[فهووووود]

السلام عليكم و رحمه الله

انا ناوي اخذلي كامري انشاء الله هاليومين و محتار بين ال Se وال Glx

نبدا بال Se : سياره رياضيه و شكل حلو بالزوايد الي بالبدي من جناح و لحيه
لكن اللون الاسود بالداخل (طبلون وكراسي) خلاني اتردد و بعد مافيها تيك (تخشيبه) مثل ال Glx

وال Glx : فخامه من الداخل (طبلون و كراسي) بيج و تيك (تخشيبه) عالابواب و عند القير

الخلاصه اني محتااااااااااااار بين حلاوه الشكل الخارجي و بيت الفخامه الداخليه

تكفون شباب الي عنده ال Se وال Glx لا يبخل علينا بتجربته للسياره و كيف شايفها بعد الاستعمال
من كل النواحي

بالنسبه للون : انا شايف انه الابيض و اللون الجديد البرتقالي احلى لونين عال Se
اما ال Glx الابيض و اللون الجديد (الزيتوني)

بالنهايه اسمحولي طولت عليكم لكن بصراحه انا فعلا محتار و ما ابغا اخذ نوع و اندم بعدها واقول ياليت خذت النوع الثاني

و انا متاكد اني بلقى الاراء و النصايح الطيبه منكم .... اخوكم فهوووود

[وسام]

بصررراحه الفخامه الخارجيه في الكامريseزالفخامه الداخليه في الكامري GLXوتبي الذوق في الداخل
لكل شخص رأي ورأيي تأخذ SE وتوكل على الله

[كمورة القمورة]

صراحه موب عشان سيارتي رياضيه جاي امدح بس الحق ينقال

ال اس اي احلى وارز واكشخ حتى تحس انها مايهب كامري

تشوفها شكلها اكبر


ونا عاجبتني من الداخل اكثر من ال الجي ال اكس

لانها تذكرني بالمرسدس الرياضي اسود وفضي

ولاتنسى ال اس اي مسجلها 6 سيديات وال جي ال اكس سيدي واحد فقط

والطبلون احلى بكثير

المهم لي رجعه ان شاء الله لاني تعبان توي راجع من الدوام والبارح مانمت زين

[كامري وبسين]

انا شخصيا افضل se على الـ glx
بس الثانيه اكشخ من الداخل

[كامري وبسين]

واذا تقدر خذ لك اكورد ولو الزمن يرجع لورا اخذ لي اكورد

[كمورة القمورة]

المشاركة الأصلية كتبت بواسطة كامري وبسين

واذا تقدر خذ لك اكورد ولو الزمن يرجع لورا اخذ لي اكورد

صدقت والله يالله ماقول اله الحمد لله على كل حال


اخوي غير الاكورد لاتدور واسال مجرب

وعندي تجربه مصوره بالفيدوو لي ونا اجربها لين سرعة 200 مشاء الله عليها


يالله لاتخليني اصيح

[متيم الكامري]

se وبس لا تفكر غيرها اول كل من مر نبك يقعد يناضر بالعربي خلاع

[الـ م ـصرقع]

السلام عليكم..

والله انا مالي خبرهـ بالكامري الجديدهـ 2008..

عشان كذا مابي اقولك كلام واضيعك..

لكن الي اشوفه ان الـ se كشكل أحلى..وسبورت أكثر..

يعني فيها تغيير وشيء جديد..

وبس.. ^.^

تحياتي...

[الـ م ـصرقع]

ونصيحه لك..

لاتسمع كلام الاخوان الي يقولون خذ لك أكورد..

مع احترامي لهم..

الكامري افضل بكثير..

مو عشان معي كامري..لا المواصفات احلى بالكامري..

الاكورد قطع غيارها نار..

وخراباتها وآآجد..

وغير كذا ماتعطيك للزمن..يعني 4 او 5 سنوات بالكثير وسلم عليها..

اتكلم عن الاكورد بواقع تجربة 3 سيارات أكورد..!!

خذ لك كامري ولا تتردد..الكامري تعطيك عمر..لو تبغاها لـ 20 سنهـ قدام..

وآسف على الاطالهـ والرد الثاني..


تحياتي...

[فهووووود]

مشكورين يالربع عالنصايح و الاراء .. و بالنسبه للاكورد انا مجربها بصراحه سياره لكن مع احترامي لاصحابها ما تجي جمب الكامري من ناحيه راحه البال في قطع الغيار و الاستعمال الطويل
.. ياريت باقي الاعضاء يعطونا الراي و خبرتهم بالسيارتين(se وال Glx ) عشان الكل يستفيد و تحياتي للكل

[سباقات القطيف]

Se وبــــس

[تمنيتك]

Glx
انا اقول انها افضل من داخل تحس براااااحه

[عاشق الاند.]

Seوارتاح حتى الseفيها تخشيبه كروووم(احلى طلعت فيلسوف)

[عاشـــق اللاند]

شوف روح للمعرض وشوف اللي يعجبك واشتره وترا كلهم حلوين

[ياسر الكاسر]

اذا انت من الناس اللي يحبون السيارات الرياضيه خذلك se واذا انت من الي يحبون الفخامه والدلع خذلك glx

[فهووووود]

بصراحه شباب ما قصرتو .. كفيتو و وفيتو .. اقدر اقول الحين
بعد نصايحكم و تجربتكم اني بديت اقتنع اكثر بال GLX لاكثر من سبب :

1-ال se طبلونها اسود يعني الغبار يبين عليه بسرعه و الشمس ماراح ترحمه و يبغالك نص ساعه عشان يبرد المكيف اذا كنت صاف تحت الشمس
2-الدركسيون جاي مثلث ما عجبني ابدا احسه موب راكب على سياره بحجم الكامري
3-ال se تجي بدون تخشيبه يعني المنطقه الي عند الجير تشابه ال gl

بالنسبه لمميزات ال se :
1-الشكل الخارجي بالزوايد (اللحيه و الجناح و الشبك) عجيب و يعطيها هيبه
2-الكراسي (المراتب) جودتها اعتقد انها افضل من ال glx و طبعا تستحمل من البيج
3-المسجل يجيك 6 سيديهات و العدادات رياضيه و لونها ازرق

اما بالنسبه لل glx :
انا شايف انها من الداخل افخم مع الطبلون البيج و البني و الكراسي البيج
و التخشيبه طبعا الي عند الجير و عالابواب و الدركسيون الاكثر فخامه .. لكن الشكل الخارجي
احسه عائلي اكثر و مش مميز نفس ال se

بالنهايه السيارتين حلوين و كل نوع له مميزاته و الله يهني كل واحد بسيارته و انشالله اتوفق بالاختيار
الصحيح عشان ما اقول بعدين ليتني خذت النوع الثاني .. و اسمحولي عالاطاله و كثره الاسئله
بصراحه مالي غير منتداكم الرائع الي اقدر اخذ تجاربكم و نصايحكم و خبراتكم منه .. و ياريت الي عنده
اي معلومات ثانيه بالنسبه للنوعيم من الناحيه الميكانيكيه مثل العزم و المساعدين و الاختلافات الثانيه ما يبخل علينا .. تحياتي للكل

[كمنت]