إلى أهل القصيم وحائل والمدينة وينبع مع التحية ,,

العُلا · 06-13-2008, 11:29 PM

بسم الله الرحمن الرحيم

السلام عليكم ورحمة الله وبركاته

بارك الله فيكم..
وغفر الله لكم ,,
لدي استفسار مهم جدا جدا جدا في رحلة العمر الأولى والتي ستكون بإذن الله تعالى خلال هالصيفية وبالتحديد في شهر شعبان " بلغنا الله وإياكم شهر رمضان وبارك لنا في رجب وشعبان " ولدي استفسار مهم ,,
وش وضع الشقق في هذه الأماكن :
1- القصيم وبالتحديد بريدة وخاصة بالقرب من معرض السنيدي للوازم الرحلات
2- حائل ,, وخاصة الأماكن الحلوه مادري بالتحديد
3- مدينة الرسول صلى الله عليه وسلم
4- ينبع وبالتحديد مكان قريب من البحر ..
معلومات ,,
** الرحلة عزابية
** العدد تقريبا 7 أشخاص يمكن ينقصون يمكن بس ماراح يزيدون..
المطلوب يارعاكم الله ..
أنا الأمير في هالرحلة بإذن الله تعالى والمناطق هذي جديدة علي ولا أعرف فيها شي فقلت أشوف الأحبة هنا وأهل المنطقة في هالأماكن يمكن يفيدونا من ناحية الأسعار و أسماء الشقق ..
طبعا أبي أكون على بينة من هالحين عشان أحدد الميزانية وإن طحت اطيح على بر مثل مايقولون .. من ناحية
الأسعار وتحدد الشقق..
معلومة : في كل منطقة من هالمناطق ولله الحمد لي ربع فيها وكلهم أجاويد والله ,,شراوكم .. لكن إن كلمتهم راح يحرجوني 100% وأنا ‘رفهم فأبي أفاجئهم ولا أكلف عليهم ,,

إن شاء الله الأحبة ما يخيبون الظن فيهم هنا ويعطون ألأسعار وأسماء الشقق في الأماكن المذكروة
غفر الله لمن قرأ هذا الموضوع وغفر لمن رد عليه بالدعاء والتوفيق وغفر لمن ساهم في إثراء الموضوع لنا وخدمنا وغفر للجميع إنه جواد كريم ..

أخوكم بو فهد

استاذ الكامري · 06-14-2008, 06:58 AM

حياك الله والله دامك تبي تصيف اطلع انت وخويانك ماليزيا رطبوو نفسكم من الحراره الي قتلت الواحد
المهم اذا عن السكن في ينبع بتحصله بحدود 200 او 250 شقه وكنت اعرف فندق بس صار مضروب
وعندك بالمدينه المنورة فندق قدام البيك بالزبط الي بينك وبينه الخط العام بس اسمه فندق دار الخير بس تعبان بس هوو حق عميً اذا كنت تبي تجي المدينهً كلمني قبلها وابشر بعزكُ وباقي المدن العذر والسموحه ما عمري طبيتها بس اشوفها في الاخبارُ

العُلا · 06-14-2008, 11:44 AM

الله لا يهينك يالغالي ,,

لدي استفسار غفر الله لك ..

دار الخير .. 1/يستقبل عزاب .. 1/قريب من المسجد االنبوي أو لا .. 3/ كم اجار الشقة فنحن 7 أشخاص تقريبا ضروري جدا ..

ومايهم أنها تعبانه ولا لا المهم شقة معقوله لعزاب وفيها مطبخ ..

أخوك بو فهد

انتظر ردك

نبضي الكامري · 06-14-2008, 01:22 PM

أخوي العُلا بالنسبه لحايل لا تشيل همها اتركها علي انا افيدك باللي تبيه شقق - اسواق - منتزهات - اللي تبي ارسل لي رقم جوالك على الخاص

ويا هلا ومسهلا ومليوووون مرحبا ..

العُلا · 06-14-2008, 04:31 PM

الله لا يهينك

حسونه · 06-14-2008, 09:08 PM

أخي الكريم / أبو فهد
لكي تستفيد أكثر
عليك بموقع مكشات
والله يوفقك

أبوسعــد · 06-14-2008, 10:56 PM

في منطقه بحريه قريبه من ينبع اسمها ((( الرايس )))

رائــعـــه

استاذ الكامري · 06-15-2008, 01:29 AM

اقتباس:

المشاركة الأصلية كتبت بواسطة العُلا

الله لا يهينك يالغالي ,,

لدي استفسار غفر الله لك ..

دار الخير .. 1/يستقبل عزاب .. 1/قريب من المسجد االنبوي أو لا .. 3/ كم اجار الشقة فنحن 7 أشخاص تقريبا ضروري جدا ..

ومايهم أنها تعبانه ولا لا المهم شقة معقوله لعزاب وفيها مطبخ ..

أخوك بو فهد

انتظر ردك

اخوووووووووي الفندق قريب من الحرم وجنب مطعم البيك واكيد تعرفه المطعم والايجار لا تشيل له بال بس انت قولي تبي شقه والى غرف عشان انسقلكٌ
والفندق يستقبل ضيوف الرحمن

استاذ الكامري · 06-15-2008, 01:31 AM

اقتباس:

المشاركة الأصلية كتبت بواسطة أبوسعــد

في منطقه بحريه قريبه من ينبع اسمها ((( الرايس )))

رائــعـــه

سيبك من الرايس الحين مو مثل اول
بوديه لمكان يشوف العجايب فيه بدلك على املج يافيها مناظر طبيعيه والدليل البحر الي فيه نخل الي تقول انك باآوربا يوم صور مسلسل طاش ما طاش نزار وهو يغرق

العُلا · 06-17-2008, 04:15 PM

غفر الله لكم وماقصرتم ...

شيخ الكامري لا عدمناكم وبارك الله فيك وفي جهدك وفي وقتك . . .

طيب لما ننتهي من زيارة المدينة .. وين نروح يبنع ولا أملج .. المهم عندنا بحر ويكون فيها مناظر مثل ما تفضلت يالشيخ .. ترانا جديدين عالمناطق هذي فياليت تفيدنا بارك الله فيك ..

رفع الله قدركم

الديحـاني · 06-18-2008, 04:01 AM

كفى وفى نبضي الكامري
اي خدمه انا مستعد
حائل

بنت الخران · 06-18-2008, 08:56 AM

جزاكم الله الف خيير على تواصلكم معااه

استاذ الكامري · 06-18-2008, 11:57 AM

افضلك املج

بحرها حلووووٌ وصدقني بتقول انننا مو على البحر الاحمر

العُلا · 06-18-2008, 12:34 PM

الله يغفر لكم .. وما قصرتم ...

ياراعي حايل يالغالي الديحـاني فتح الله عليك .. وش الاشياء اللي ما نفوتها في حايل .. طبعا اللي يستهوينا البر والأشياء الشعبية والمنزهات والطبيعة .. أما المراكز التجارية ماحنا بحولها ,,

الشيخ راعي الكامري كم تبعد أملج عن المدينة ,.. ،

غفر الله لكم تواصلكم وجعله في ميزان حسناتكم ,, والمعذرة على كثر الاسئلة والمغثة ..

أخوكم بو فهد

استاذ الكامري · 06-18-2008, 09:56 PM

تبعد ياطويل العمر بحدود الــ 300 كيلووو

# الساحوت # · 06-26-2008, 01:42 PM

يا طويل العمر شوف على البحر تلاقي الاجار غالي جدا خاصه في الصيف
هذا النسبه لينبع
فيه شقق مفروشه اسمها الجمرية او الخدمه الاولى هذي صح انها داخل البلد بس ان طريقها طوالي على البحر
هذي يطلع ايجارها 150 الي 200 ريال
وإذا بتروح املج روح جبل حسان
هذه جزيره وسط البحر وهي جميله جدا جدا جدا
وإذا رحت ينبع ارسلي رساله على الخاص
وأنا اكلملك عيال هناك ما يقصروا معك