[راعي العوبا]

السلام عليكم ورحمة الله وبركاته ،، الحمد لله على قضاء الله وقدره . امس دعمني واحد بسيارتي الجديده كامري2008 . اكل علي الباب الايسر الخلفي علىشوي من الرفرف الخلفي وشويه من الصدام . . لكن ابي تعطوني الشور . اصلحه في الوكاله واغير الباب باب جديد . ولا اعدله. علماَ بان الباب ما تاثر جداَ يعني يتعدل . ولا اصلحها بر الوكاله واعدلها ولا اغير الباب برا الوكاله . علماَ بان بعض الشباب مانصحوني بالوكاله . عطوني شوركم واللي عارف ورشة مضبوطه وشغلها ميه بالميه في الرياض يعلمني والله لاهينيكم . ولا يقدر عليكم شر وجزاكم الله خير ،، .

[كااااااااااامري]

راعي العوبا
اولا الحمدلله على السلامه
ثانيا بالنسبه لتصليح لايهمك اللي يقول وكاله انا صدمت على موتري وجه ورحت بدخلها الوكاله قالوا لي 24الف(((فوووق الخياااال)) رحت والله وطلعتها لورش في الصناعيه القديمه ولقيت شغل لا يعلى عليه وتمام التمام وصلحتها بـ 3000 وتصليح رااائع والله محد درى عنها وفيه لو تدررو بتلقى ورش شغلهم عدل
وبالنسبه للوكاله يوم اروح قالوا الاديتر مايصلح خربان وهو والله العظيم ماجاه ولا خدش والشاص قالوا يبيله تعديل هههههههه وهي ما جا شاصها شئ بس كلام فااااضي يبون دراااهم وبس
وبعدين يعني للمعلوميه تراني حريص على السياره يعني اهم شئ الشغل النظيف مو اي كلام
وفيه ورشه ناسي اسمها في صناعية الدائري نسيت اسمها والله لو تبيها ابشر قلي واروح اشوف لك اسمها شغل نظييف بس غويليه
تنبيه: ياطويل العمر شف الباب اللحين لو تفتحه تلقى على الحواف سلقون لو تشتري باب جديد من الوكاله يجي بدون سلقون وبكذا يدرون يعني الباب حاول تعدله احسن لك
واي خدمه حاظر واسف على الاطاله لاكن حاس فيك والله

[راعي العوبا]

ياهلا اخوي كامري : الله يسلمك من الشر ،، شاكر لك على تفاعلك . وايضاحاتك الجميله . وجزاك الله عني الف خير .

[عاشـــق اللاند]

الحمدلله على سلامتك

انصحك برا الوكاله وصلح القطع اللي تتصلح واللي يبيله تغير غيره وشكرا

[ي س م]

الحمدلله ع السلامه اخوي

وابعد عن الوكاااااااله******** انا مجربهم


و في بالرياض ورشة معروووفة وكل الشباب يتكلمون عنها اسمها مركز الوفااء

شغلهم مطبوووط وكأنه شغل الوكاله وافضل وبسعر حلووو

والله يكفيك شر الحوادث

[راعي العوبا]

مرحبا الاخ عاشق اللاند : الله يسلمك ويكافيك الشر وكل مسلم . وجزاك الله عني كل خير

ي س م ياهلاا الله يسلمك من الشر . كل الشباب اجمعو برا الوكاله . بس مركز الوفا في صناعيه الشفا او الصناعية ائقديمه . وجزاك الله كل خير..

[كااااااااااامري]

مركز وفاء ياطويل في صناعية الدائري وانت على خدمة الدائري تشوفها على اليمين وترا مريت عليهم يوم موتري حصلت عندهم مواتر فخمه وشغل نظيف وعطاني سعر معقول 4000تقريبا بس الي خلاني اتردد قلت له ورني شغلكم وراني سوناتا مصدمه باب ولاحظت فيه فررررق في البويه وهذا الي خلاني اتردد وتركتهم
وانصحك قطعك كلها من الوكاله ترا اسعارها حلوه وعندهم تخفيض على اغلب قطع الغيار اطلب التخفيض لاتنسى
تحياتي يابعدي اي خدمه انا حاااااااظر

[سباقات القطيف]

الحمد الله على السلامهـ ,, لو انا من الرياض ساعدتكـ ,,

[ولد المدينهـ]

اول المحد لله على سلامتك ياالغالي

انصحك برى الوكاله

لانوا الوكاله بيصكونك عدل وسعر جبااار

لكن روح برى الوكاله وبتلاقي شغل سنع وحلو ومو غالي في نفس الوقت

والاشياء اللي تتعدل عدلها والاشياء اللي تشوووف انها لازم تتغير غيرها

والله يعينك يارب

ويعطيك خيرها ويكفيك شرها يارب

تقبلـ مروريـ

وديـ واحتراميـ

[حربي اهلاوي]

الحمد الله على سلامتك يا الغاااالي

[متيم الكامري]

بيعها زي ما هي واشتر جديد نس الموتر
في حالة طابت نفسك من السياره عشان لا تندم

[وسام]

ماتشوف شر والله والحمد لله على السلامه