هلا عرباوي
موضوع الآفرج هذا موضوع
معقد اشوي، يبيله معرفة اشلون تتحكم فيه ( وبقولك فيه )
يعني مرات تمشي بالسيارة ببطئ وتلاقي الآفرج مرتفع ومرات تمشي بسرعه وتلاقيه نازل
الحين بقولك اللي انا اسويه بعد تجارب عده وطلع معاي التالي :
1.
اكثر شي يتحكم بتغير الآفرج السريع هو ( بعد ماتعبي بترول مباشره وتوصل المدة أحياناً لـخمس دقائق):
يعني الحين اول ماتعبي بترول وتتحرك السيارة يطلع العداد 0.0
ويبدأ يتغير بسرعه إلى 22.00 وبثواني يرجع 18.00 وبعدين 16.00 وبعدين 12.00 ( بسرعه يصير التغير على حسب ممشاك ) وإذا وقفت عند الدكان ونزلت تشتري شي بهذي الفترة تلاقي العداد وصل 99.9
( نعم 99.9 وياما طلعت لي )
يعني الزبدة بعد ماتعبي بتروول لاتسرع ابدا ( وحاول إنك ماتطوف 80 بمشيك لين تشوف العداد وصل 8.00 او اقل بمسافات طويله )
2. لازم تعرف ان ارتفاع الآفرج يصير بسرعه ونزول الآفرج يصير ببطئ
يعني لو كان الآفرج عندك 11.00 وتبيه يرتفع ادعس بالسيارة دوارين وتشوفه صار 15.00 او 16.00
ولو كان 11.00 وتبي تنزل يبيلك شارع طويييييييل اقل شي 15كيلو تمشي بسرعه بطيئة عشان ينزل 10.00
وطبعا بالسفر تلاحظ ان الآفرج يكون على 8.00 واقل لان السيارة تمشي بمعدل 100 او 120 بمستوى ثابت
3
. في سرعه ابعد عنها لانها ترفع الآفرج :
نعم صحيح في سرعه بالأفالون اللي تجي 5 تبديلات ( 2005.2006.2007) ابعدو عنها
لانها ترفع الآفرج لمستوى وماتقدر تنزله
السرعه هي
70 إلى 79 كيلو متر بالساعة( بقوولكم كيف ):
لما تمشي بسرعه 70 بتلاقي عداد دوران المكينة يكون على 2
ولو طفت بسرعتك ووصلت لين 80 بتلاقي عداد دوران المكينة صار 1.5
ليش ((( انا بقولك ليش ))
لان السرعه من 70 لين 79 تكون السيارة على الجير
الرابع وتحكر المكينه على الفاضي ولما تطوف الـ80 وتبدل
للخامس وترتاح المكينة
4.
السرعه اللي تخلي الآفرج ينزل هي : ( بقولك بس أخاف تضربني)
هي
70 كيلو متر بالساعة :
لاتسألني وتقول ليش؟,,,,,,,, بقوولك ليش :
امشي بالسيارة لين 80 واول ماتشوف الأمبير( عداد دوران الميكنة نزل وبدلت
خامس ) انزل بالسرعه لين 70
وتمشي السيارة على الجير ا
لخامس وهي اكثر وضع يريحها والآفرج يوصل 6.5 بالراحات . وتلاحظ ان الأمبير صار على 1.4 او 1.3 تقريبا ( يعني كأن السيارة واقفة )
وهذا بإختصار اللي اقدر اقوله لك ( وتقبل مروري)
درب
مشكله في استهلاك البتروول 
انت عارف وش معني الافريج اولاً