[شرقاوي اوريون]

السلام عليكم ورحمة الله وبركاته
مشكورين على هذا المنتدى اللي اكثر من رائع وعلى مجهودات الاعضاء حقيقة ً تشكرون عليه
انا من فتره وادخل هذا المنتدى ولقيت فيه اشياء استفدت منكم الله يعطيكم العاااااااافــيــــــــــة
اعزائي ... هناك اشياء اريد ان استفسر عنها واهي::
انا سرت الى الوكالة وحبيت اشتري سيارة واحترت بين فئتين
هي اوريون جراندي بدون نفيقيشن او اوريون GLX ""فتحة في السقف"" (على حسب المادية طبعا ً)
طبعا نترك اوريون جراندي بدون نفيقيشن وخلونا على اوريون GLX (فتحة في السقف)
استفساري هو : هل الاوريون GLX (فتحة في السقف) ... انوارها زينون او لا ؟؟؟
لانه بصراحة تعبت في الوكالة (وكالة تويوتا وللكزس الرئيسية - الخبر) ودخلت مستودعهم وما لقيت اوريون .. وايضا ً سرت الى المستودع الكبير لتويوتا الموجود بالراكة ومحد افادني !!!!!!
وايضا عند تصفحي للمنتدى لقيت هالشاشة



هل هي شاشة اصلية يعني وكالة وكم سعرها (لانه بالوكالة لقيت الشاشة السوداء)
واذا شريتها وين اركبها؟؟؟
واذا كان لا يوجد في اوريون GLX (فتحة في السقف) انوار زينون !! شنو تنصحوني اركب من الانوار الزينون .. وبكم سعره؟؟ ونوع وقوة الانوار؟؟؟ وافضل محل موجود عنده هالانوار ومع التركيب؟؟؟

ارجوا افادتي قبل ان اشتري السيارة
ولكم مني التحية والتقدير معطرة بدهن العود

[أبو سيد علي]

بالنسبة للزينون, 2008 كلها زينون, قصدي الأوريون طبعاً

أما الشاشة, فسعرها 6500 أو 6400 ريال بدون تركيب

[بلحروووز]

من ناحية الزينون فهي زينون ..

اما الشاشة .. انا توني جاي من فرع بريدة و سعرها 6000 ريال فقط بدون تركيب

لكن يعيبها عدم وجود بلوتوث ... بينما الشاشة الموجودة بمهام الجزيرة فهي نفسها بالضبط

لكن ببلوتوث و سعرها 3800 ريال ... نصيحتي لك .. دامك قادر على الجراندي بشاشة خذها ولا تتردد

لكن اذا ناوي تركب شاشة بعدها ترا سعر الاوريون بالشاشة السوداء 105 الاف ريال لفترة محدودة

وسعر اللي بدون شاشة ب 101 الف ريال ...

استخر ربك اولا و اخيرا

تقديري

[شرقاوي اوريون]

فديتكم والله ما قصـرتوا وعساكم على القوة اعزائي

عزيزي بلحروووز .. ما قصرت اخوي .. صحيح الافضل لي اني اخذ اوريون بالشاشة
لكن اخوي انا عندي تقريبا 88000 ريال يعني شي قريب من اوريون Glx مع الفتحة
وبالنسبة للشاشة انا فقط محتاج منكم الافضل في الشاشات

طيب اخواني
في هذاالمنتدى قريت عن الشاشة مهام الجزيرة .. وين ألقاها واذا هي سعرها 3500 مع التركيب ا و بدون؟؟؟ واذا ممكن من الاعضاء صورة للشاشة مهام الجزيرة .... !!!!

والمشكلة يا اخواني اني ما اقدر اصبر اكثر لانه ما عندي سيارة حاليا ومحتاج اشتري بأسرع وقت
واذا الاوريون Glx انوارها زينون افضل اني اشتريها وانتظر شهر او اكثر واشتري شاشة مهام الجزيرة

ارجوا افادتي .. وفديتكم والله ما قصـرتوا

[عاشق الأمـيـرة]

انا انصحك بالجراااااااااااندي بدوون شاااااااااشة

وانصحك تاخذها من المعااااااااارض لان سعرها في الوكالة غالي
الفرق ما بين 2000 وال 5000 رياااااال

[شرقاوي اوريون]

رايك يا عاشق على العين والراس .. وانا فكرت اشتري من المعارض (يعني الفكرة موجوده وليس معترض) ..
لكن يا اخوي افضل اشتري السيارة من الوكالة
لانه اعتقد انه يوم اشتريها من المعارض مالها ضمان او اقصد انه يسقط الضمان في بعض الاشياء للسيارة

انا افضل من الوكالة لانه لو صار فيها عيب مصنعي .. يكون مرجعي الوكالة وضمانها موجود وساري

ارجوا من الاعضاء افادتي بخصوص شاشة مهام الجزيرة وين القاها وخاصة انا من الشرقية - الخبر
لكم التحية والتقدير ومشكورين على المرور وتشرفكم لصفحتي

[الصابر..]

طيب أنا عندي استفسار بسيط..

الأوريون الجراندي اللى بشاشة..

أيش الشاشة اللى تجي فيها وأيش الموصفات اللى فيها..؟؟

[هــاوي لــكــزس]

اخوي شرقاوي..من اللي قالكـ انكـ اذا شريت من المعارض مالها ضمـان..؟؟

هذا غير صحيح..مافيه فرق بين المعرض والوكاله ابداً..ابداً..اللهم زيادهـ السعر من الوكاله فقط..

خذ معرض ارخص وأسرع..ترى الوكاله نظامها أحجز وأنتظر كم يوم..واحياناً توصل اسبوع وأكثـر..

بالتوفيق اخوي

[شرقاوي اوريون]

ما قصرتوا اخواني على الردود وعساكم على القوة ومشكورين لمروركم صفحتي

اخوي الصابر يمكن هالروابط تفيدك عن الشاشة

نافيقيشن الاوريون الاصلي *حصري*

شاشة مهام الجزيره المواصفات + طريقة التركيب

شاشة مهام الجزيره المواصفات + طريقة التركيب

اخوي هاوي مشكور على رايك وان شاء الله انا راح اطلع الى المعارض وبشوف شنو راح ارسي عليه
يعطيكم العافية .. وان شاء الله وارجوا من الاعضاء افادتنا عن الشاشة وشاشة مهام الجزيرة

يعطيكم العافية