[نواف بن أحمد]

السلام عليكم ...

أخواني الكرام .. اشتريت أفالون 2008 م وعندي ملاحظتين لها ...

1- لم أجد ولاعة للسجائر ......... يوجد فتحتين وكلاها للرحلات ...

2- أزارير تعديل المرايا وفتح الشنطة وغطاء البنزين لا تنير في الليل مع النور الصغير يعني لو كنت ماشي في الليل في ظلمة لا أرى الأزارير ...


أريد مداخلتكم وشكرا لكم ...

[المــمـــيــز]

اولا مبروك السيارة والله يجعلها لك مفتاح خير وبركة عليك وعلى كل من تعرف



طبعا انا مثلك ملاحظ الولاعة مافيه - فقط فتحات للرحلات ويقولون انهم بيلغونها عشان المدخنين

يعني ماراح يقدر يشتري ولاعة بس يوفرون على انفسهم

اما بخصوص الازرار حقت الشنطة وفتحة البنزين فهي لها شكل مميز يمكن انك تتعرف علية فقط باللمس

[الكنــــــــج]

السلام عليكم
اخوي نواف بخصوص ملاحظتك
1)فعلا لاتوجد طفاية للسجائر وهذا يعيب السيارة من وجهة نظري اتفق معك
2)بخصوص الانارة في الازرار يمكنك تشغيل النور الذي فوق الجير وهونور قوي وكافي لانارة الازرار.
3) اكثر شي يرفع ضغطي في السيارة هو انه لايمكن قطر السيارة اي لايوجد لها قلص ولا يمكن سحبها في حالة تعطلها يعني الوكالة لحد الان لم توجد حل لذلك شي غريب وكيف تفوت على تويوتا .
وتقبل مروري تحياتي لك وللجميع .

[الحـ(درب)ـب]

المشاركة الأصلية كتبت بواسطة الكنــــــــج

السلام عليكم
اخوي نواف بخصوص ملاحظتك
3) اكثر شي يرفع ضغطي في السيارة هو انه لايمكن قطر السيارة اي لايوجد لها قلص ولا يمكن سحبها في حالة تعطلها يعني الوكالة لحد الان لم توجد حل لذلك شي غريب وكيف تفوت على تويوتا .
وتقبل مروري تحياتي لك وللجميع .

نعم هذا اكبر عيب بالسيارة واتفق معاك فيها

اخوي صاحب الموضوع
الف مبرووك على إقتناء سيارة مثل الأفالون
وان شاء الله ترتاح منها ومايكون فيها اي عيب


بالنسبة للأزرار ( مثل ماقال اخوي المميز ) فيها شكل بارز اشوي تتعرف عليه باللمس
بعدين ديكور السيارة ( بيج والأزرار سود تقدر تميزهم بسهولة ) حتى بالضلمة

بالنسبة للطفاية السجائر والولاعة لاتوجد
وتعتبر الأفالون هي السيارة الوحيد التي لا تصلح للمدخنين
وانا اعتبرها ميزة بالسيارة ( مو عيبه )

وتقبل مروري

[المهذب]

بالنسبة لي ولله الحمد لا أدخن
لكن
قاهرتني الولاعه حقيقه
لأني متعود يكون عندي بخور عود بالسيارة فاضطريت إني اشتري مبخرة

[ذو الوشاح . .]

بعد التحية / فعلا ميزة هامة لايوجد فرصة للتدخين ...
وعيب فعلا ما فيه اضاءة حتى على مفاتيح الكهرباء للنوافذ ممكن شكلها راح يكون روعة ....

ياليت تفتحون موضوع عدم سحب السيارة ....شغلتوا بالي اشلون طيب الحل ؟؟؟؟ و
وشكرا ...

[الـــقـــرنــي]

مبروك عليك السياره

وبا النسبه للولاعه حتى انا ما لقيت ولاعه بس طفايه لقيتها موجوده في الدرج حق السياره

[فرفره]

اما حق القلص مافيه!!!!