[حــاير]

السلام عليكم ورحمة الله وبركاتة
السيارة ليمتد وش تنصحوني اسوي اذا جيت استلمها ابي بتفصيل ولا عليكم امر
مندوب المبيعات يقول العازل الحراري والبلوتوث يركبونه بالشركه وش رايكم صادق
اول شي : وش اطلب يسوونه بسياره عازل حراري+ بلوتوث ...... او هو يجي معها من الاساس؟
ثاني شي: وش غير هذي من الاشياء اللي يمكن انا ما عرفها ؟
اخيراُ عجلو على الشركة تبي تتصل الحين لانهم قالو شوي وعلى كلامهم التسليم بعد 3 ايام الى اربعه
تكفى ياربعي علموني لا يلعبون على وقالو حول المبلغ لنا بكره وترى سعرها من الوكاله
بخريص 121 الف ريال مع الوحات والاستماره والتامين

[برق لامع]

مبروك الله يعطيك خيرها ويكفيك شرها
البلوتوث انت بكيفك تبي تركبة او لا اما العازل الى سمعتة انهم يركبونه اجباري 121000 اكيد مع العازل

[الكابتن ماجد]

هلا أخوي مبروك عليك السياره ويعطيك من خيرها ويكفيك شرها

حاليا تويوتا مسوين عليها عرض وهو 120,700 ألف ريال سعودي

مدري الألف اللي جت زياده عليك من وين طلعت

انا اخذتها بسعر 120,700 وان شاء الله على كلام المندوب اليوم راح أستلمها

ما راح يقصرون معك الشباب بيفدونك ان شاء الله بس اصبر عليهم شوي

[ذو الوشاح . .]

بعد التحية / الف مبروك ان شاء الله وجعلها مقدم خير وبركة ...

ترى الوكالة اسعارها تتغير مرة تنزل وتطلع على حسب وضعهم ...لكن ودي افيدك بشيء انا كنت اروح للوكالة اول ما جاء التظليل حقهم فرضت ما ابي اظلل قال براحتك وشوي يقول لازم تظلل المهم كان سعرها 121800وبعدين انا طريقتي ادبر فلوسي واروح ادور اقل سعر ... واللي اشوف يناسبني اخذها فاخذت من حسن جميل ب 120000 لان كان عليها خصم .. قبلها بيوم كانت 121800 فدفعت عشان فرصة والسيارة موجودة قدامي شفتها ودققت فيها وتوكلت على الله واخذتها .... فانت شوف اللي يناسبك .... وسلامتك اما التظليل حقهم ما كنت واثق فيه ..

[حــاير]

يا ملى العافيه شباب والله العظيم انكم تبردون الكبد يا سنايدي بس خلو اوضح لكم شوي بعض النقاط

اللي احسها استشكلت عليكم من صياغتي للموضوع
المندوب الساعه ثمان كلمني وقال خلاص حجزنا لك بس قبل ما يكلمني شاورت واحد من الشباب مطلع افلون من فتره وقال لي حاول انك تلغي العازل الحراري حقهم لانه عنده به وبدونه كله واحد
بس ترى السعر شامل الوحات والاستماره + اكسسوارات البلوتوث + العازل الحراري يقول السعر صار 121680 الف ريال قلت له لا تسوي شي الين اجي لكم باكر واتفاهم معك

لانه يقول العازل الحراري الحالي اسمه جونسون ويكلف 1800 متضمنه السعر
وبيني وبينكم ابروح باكر ادور يمكن القى ارخص قبل لا اروح له .... او وش تشورون على؟

شاكر كل من رد على ويبارك لي ولكم انشاء الله ويبيض وجيهكم ما قصرتو

اموووووه على خشومكم :d

[هاوي الافالون]

اللة يطعمك خيرة ويكفيك شرة

وافادوك الشباب ان شاء اللة لكن حبيت اضيف لك معلومة وهي حقت القير على كلام اخوي الكنج يعني انتبة للقير وافحص السيارة كاملة وتئكد من الاستبنة انة موجودة

واتمنى منك زيارة الموضوع وهاذا الرابطمن الكنج(king)هذا ماحدث مع سيارتي الافالون الاولي وسيارتي الثانية

اخوك ابويوسف
**** هاوي الافالون <