[جارجر_سابقا]

سيارتي افالون 2008 ماشية 20 الف كيلو....

ومن يومين كل ما اضغط بريك يـطلع صوت صفير حاد من التوآآير...طبعا هاي سيارتي الثانيه وسيارتي الاولى مامداني شوي وبعتها يعني ماعندي خبرة فهالسوالف...
بس على ما اعتقد من قرايتي لبعض المواضيع انها صوت السفايف....

سؤالي..هل هو صوت السفايف؟؟وشو الي اسويه..مو مشكلة لو اشتريت سفايف جديدة ورحت ركبتها عند اي كاراج؟؟ولا لازم الوكالة لانه وكالتنا تاخذ وقت في كل شي ...واشتري للامامية بس ولا للامامية والخلفية...

يرجىى المساعدة....

[فضفضي]

مع كل احترمي وتقديري لك مامعنى سفايف وشكراااااااااااااااااااااااااااااااااااااااااااااا ااا

[الكنــــــــج]

السلام عليكم اخوي جارجر اكشف على السيارة اول عند اي كراج .
ثانيا /// الصوت تسمعه يطلع من قدام ولا من ورا بالتحديد

[جارجر_سابقا]

الصوت أحس انه مايل على مقدمة السيارة مش الخلفية ...

وبالنسبة لكلمة سفايف هذي نقولها فالامارات على مساعدات البريك(القطعة الي تمسك البريك وتتبدل كل فترة وفترة)ممكن اسمها بواجي او غيره والله مدري بالضبط شو اسمها عندكم....

بس السيارة ماشية 20 الف ماعتقد السفايف لازم تتبدل بهالسرعة ولا انتوا شو رايكم؟؟ممكن يبيلها تنظيف بس..عالعموم بكرا بوديه الكاراج يفك الاطاارات ويفـحص عليها وخير انشالله

[نواف البريكي]

يعني مكابح

[جارجر_سابقا]

اكتشفت معناها..معناها الفحمااات عندكم

[الحـ(درب)ـب]

هذي أكيد السفايف

غيرها وبس
وتوكل على الله

[البروفسيور]

المشاركة الأصلية كتبت بواسطة جارجر_سابقا

الصوت أحس انه مايل على مقدمة السيارة مش الخلفية ...

وبالنسبة لكلمة سفايف هذي نقولها فالامارات على مساعدات البريك(القطعة الي تمسك البريك وتتبدل كل فترة وفترة)ممكن اسمها بواجي او غيره والله مدري بالضبط شو اسمها عندكم....

بس السيارة ماشية 20 الف ماعتقد السفايف لازم تتبدل بهالسرعة ولا انتوا شو رايكم؟؟ممكن يبيلها تنظيف بس..عالعموم بكرا بوديه الكاراج يفك الاطاارات ويفـحص عليها وخير انشالله

ناس يسمونها فحمات وناس يسمونها ديسكات وتختلف المسميات واعتقد اكثر شي شايع فحمات
لكن شيك عليها يمكن استهلكت ويبي لها تغير او فيها وسخ ترى الاوساخ على السفايف تصدر اصوات
تحياتي لك

[الكنــــــــج]

اخوي جارجر بعد التحية اتوقع ان المشكلة عندك ان السفايف ((الفحمات الامامية)) يبيلها تنظيف مثل ما قال اخونا البروفيسر رح الكراج مثل ما قلت لك وخل المكانيكي يفحصها ويشوفها لك ان بسيارتي اقدر اعرف انها مستهلكة يبلها تغيير ولا لا بعد ما يفكها خله ينظفها يمكن شي عالق ضخرة صغيرة فيها تراب ويركبها لك هذا في حالة انه فتحها وما كانت منتهية انت يمكن رجلك حامية على البريك ويمكنها تحتاج تغيير في هذه الحالة ننتظر جوابك تحياتي لك وللجميع

[مكتوب تنساني]

السلام عليك جارجاا
مااشيهـ 20 وصوت سفايف ؟؟؟؟َ
انا سيارتي غييرت اول مره للسفايف وكانـت ماشيهـ 50 ألف ؟؟!
وثاني شي انا انصحكـ بدنيا ترييد ركبت عندهم واسعارهم حلوه والسفايف ايبوونها من البريمي واصليهـ وانا ركبتها بس السموحه مااذكر بكم اعتقد مايزييد عن 300 مع الخراطه والتركيــب وربـي يحفظكـ

[جارجر_سابقا]

مشكوورين اخوآآني وبالاخص اخويه مكتووب تنساني..بمآ انك من الشارجة ممكن تدلني على اي فرع دينا تريد تتكلم؟؟وسفايف الافالون الاصلية عندهم؟..لاني ناوي اروحلهم انشالله

[المهذب]

أتوقع الفحمات "السفايف" تحتاج إلى تنظيف وليس تبديل