ولا يدوم معاك طويلا وعلى العموم بطارية الوكالة ليست اكترونية عادية يعني تتعبا موية وهي افضل من الالكترونية افضل انواع البطاريات هي اليابنية الصنع وهي من شركة يوسا ولكنها غالية جدا الاصلية
ولك التحية

[ملك الغوص]

المشاركة الأصلية كتبت بواسطة المكيانيكي

هلا اخوي ملك الغوص
نعم بطارية الوكالة افضل من اي سي ديلكو الحين اي سي دليكو مو زي اول الحين عندنا يصنع في السعودية ولا يدوم معاك طويلا وعلى العموم بطارية الوكالة ليست اكترونية عادية يعني تتعبا موية وهي افضل من الالكترونية افضل انواع البطاريات هي اليابنية الصنع وهي من شركة يوسا ولكنها غالية جدا الاصلية
ولك التحية

الف تحية على الرد السريع منك اخوي ميكانيكي

يوسا او يوشا اللف ماني متاكد منها هذي قوية لكن ما حصلتا يابانية الصنع

لكن الوكالة عطوني اسم نوع على ما اضن ايكروس او اكروس


هل تنصح اشيل الاي سي دلكو اللي ركبهتا واركب من الوكالة جديد النوع اللي خبروني عنه وادفع نص السعر؟؟؟

ومثل ما قلت البطارية اللي كانت على السيارة استرالية تتعبئ ماء.

[المكيانيكي]

هلا فيك اخوي ملك الغوص
الحين خلاص اشتريت اي سي ديلكو يعني ما تقدر ترجعها لو انت ما اشتريتها كان بطارية الوكالة افضل لك
اليابنية اسمها يوسا بس صعب تحصلها لانها غالية ونادر يجيبها احد لان الناس ما تشتريها بسبب ارتفاع سعرها
واكيد البطاريات الاسترالية افضل من البطاريات التي تصنع في الخليج

[مدلع الكامري]

بطاريه الوكاله افضل

[ملك الغوص]

المشاركة الأصلية كتبت بواسطة المكيانيكي

هلا فيك اخوي ملك الغوص
الحين خلاص اشتريت اي سي ديلكو يعني ما تقدر ترجعها لو انت ما اشتريتها كان بطارية الوكالة افضل لك
اليابنية اسمها يوسا بس صعب تحصلها لانها غالية ونادر يجيبها احد لان الناس ما تشتريها بسبب ارتفاع سعرها
واكيد البطاريات الاسترالية افضل من البطاريات التي تصنع في الخليج

والله اخوي انا محتفظ بالبطارية الاسترالية وبدفع النص واخذ بطارية الوكالة والاي سي دلكو بشوف لها صرفه

بس بطارية الوكالة قالولي ايضا الكترونية وشرايك؟؟ مو مويه

[عبدالله يوسف ا]

عاد سوالف البطاريات ماكو احد عانه منها اكثر مني

اخوي ملك الغوص خلك على ال ac delco افضلك من بطاريه الوكاله وصدقني راح تطول معاك اكثر من بطاريه الوكاله انا مركبها على اكثر من سيارة ممتازه خلك عليها ولاتشغل بالك وانا لو بودي اشيل بطاريتهم واحط ac delco
لكن حرام توني ماخذ السياره لازم احلل بطاريتهم شوي

[ولد التحليه]

المشاركة الأصلية كتبت بواسطة عبدالله يوسف ا

عاد سوالف البطاريات ماكو احد عانه منها اكثر مني

اخوي ملك الغوص خلك على ال ac delco افضلك من بطاريه الوكاله وصدقني راح تطول معاك اكثر من بطاريه الوكاله انا مركبها على اكثر من سيارة ممتازه خلك عليها ولاتشغل بالك وانا لو بودي اشيل بطاريتهم واحط ac delco
لكن حرام توني ماخذ السياره لازم احلل بطاريتهم شوي

فعلاً نصيحتي لك يا ملك الغوص مثل ما قالك الأخ عبدالله

أنا مجرب الإثنين حق الوكالة يواسا (Yuasa) والإيه سي ديلكو (AC Delco)

بالنسبة لليواسا ما يعيش معاك أكثر من سنة إلى سنة ونص وأنا مجرب حق شد بلدها (تبع الوكالة)

وأما بالنسبة لبطارية إيه سي ديلكو ما شاء الله من يوم ما غيرتها حسيت بالفرق من لحظة ما تدق السلف ، ولها الآن حول 3 سنوات ومن أحسن ما يكون والحمد لله.

في النهاية إيه سي ديلكو (AC Delco) أفضلك من ناحية الأداء والعمر

وغير كذا كونك اشتريتها بتكون أحسنت الإختيار ، فخليك عليها

فا ليش تخسر فلوسك على شراء منتج أقل جودة من اللي عندك بفارق كبير ؟!

[المكيانيكي]

وكيلنا بطارياته ماهي الكترونيه تتعبا موية ومكتوب عليها تويوتا مدري عن وكيلكم وش بطارياته
بالنسبة اي سي ديلكو اللي عندنا صناعة سعودية ما تنفع ولا بريال ما تعيش اكثر من 8 شهور بالكثير من تجربة لاكثر من مرة لان اي سي ديلكو الحالية صناعة سعودية مو زي زمان امريكي
بالنسبة لبطاريات يوسا فيه منها تقليد وقليل تحصل يابنية الصنع الا بالمحلات الكبيرة وغالية جدا
خلك على اي سي دليكو ومارايح تتعدى 8 شهور بالكثير وارفع الموضوع ان كاننا من العايشين وخبرنا بعدها وش حال اي سي ديلكو معاااك

[نواف البريكي]

بطايه الوكاله افضل مع انها تايلنديه بس مكفوله

[هــاوي لــكــزس]

الله يعينكـ

[طيار ومهندس]

شدني إسم الموضوع ( عندما يتوقف نبض الأوريون.... )

المهم أخوي ( ملك الغوص ) الحمد لله إن السيارة إشتغلت والأمور إنحلت ،،

ألف تحية للأستاذ المبدع دائماً ( المكيانيكي )

[ملك الغوص]

يعطيكم العافية الاخوة الكرام
والله الاي سي دلكو مو سيئة لهذا الحد

وبيني وبينكم بدفع نصف السعر واخذ بطارية الوكالة وياخذون مني البطارية القديمة لان السعر اللي بدفعه لا يتعدى 18 دينار وبخليها للمستقبل استعملها لان سعر البطاريات في صعود مثال الاي سي دلكو حجم هه سعرها 22 وراح يزيد اكثر

وبطارية الوكالة استرالية و عاشت معاي سنه ونصف السنه (((الكشاف عندي دايم مفتوح - نسيت الاضاءاة الداخلية اكثر من مره من اخذت السيارة- شحن التلفون بكثرة ...)))
بختصار كديتها كد

[جندع]

أنا صار عندي نفس المشكلة بالظبط وعملت قران للبطارية واشتغلت السيارة لكن لازم البطارية تتغير لأنها كل مرة بتفضي.

على فكرة أنا سيارتي اليوم كملت سنة بالظبط بتاريخ 28/07/2007 اشتريتها. والله غريبة سنة بالظبط!!!!!!!! بصراحة بطارية سيئة جدا.

[خالد@@]

الله يعينك على نظام التشغيل الذكي دائما يقولون مشاكله كثيييره

[مصطفى العاني]

انا مخلي اي سي دلكو ومشتريها من الاردن وماشية عندي الحمدلله