[ابو اسماعيل]

يا شباب أبي رايكم في الكامري 2008 ما تلاحظون عليها إنها تنطط مهيب طبيعية يعني شف فخوذك وأنت تمشي على 140 تلقى نفسك تنتفض ولا وش رايكم ؟؟؟؟؟؟؟؟؟؟؟

[نبضي الكامري]

انا متابع كل مواضيعك وملاحظك تنتقد الكامري وهذا شيء من حقك ومن حق اي عضو جديد

بس ودي اسالك سؤالين ..

الأول / إذا انت مو مقتنع في الكامري 2008 ليش اشتريتها ؟؟؟

الثاني / انت ماشي على سيارتك 140 كلم و مالك إلا اقل من اسبوع مطلعها من الوكالة ؟؟؟

نصيحتي لك اذا انت حاس انك ما رايح تتأقلم مع السيارة وبتدوم ملاحظاتك عليها ومع الوقت بتتحسف انك اشتريتها ..

ودامك في البداية بيعها وشف لك سيارة ثانية

[ابوقحط]

ابي اسالك اخوي نبضي الكامري

وشلون الكامري معك

في الخط وفي الراحه وفي القوه والمتانه وفي الصيانه

عطنا رايك

لاني الى الان ماني مقتنع فيها

سقتها ولاحظت فيها حنه وليست كاسابقتها موديلات 2003 الى 2006

يهمني راي الجميع

وشكرا

[كامري الهتم]

أخوي أنا سيارتي لها معي 3 شهور ولا تنقز ولا تنطط

والهداوه زينه وأنا أخوك يعني على مهلك على السياره توها جديده

تقبل مروري

[نبضي الكامري]

المشاركة الأصلية كتبت بواسطة ابوقحط

ابي اسالك اخوي نبضي الكامري

وشلون الكامري معك

في الخط وفي الراحه وفي القوه والمتانه وفي الصيانه

عطنا رايك

لاني الى الان ماني مقتنع فيها

سقتها ولاحظت فيها حنه وليست كاسابقتها موديلات 2003 الى 2006

يهمني راي الجميع

وشكرا

حبيبي أبو قحط من سألك شي دخل ذمتك وأنا والله ما ابي احط بذمتي شي باللي ابقوله ..

في الخط ممتازه لكن مع السرعات العالية صوت الهواء موجود والرساوه أقل من الموديلات السابقة وأقصد تحديداً الـ 2006 Xli

الراحه تعتمد على الطريق اللي انته ماشي عليه

في الطرق القديمه تعتبر قاسيه والسبب أكيد اليوكو هاما كفرات الوكالة تعبانه مره ..

القوه انا اشوفه ممتازه ولا تنسى انها 4 سلندر بس تمشي وما يستهان فيها خاصة القير العادي أما التماتيك ثقيل للي يبي يطير ؟؟

المتانه ممتازه جداً وأقصد القطع الداخلية لا اقصد الديكور أو الستارة الخلفية فهي فعلاً فهي صرير بسيط ..

الصيانه ماشيه تمام لأن السياره ما تطلب إلا زيت وبانزين فقط غيره ما تطلب وضمان عبداللطيف جميل هو الأفضل

ومع كل هذا انا مقتنع فيها 95% والخمسه الباقية للأسباب اللي ذكرت

[ولد المدينهـ]

والله ماشاء الله الياسره لها معايا تقريبا حلو الـ 6 شهور تقريبا

ماشاء الله عليها اللهم صلى على النبي لا تنطط ولا تنقز ولا شي

ماشاء الله رساوه وفخامه وكل شي ومنظر

وكلام اخوي نبض الكامري صحيح وفي محله

اذا انت شريتها ومنتا نمقتنع فيها من البدايه بيعها وشوفلك سياره غيرها

تقبل مروريـ

وديـ واحتراميـ

[كمورة القمورة]

المشاركة الأصلية كتبت بواسطة نبضي الكامري

انا متابع كل مواضيعك وملاحظك تنتقد الكامري وهذا شيء من حقك ومن حق اي عضو جديد

بس ودي اسالك سؤالين ..

الأول / إذا انت مو مقتنع في الكامري 2008 ليش اشتريتها ؟؟؟

الثاني / انت ماشي على سيارتك 140 كلم و مالك إلا اقل من اسبوع مطلعها من الوكالة ؟؟؟

نصيحتي لك اذا انت حاس انك ما رايح تتأقلم مع السيارة وبتدوم ملاحظاتك عليها ومع الوقت بتتحسف انك اشتريتها ..

ودامك في البداية بيعها وشف لك سيارة ثانية

هههههههه نفسي اصدقك انك شريت كامري ههههههههه

وعلى فكره انا مثل اخوي نبضي الكامري متابع كل مواضيعك

واتمنى ينحط حد حق هالمسخره الي صايره بالمنتدى

ولاتنسى تنزل بكره موضوع ( ليش الكامري اذا حطيتها في الD ترجع قري ( ريوس) هههه


تحاتي لك يابو سماعيل ياحلووو

سلملم

[ي ا ك]

ركب خيشتين مليانه تراب في وجه العدو في الشنطه وان شاء الله تنحل مشكلتك

ولا اشتر لك 460 اريحلك وتفتك من المشاكل

[كااااامري اس اي]

و الله الكامري ماشاء الله أشوفها قوية من ناحية السيارات الاربعة ساندر , بس في الرساوة ما أشوفها ذاك الشي

لأنها خفيفة و هذا رأيي و في ناس يشوفوها راسية بس بصراحة انا مقتنع بكمورتي 100% .

تحياتي ...

[-فارس-]

مفارقات عجيبه

انت منزل موضوع انك بتستلم السياره يوم السبت

واليوم الاثنين نزلت موضوع ان السياره على ال 140 مافيها رساوه

طيب على يوم الاربعاء بتقولنا على ال 220 السياره فيه صوت تنسيم

واكيد يوم السبت الجاي بتسوي صيانة ال 5000


صدق من قال انا في عصر السرعه :d

[ابو اسماعيل]

والله المشكلة يا حبايب إنكم تمدحون الكامري عشانها معاكم وبعضكم مع فائق احترامي تلقاه طفشان ومش مقتنع فيها بس القرد في عين أمه غزال انا ما أتكلم إلا لأني سايقها ومجربها ووقفت عند الصيانة ولقيت ناس كثير يشتكون منها ( أي النطنطنة ) بس ما أدري مع أحترامي لبعضكم شكله نازل من أكسنت وعشان ما يقدر يفرق انا وبدون مبالغة ما فيه سيارة إلا وجربتها سواء مع صديق أو إيجار أو أروح للوكالات وأطلب تجربة أي سيارة وأجرب با ختصار شديد الكامري الآن بدأ اليابانيون في الغش وخاصة في الكامري لأنها مطلوبة بكثرة وبخاصة في دول الخليج وستصبح مثل اللومينا والكابرس مو تصبح بل أصبحت الكامري تشابه اللومينا والكابرس في فشل الصناعة وتلفيقها عشان ما تفارق الوكالة ويكون عمر الكامري 5 سنوات بعدما كانت تعيش 10 سنوات حتى لو كنت تكرفها .

[عاشـــق اللاند]

ابوسماعيل

تكفه حط موضوع له هدف ولا لاتحط مواضيعك كلها سخريه واسئله قديمه ولا تمس الواقع بصله طب دامك مجرب يافاهم روح صور لنا فيديو وانت ماشي 160 وانا اتحداك اذا نطنطت انت لو انك تبي تركب بي ام دبليو وتطير مع الهوا والعجاج اكيد تبي تنط معك

واسمحلي يقفل ولا نبي مواضيع تثير الجدل وانا مراقبك وصدق اخوي نبضي الكامري صح لسانك بع الكامري ودورلك سياره تريحك يامجرب