[سفران]

السلام عليكم
حياكم الله يااخوان
حبيت استفسر منكم عن اسعار اللكزس 430ls 2004 كم سعر النظيف
اللي ماشي اقل من 80
وخالي من الرش والسمكرة
وكانكم خابرين شي مانستغني
اللهم يسر امري وامركم وامر كل مسلم

[نديم الطيف]

ماله سعر محدد...على حسب مزاج الشريطي الي بيبيعه


تبي سعودي او امريكي؟

[نصيبي]

سعودي من 130 الى 140 امريكي من 100 الى 120

معلومات خبرة بسيطه فقط

[شكمان ابوكنداسه]

السعودي من 120000 ائلى 140000 نظيف

[غررررريب]

الامريكي 125.000 وطالع
السعودي 140.000 وطالع
واذا تبي نصيحه اخوي دور لك امريكي نضيف وارتاح

[سفران]

شاكر لكم جميعا وجزاكم الله خير
والامريكي مغري لكن سمعت انها تكلف100الف وراعين الصالات يزيدون15 الى 20الف

[نديم الطيف]

^^^


تكلفك من امريكا للرياض هنا بحدود 115 الى 120 للنظيف


والصالة عاد يبون مكسبهم


اذا تبي امريكي نظيف راسلني

[بنت الخران]

الامريكي احسن

نظييف واستعماله رائعه وموصفاته جمييله

[كامري الزياد]

يااخوان انا شفت لي كم لكزس امريكي

صحيح اسعارها بين100الف و120الف

بس يااخوان المواصفات وماادراك ماا المواصفات

1_السعودي لو تلاحظ الازرار الى عند المسجل اكثر<*****<*****مااعرف وش الازرار اصلا بس اكثر لصالح السعودي
2_بعض الامريكي مايجي فيها غسال مرايه قدام
3_في الامريكي لل430رادار على قولهم بس السعودي مافيه <*****<الله واعلم
4_الامريكي يجي 2005 او2006 بدون شاشه يعني زي السعودي2002 وفيه امريكي ls460 بدون شاشه

ولو واحد يجيب صوره لكزس ال اس من عند الكنسول الامامي والمسجل للسعودي والامريكي 100%بيلقى
ان الازرار للسعودي اكثر وفيه امريكي يجي المكيف تسخين فقط وفيه بارد حار بس السعودي في نظري الكمال

[سفران]

الله يعطيكم العافية
وشاكر لكم على التفاعل
واحد من الشباب قال لي ادبر لك2004 امريكي 102000 تقريبا بشاشة ونظيف وممشى ما يتجاوز60000م بطاقة جمركية
وبدون شاشة90000
لكن بعد شهر الى شهرين
وشرايكم

[نديم الطيف]

^^^^


توكل على الله تراه يستاهل


واذا تبي امريكي موجود بالرياض بلغنا...اذا يعني مالك نفس على الانتظار لان هذا شهر شهرين ممكن تزيد تصير اكثر

[سعيد ولد احمد]

بالتوفيق ان شاء الله

[فهد بن خالد]

والله انا سمعت ان الامريكي خراباته واجد شرايكم ؟

نديم اللطيف .. انا راسلتك بالموقع الثاني بخصوص اللكزس..

لو فيه امكانيه ترسلي رقم جوالك هنا او هناك ودي اكلمك يالغلا ..

[بندر الطائف]

موجود لدي هاالسيارة شريتها وممشاها 84 الف ميل

والان ماشيه 90 الف ميل استعمال شخصي

والحمدلله بدون اي سمكره او رش ونظيفه من الصدام للصدام

وهاذي صورها









ولكـ السوم

[نديم الطيف]

المشاركة الأصلية كتبت بواسطة فهد بن خالد

والله انا سمعت ان الامريكي خراباته واجد شرايكم ؟

نديم اللطيف .. انا راسلتك بالموقع الثاني بخصوص اللكزس..

لو فيه امكانيه ترسلي رقم جوالك هنا او هناك ودي اكلمك يالغلا ..

اي موقع ياغالي؟؟؟


وامرني هنا وش بغيت؟؟ تبي صيانة او قطع غيار او سيارات؟؟ حدد طلبك بارك الله فيك

[فهد بن خالد]

المشاركة الأصلية كتبت بواسطة بندر الطائف

موجود لدي هاالسيارة شريتها وممشاها 84 الف ميل

والان ماشيه 90 الف ميل استعمال شخصي

والحمدلله بدون اي سمكره او رش ونظيفه من الصدام للصدام

وهاذي صورها









ولكـ السوم

اخوي انا اسومها ب 100 .. تبيع ؟

[بندر الطائف]

اخوي فهد بن خالد انسامت بأكثر يا عزيزي

واللي يبي يقلب يقلبها ولا يردهـ الا الوكاله

أحترامي لكـ