[غريب عن عرعر]

السلام عليكم

شباب قبل شهرين ذهبت للوكاله لفحص الالف وراح اقول لكم اللي صار

اول مادخلت السياره للصيانه اخذت دقيقه او دقيقتين ثم طلعت للمغسله

ولما رجعت نفخوا الكفرات وقالوا خالصه !!

انا كلمت المهندس قلت له خلهم ينظفون الفلتر راح وخبر العامل وانا قاعد اناظر السياره

دقيقه وتطلع السياره ويقولون جاهزه جبت المهندس وعلمته انه محد نظف الفلتر

وسال العامل وقال له العامل اني نظفت الفلتر !!! وساله متاكد ؟ قال ايه ؟؟؟

طبعا وضحت للمهندس اني اناظر السياره محد فتح الباب اصلا !!

وخلاه ينظف الفلتر غصب !!

مو مهم كل هذا

اول ماطلعت وركبتها صارت ترجف السياره والقير على n

ثواني واختفى الاهتزاز ورجع بعد يومين !! تهتز خفيف لكن لما امشي يختفي !!


المشكله ماتطلع الاهتزازات الا بالاسبوع مرتين ثلاث يعني لو برجع للوكاله مدري كيف افهمهم ؟

والمسجل بعد لاحظته صار احيانا لما اغير بالسيديات يطلع رساله ان السيدي فاضي ؟ واحيانا يكتب

ERROR-1

وماهو بسيدي معين بكل السيديات حتى اللي اشريها جديده

يعني المشاكل ماهي طول الوقت تروح وتجي اذا احد صارت معه يقول الحل ماودي اروح لهم حتى مايحطون بها عله جديده

لانه بعد اول كانت السياره مابها اصوات لما تمشي او تاخذ مطب الان صار واضح وغريب !!


احد عنده راي ؟؟ تعدت السياره الخمس الاف ومابي اروح لهم الا لو مالقيت عندكم حل ؟

[الكامري السوداء]

أخوي بالنسبة للرجفة شوفلي أمبير الضغط
وين ينزل إذا تحت 2 معناه في مشكلة عندك
والمشكلة إذا رجفت وقت كبست فرامل
بتكون يا الأقمشة تبع الفرامل
أو الهوب يبيله خرط
وهذي المشكلة صارت معي

[غريب عن عرعر]

لا الرجفه لما تكون السياره واقفه والضغط عادي !

[عاشـــق اللاند]

والله ماعندي علم ولكن ودها للوكاله واعمل لها تشيك افضل لك الموتر توه جديد

[ماجد202]

والله موضوع الرجفه حصلت لي مرة لكن اختفت والان باقي 500 كيلو واوصل 5000 الاف كيلو ومدري شكلي متحيرا وديها الوكاله والا لا

[غريب عن عرعر]

وانا متحير لاني شفت شغلهم العمال واضح إنهم مايبون يشتغلون يعني العامل وضميره

[احلى كمر]

حبيبي قل لهم عن المشكلة اللي طلعت معك و اذا ما تجاوبوا اتصل على رقم الشكاوي و انفخ في وجه اللي يرد عليك و ما بيصير الا اللي يرضيك و اذا ما جاك مدير الصيانة براسه يشرف على سيارتك
لان شعار عبداللطيف رضى العميل

[الهلي يا خلي]

لاحول 1000 وبدت المشاكل ايش هذا ياتويوتا

[الــســامــي]

][ راجع الوكالة .. ونافخ عليهم .. وراح تجيك النتائج الطيبة ][

[غريب عن عرعر]

شكلي بروح والله يسهل إن شاء الله

لكن اللي عنده خبره لايقصر

[الموت هين]

حلك مثلي وريهم العين الحمرا

شكل الماكينه مبدله الله يستر بس

نافخ عليهم تراهـم ما ينعطــون وجـه

[كـ ا قـ]

الله ييسر امورك انا اقول ارجع للوكاله افضل لك