[علي بدي]

انا رحت الوكالة ولقيت جيب جي اكس 8سلندر ديزل 2008 تيربو ودخل مزاجي الصرحة موصفاته قويه ست تعشيقات والطبلون 260 والسعر 168000الف ريال ودي استشير لاني راعي بر وراعي نفود وراعي خطوط بنفس الوقت ودي اوفر بالوقود ولوكان فيه احد مجربها لايبخل علين لان والله ابحط مبلغ كبير وخايف انها يطلع زي 2007 ثقيل طينه وابي منكم النصيحة الله يجزاكم عنا خير

[ابو البندري]

كان ودي افيدك لكن ماعندي اي معلومات عنه لكن ميزة الديزل انه مايطفى بالماء

تقبل مروري
ابو البندري

[علي بدي]

مشكور اخوي على مداخلتك

[حسونه]

موضوع قد تستفيد منه =
اللاندكروزر 2008 ديزل جبار!!

[السياغي]

علي بدي عضو جديد

أحصائية الترشيح

عدد النقاط : 10

نوع سيارتك اكثر من رائع

جزاك الله خير

[علي بدي]

الحين اغامر اشترية او اصبر اشاور واستخير لان الصراحة الاسعار نار

[أبوحمد]

أتوقع أنه جيد

بس لا حظت أنهم كاتبين بالكتالوج أن سرعته القصوى في حدود 160 كم وما يوصل 200 مثل البنزين !!

[حساين]

روح الله وياك الموتر تقول عن مشيه بنزين مو ديزل

[راعي الفتاك]

والله ياخوي انا ما انصحك بالديزل
و التيربو الي عليه بس عشان يقوي عزمه و يكون قريب من عزم البنزين

[هــاوي لــكــزس]

ابو حمد..الكـلام هذا اتوقع انه غير صحيح..ولو انه مكتوب في الكتلوج..
واحد من الشباب معه لأند كروزر 2002 ديزل..

مرهـ رايحـين للشرقيه..وربي جايب 180 زي السـلام..

في القـومه من صفر الى ثمانين تقريباً أروح عليه بمـوتري..
بس بعدها يطـيررر..لأنه سته سلندر وانا أربعه..

ماشالله الموتر ماباعه الا قبل سنه أو أقل..ماشي (315000)ثلاثميه وخمس طعشر الف
والرجال راعـي بر..ويمدح الديزل..لكن عيبه عزمه في الرمـل..وصوته العالي..

فلذلكـ اشترى لـه لأند بنزين..

[نقا هشال]

من ناحيتي مااشتري الديزل ولو بريال

لأن الشباب اللي شرو ديزل يسبونه وتحسفو وتراه رخمه ماينشدبه الظهر في الطلعا والنفود ياسرع مايطيح عزمه

الحمدلله البنزين الحين رخيص

واستخدام سيارت البزين افضل بكثير واخف طينه

[دبرم]

اذا كان تبي تاخذ ديزل عشان اتوفر في الوقود . نصيحه لاتاخذ ديزل خذ بنزبن والفرق مو واجد
الديزل ماينفع في البر ثقيل مره
وانت ورايك

[الطريق الصعب]

الحقيقه موضوع الديزل أو البنزين يعتمد كلياً على حسب حاجاتك ونشاطاتك ومستقبل السياره معك.
أولاً :الديزل يأتي بمواصفات شبه عاديه - وبدون - فتحه - ونش - ديفلوك - شاشه - إلخ يعني مكيفين وعسى قيرر أتوماتيك.
ثانيا: زي ما قال أخونا دبرم اذا كان تبي تاخذ ديزل عشان اتوفر في الوقود . نصيحه لاتاخذ ديزل خذ بنزبن والفرق مو واجد الديزل ماينفع في البر ثقيل مره وانت ورايك

[علي بدي]

شكرا ياخوان على النصايح ولكن الديزل الجديد شاورة راعي معرض وقال انه مجربة وجيب 240 وانها عزمه اقو من عزم البنزين بسبب مكينته الكبير وشاحن التيربو بس على فكرة يو جيت ابى اخذه قال 176000ريال يعني يفرق عن الوكالة 9000ريال والوكالة يقول مافيها ديزل اصبر 2009 وانا مانويت ادفع اكثر من القيمة ذي ابد لاني ابشرية عشان اوفر ولكان اشتري جيب لكزس احسن منها بالف مليون مرة

[شكمان ابوكنداسه]

احسلك لاتاخذ ديزل لانه بعد 3 سنوان او 4 سنوات يبدا الخرابات حكته وتراه غير مقبول

[شـــاص وبس]

جربت ديزل 2000 و2004
اذا كان جديد قوي
بعد فتره يبرد عزمه
واذا نطحك الهوا او رقيت طلعه اوبالنفود تمشي على رجلينك ازين

وركبت 2008 مع واحد من الشباب وصل 210 ولا قدر يتعداها
وقومته عند الاشاره ثقييييله
ويقل عزمه مع الوقت
يعني السنه الجايه ما يتعدى 180

انا اعبي بنزين فل 60 ريال يمشيك 800 كيلو 8 سلندر

وآسف على الاطاله

[المفتاح الذكي]

الديزل عندنا فى الامارات

الجالون ب 16.5

الحينه وممكن يزيد اكثر

بالمعنى الصحيح

تعبي الكروزر 2008 ديزل ب 450 درهم او اكثر

الله يعيينا