[سيرجيو راموس]

السلام عليكم


كيفكم ان شاء الله تمام


المهم / اليوم رحت انا وصاحبي للوكالة على سيارتة كامري 2007 se

علشان نسوي لها صيانة الستين الف .

طبعا قبل مده جيناهم لصيانة الخمسين وطلبنا تغيير الهوبات وقالوا الاشياء هذي

كلها نغيرها لك بصيانة الستين ( هوبات وفحمات وووووو


المهم يوم جيناهم اليوم قالوا تدفعون 1500 ريال

ليش ؟؟!!

وش فايدة الضمان !؟

وليش يقولون صيانة ال60000 علينا اذا ابعطيهم 1500

السيارة وربي تمام ( ماشاء الله )

هل معاهم حق والا ينصبون علينا ؟!!


لا واللي قهرني قلنا لهم فيه صوت بالتنده عن فتحة السقف مع المطبات

قالوا : تعطينا 350 قبل الشغل . نناظر السيارة ونقولك وش فيها

وبعدين نعلمك كم تكلف 1000 & 2000 اكثر اقل ماندري

اهم شي تعطينا ال 350 وبعدين لها حلال

قلت اخاف اعطيكم ال350 وتقولون لي ماندري وش المشكلة

قالوا انت بكيفك تبينا نناظرها عطنا الفلوس

وش رايكم بحركاتهم هذي

هل الالف وخمسمية من حقهم وهم يقولون الصيانة عليهم

اجل اذا صارت علي كم ادفع ؟

انتم وش رايكم ابي شوركم لأني قلت لخويي لا تستعجل ابسأل الشباب بالمنتدى ونشوف رايهم

سواء بالقيمة او بفتحة السقف ؟

هاه لا اوصيكم لاتفشلوني مع خويي .

علموني بكل شي من طقطق الى سلام عليكم


طبعا : الوكالة اللي جيناها وكالة خريص

[عاشـــق اللاند]

لاتنيى هالصيانه شامله تبديل فحمات 4 و 4 دسكات وتبديل زيت القير مع الفلتر وتبديل زيت المكينه وتبديل القطع مثل البواجي يعني صيانه شامله ا

والسعر كويس والله يابلاش

عندنا بالكويت يطلع اقل شي من 3 الى 4 الاف ريال مثل هالصيانه والله اني ماضحك عليك

توكل على الله وصلحها وبالنسبه للفتحه تحت الضمان ودها فرع اخر

[سيرجيو راموس]

كل الشكر لك مشرفنا الغالي

لكن هم وش بيغيرون 4 فحمات و4 هوبات وزيت مكينه وقير

ويقولون الصيانه علينا

طيب اذا كانت علي انا كم ابدفع ؟!

وبعدين قبل مده غيرت الزيت عندهم وعطيتهم 370 ريال

على اي اساس ؟؟!!

شاكر لك تعاونك اخوي خالد

واتمنى ماكون ثقلت عليكم بكثر الاسئلة

[عاشـــق اللاند]

عفوا كيف الصيانه عليهم!!!

اخاف شغل الايدي العامله عليهم

ترا تفرق

وبعدين هذي سيارتك من حلالك اذا متخسر تقط عليها كم الف صدقني ماتدوم عندك وتبي تسكرب

قط كم الف وريح راسك من الخرابات

[سيرجيو راموس]

اقصد يوم جيناهم لصيانة الخمسين

طلبنا منهم تغيير الفحمات والهوبات

قالنا الموظف خلها بصيانة الستين علشان تصير على الوكالة

قلنا تمام .

ولا ادري وش يقصد .


طيب وقصتهم مع فتحة السقف وش رايكم ؟


ملاحظة / مش سيارتي .. سيارتي خويي


الف شكر لك يالغالي

[عاشـــق اللاند]

انا اظن ال 350 ريال قيمه التشيك والتصليح الله وعلم فيه لكن المفروض على حسابهم تصليح الفتحه

[أبو سيد علي]

أتوقع شغل اليد عليهم, إذا بيغيروا الهوبات والقماشات والبواجي بـ 1500, يا بلاش

لأن بسيارتي القديمة, لومينا, الهوب لوحده بـ 400 ريال!!

[كامري أبيض]

والله ياخوي سيرجيو ... على حد علمي

قصدهــم بالصيانه علينا .. أن الشغل عليهــم مجاني .. أما قطع الغيار انت اللي تدفعــها ..

مثلاً في صيانة 15 ألف دفعت لهم 100 ريال .. وهـم غيروا الزيت والسيفون وعلى ماأعتقد فلتر الهـواء .. ولو جيت تحسبه كـ قطع فقــط راح تلاقيها 100 ريال وشغل اليد مجاني .. هذا قصدهــم

وأنت أحسبها كـ قطع مثلاُ
الفحمات بكــم سعرها
2) البواجي بكم سعرها واأسلاك البواجي بكـم ؟؟
3 الفلاتر (هواء ،، وقير ،، مكــيف )
4) زيت القير بكم سعره
5) زيت المكينة مع السيفون
6) تنضيف البخاخات ..

** هذا إذا كان يبي يغيرون لك كل هـذه القطع أعتقد أن السعر مناسب ..

[سيرجيو راموس]

ماقصرتم يالغالين كفيتم ووفيتم


انا حاس اني تقلت شوي عليكم بكثرة الاسئلة لكن ماودي افتح موضوع كل شوي


بالنسبة للصوت اللي جنب فتحة السقف

قاوا لنا تابع لقسم السمكرة .. وش رايكم اخليهم يفكون السيارة والا اتحمل الصوت


كل الشكر والتقدير لمن تجاوب معي

واعتذر عن الاطالة مرة اخرى

[وسام]

ياا جماعه يقولكم الرجال السياراه جديده ما بيها شيئ لاهوبات ولاشيئ وانتم عارفين واسلاك البواجي وش فيها والله جديد مو معقول انه 60.000الف السيلره تعطل فيها مثل الحاجات هذي ياناس قول شيئ معقول اما تغيير هوبات واسلاك بواجي مادخل مزاجي

[بلاك ايفل]

انا بطلت اودي سيارتي الوكاله

انصب منها ما فيه

وان رايي من راي اخوي وساااام

سيارة جديده تغير كل دا

والله اخوي عنده كورلا 2005
اللهم صل على محمد وعلى ال محمد
ما دخلها ولا مره الوكاله من طلعها ليومك

والحين ماشيه تقريباً 100 الف
وتوه مبدل القماش بدون الهبات
والبواجي
والسياره ولله الحمد ما بها شي
امورها طيبه

وانا سيارتي اخر صيانه لها 30 الف في الوكاله
غيرها ما بوديها

من يقول الك تبديل زيت + فلتر بـ 600 ريال لصيانة 25 الف

قال 91 قطع الغيار
و 509 شغل يد

ويييييييش دعوه..!!

[سيرجيو راموس]

كل الشكر لمن شارك وابدى وجهة نظرة

بصراحة مثل ماقلت لكم في البداية .. سيارة خويي

والا انا ساحب على ابو الوكالة ونزلت موضوع قبل كذا عن الاسباب

لكن انا لاحظت مشي السيارة ماشاء الله لارجه ولا شي

ليش يغيرون الفحمات والهوبات والرمان والجلد

لا والنظرة على الصوت اللي بفتحة السقف ب350

[نبضي الكامري]

اخوي قول لخويك لا يغير الهوبات ولا يغير شيء أبد يسوي لها فحص وبس .. وبالنسبه للفتحه مالها حل كلنا عندنا صوت ..

[شاكوماكو]

اخوي بالنسبة للتندة

روح الوكالة و خلي السمكري يشوفها

" لان التندة اختصاص قسم السمكرة "

عندي صوت كان يطلع مع المطبات في سيارتي

شافها و قال لي ايش المشكلة و قيمة التصليح بدون ما ادفع ولا ريال

كل الي سويته اني رحت عادي بدون حتي ما اعرف احد

و شافها لي في ساعتها

يعني بدون ما انتظر سراء و قلق

المهم

قالي تغير المكينة الي على اليسار و قيمة التصليح 1700 ريال

و شوي اخذني السمكري على جنب و قال لي نصيحة لا تغيرها حرام تغير مكينة ب 1700 ريال والي عندك فيها طقة خفيفة " الله يجزاه خير مكان ما يروح "

و عليها ما غيرتها

و الصوت اتعودت عليه

المهم المفيد

انهم يشيكوا لك عليها ببلاش و مو من حقة يهرج

و اذا عابط معاك اتصل على خدمة العملاء في جده

و اشتكيهم وشوف وربي غير يتمرمط العامل هذا

-------------

اعتقد ان خدمة العملاء كلموك لمن اشتريت السيارة

" انا دقو علي و قالو لي اي مشكلة تكلمنا على طول "

و بالتوفيق

شاكو ماكو

[الهلي يا خلي]

والله صيانة ابوجميل لك عليها
بس انتبه انت من الزيت خلك عندهم اذا صار بيغرونه لانهم نصابين مايغرون الزيت
والله يعينكم على ابوجميل وحتى هاشم عندنا كلنا بالهوا سوا

[كامري الهتم]

انا غسلت يدي من الوكاله بعد ال5 ألاف كيلو

واذا في شيء يحتاج تغيير اروح لميكانيكي الوالد له سنين الله وهو يسوي سيارته عنده

لكن انصح خويك يبعد عن الوكاله مثل ما سويت انت

وتقبل مروري