[ن ك م]

السلام عليكم

بصراحه فكرة انزل الموضوع هذا بعد ماعنيت من هل الوكالة وغرابيلها

بصراحه تبهذلت معهم

سيارتي الحين ماشية حدود 70 الف

بعد صيانة الـ20 الف ماسويت صيانة

تقريباً يوم مشت 35 غيرة الفحامات لحد يسالني وش اللي غيرة بالضبط لاني نسيت

فكان السعر 1400 ريال تدرون 900 او 1000 ريال قطع الغيار و 400 او 500 ريال اجور يد

يعني لو انا شاري الفحمات ومركبها عند مركز من المراكز اللي متخصصه بالكزس بالصناعيه

كان اوفر لي ولا انا غلطان ؟

بعدها حرمت ادخل الوكاله حتى الزيت من عند البنشر

لان الوكاله يقولون زيت موبيل1 يمشي الى 10 الالف وانا والله مشية 18 الف بعطلة الصيف

وهو زي الحلاووه

خرب احد الانوار الامامية فرحت قال انت الحين ماشية سيارتك 60 الف ولاسويت صيانة

يعني السيارة طلعت من الضمان لازم تسوي صيانة الـ40 و الـ60 علشان يرجع الضمان

قلت الحين بسوي صيانتين علشان اغير شمعة وحده وسعرها جديده بـ790 ريال معصي والله

نسيته ولا غيرته ومع الاشغال والتعب مو فاضي اروح اشتري واغير

فخربت الشمعه الثانية يعني النور الزنون عندي يشتغل لمده 3 دقائق فقط

فقلت اشوى خلن اروح اغير مره وحده

الخلاصه :

الحين باقي اسبوع ونص على عطلة الصيف وابغى اسوي فحص كامل للسيارة عند احد المراكز

اللي متخصصه بصيانة اللكزس فانتم بماذا تنصحون واتمنى تكون النصيحه عن سابق تجربه

بالنسبة للمدينة فانا ساكن بالرياض ولا مانع بان يشاركون الاخوان خارج الرياض ليستفيد الغير


ولكم خالص تحياتي ومودتي

[ابو اسماعيل]

تبي نصيحة أخو ما دام إنك ما سويت صيانة عند الواكالة من البداية وهذا هو الصحيح رح اي ورشة خاصة بلكزس وغير فلتر قير مع الزيت ما والأنوار أضنه عيب مصنعي لو مكانك والله أروح للوكالة وأسوي فلم ومشكلة حتى يغيرونها لأنه من حقك وبن جميل مطالب بتصليحه غصب عليه واللكزس ضمانها إلى 100000 كم أرجو إني أفدتك وإذا تبي مهندس سعودي رقم 1 أنا عندي لكزس أصلح عنده فنان وسعر حلو مره وأضمنه لك أرجو إني أفدتك أنا ساكن بالسويدي . ج/ 0557644899

[ن ك م]

اخوي ابوسماعيل حسب الشروط عند ابوجميل

انك لازم تسوي الصيانة بانتضام علشان السيارة يشملها الضمان

اما اذا ماسوت الصيانة فالضمان يروح عليك


وبالنسبة للمهندس السعودي اللي تتكلم عنه

له ورشة ولا يشتغل عند ابو جميل ولا كيف ؟

[حساين]

وش دخل النور في الصيانة هدا شي والصيانة شي ثاني روح لمدير الصيانة ويصلحونه لك غصبا عنهم

[ن ك م]

المشاركة الأصلية كتبت بواسطة حساين

وش دخل النور في الصيانة هدا شي والصيانة شي ثاني روح لمدير الصيانة ويصلحونه لك غصبا عنهم

لازم تسوي الصيانة بانتضام علشان السيارة يشملها الضمان

اما اذا ماسوت الصيانة فالضمان يروح عليك

[ابو اسماعيل]

يعني هم يا خوي أقنعوك بالكلام هذا أنا أعرف إن عندهم مهندسين يلحسون المخ ومدربينهم على طرق الإقناع وبالنسبة للسعودي اسمه خالد له ورشه خاصة فيه في محطة بنزين ويعامل اللكزس مثل معاملة التويوتا تصدق إني مغير زيت القير مع الفلتر مع الفحمات الخلفية ب 90 ريال لو عند الورش الثانية 250 ما فيها كلام

[ن ك م]

لازلنا بانتظار باقي الاخوان

سمعت ان العضيب ممتاز

[بنت الخران]

فى ابوظبي

ورشه بهوان فى المصفح رخييصه ووكاله بنفس الوقت

[ن ك م]

تشرفنا بمرورك اختي بنت الخران

ولعل اهل الامارات يستفيدون

[ليوناردو دافنشي]

طيب يا اخوان افيدونا بمكة و جدة و ينبع

اذا امكن

[شكمان ابوكنداسه]

فيه العضيب تراه زين



والله العالم