[عاشق زيدان]

السلام عليكم

هل يمكن تركيب جناح لكورولا 2006

وماعيوب التركيب اذا فيه

وماميزات الجناح اذا تركب غير لزينة السيارة

وهل يرسي الكورولا في الخط بعد سرعة 160 كم

نعرف ان كورولا تلعب معانا في الخط بعد 160

وتحياتي للجميع

[عاشق الاوروبي]

نعم ،، ممكن تركب الجناح لكن لازم تخريم ...

سعره في الوكالة بـ 900 ريال مع الرش والتركيب ... برى تحصل جناح ( ابو كلب ) من محلات الزينة بحدود 250 ريال

ما ادري مع الرش او بدونه ... المهم اعرف واحد مركب جناح من عند محلات الزينة المهم بعد فترة مع المطبات والحفريات

بدا يتخلخل عليه الجناح ،، فكر يشيله لكن مكان الخرم باين في الشطنة الخلفية ... انصحك تسويها في الوكالة ...

والسلام ،، اخوك عمر ...

[توت مكة]

أنا والله عن نفسي ابغى اركب جناح بس خليك معي ركب من الوكالة

ننتظر الاعضاء ممكن يفيدونا بسعر الرش مع التركيب

تحياتي

[دارك فلاير]

انا ركبته من الوكالة ب900 ومدري كم ....
شريته مصبوغ من المصنع .... (يعني :الوكالة ماصبغوه... جاي جاهز ) ...
وله الحين حوالي 8شهور ....زي الالف ... وتركيب الوكالة زي ال(GLi)بالتمام ...

ترى التركيب يبيله يوم كامل في الوكالة (علشان الوزنية الجناح والتخريم والاسلاك )
الزبدة :لاتركب في غير الوكالة ... حتى لو شريت الجناح من برى ...


ملاحظة : الجناح الي شريته لـ2007 ...وسيارتي 2006 ... بس رااااااااااااااكب صح

[علي بن عايض]

حياك الله اخوي ( عاشق زيدان )

بالنسبة للجناح ركب يا حبيبي و توكل على الله

انا و اعوذ بالله من كلمة انا ركبت جناح للكورولا حقي من التشليح بـ ( 150 ريال سعودي ) وكالة

و الرشة كلفتني ( 50 ريال ) يعني الكل ( 200 ريال ) و طبعا جناح بدون تخريم الشنطة

هذا الجناح يركب على الشنطة من خلال ممسكتين على الأطراف تتركب و تنشد على مسامير بحيث انك ما تجرح البوية حق الشنطة

هذه بعض الصور للجناح اللي مركبه على الكورولا
7
7
صورة من داخل الشنطة مع توضيح المسامير و الممسكة في الطرف


صورة للجناح مع السيارة من الخارج



ان شاء الله اكون قد وفقت في الإفادة

[# الساحوت #]

تبي نصيحتي لا تركب بدون جناح اطلق

[عاشق زيدان]

مشكووووورين على الردود
لكن المهم هل تكون السياره راسيه بالخط مع الجناح بعد 160 كيلو

[علي بن عايض]

لا ظن ذلك يا ( عاشق زيدان )

لأن السيارة خفيفة وزن الريشة

موفق

[كورولا القطيف]

يتراوى لي الجناح يعطي السيارة شكل احلى ؟
سؤال: يعني الجناح الا من الوكالة فيه تخريم ولا كيف ؟

طيب بالنسبة لو بغيت اسوي فتحة في السيارة كيف الوضع ؟

اسف ع الاطالة .........تقبل مروري

[باهادي]

معليش دخلت الموضوع مرة متأخر

انا اشتري قبل 3 سنين جناح يشبه الجناح الاصلي لكنو تجاري بقيمة 150 ريال وجا مرشوش رشة ابو كلب

ركبتو عندي في الكوكو وجا ادب
لكن مع السرعه و اكل الحفر و المطبات
اتخلخل عندي الفتحات حقت المسامير اللي تثبت الجناح في الشنطة
وصار كل ما افتح الشنطة احس انو الجناح يتخلخل حاجة بسيطة جدا
ما تنسى اني معدل الشنطة
ومع قفل الشنطة بقوة المسامير تزيد من اتساع فتحات المسامير
اما اللون فخلاص
يبغالو ضرب بوية


نجي لوظيفة الجناح
الجناح يجي منو اشكال و انواع
الاجنحة بشكل عام وظيفتها انها تفكفك الخيوط والحبال الهوائية لما تمشي بالسيارة
فالجناح العادي يعطي شكل جمالي للسيارة
اما الجناح الرياضي فوظيفتو انو يعطي شكل رياضي + اضافة الى فكفكة الحبال الهوائية وقت المطارحات و السرعه
ومع فكفكة الحبال الهوائية
يتخيل السائق انو السيارة تمشي بسرعه بشكل راسي بالمرة
والسبب من الجناح
لكن في الحقيقه الجناح زي ما قلت
يفكفك الحبال الهوائية
- معلومة الحبال الهوائية اتعلمت الديناميكية حقتها بحكم شغلي في الخطوط السعودية بقسم صيانة الطائرات ، وكل الشغل اللي على الطيارات اشوفو قدام عيوني -

كل الاجنحة يبغالها تخريم
لكن بعض الاجنحة زي ما اتفضل اخوي العزيز علي بن عايض وقال
في اجنحة ما يحتاجلها تخريم
بس تنشد على الشنطة
لكن
لازم من التخريم عشان الواحد يضمن ان الجناح ما يتحرك ولا يصير فيه اي ضرر لا سمح الله

بالنسبة للكورولا
انا اتوقع ان اي جناح يركب في الكورولات راح يكون الغاية منو هو : اعطاء شكل جمالي للسيارة
رؤية و تفكير شخصي

لو تلاحظ انو في اجنحة راكبة في بعض السارات حقت السباق تكون بهيدروليك
تتحرك لفوق و لتحت
هادا عشان يزيد من سرعة فكفكة الحبال الهوائية وقت السباقات


نصيحتي لك يا اخ عاشق زيدان
انو بما ان سيارتك موديل 2008
حرام تركب جناح فيها برا الوكالة
ركب في الوكالة افضل لك و للسيارة مستقبلا

انا ما ركب الجناح في سيارتي الا بعد سنة ونص او سنتين

وتقبل مروري

[باهادي]

المشاركة الأصلية كتبت بواسطة كورولا القطيف

سؤال: يعني الجناح الا من الوكالة فيه تخريم ولا كيف ؟

ايوه فيه تخريم
لانو لازم من التخريم

المشاركة الأصلية كتبت بواسطة كورولا القطيف

طيب بالنسبة لو بغيت اسوي فتحة في السيارة كيف الوضع ؟

ايش قصدك بفتحة في السيارة ؟؟؟
اذا كان قصدك تندة
فايوه
بس راح تكلف على حسب الشغل
واظن و الله اعلم انو ارخص شي حوالي 2000 او 2500 ريال

اما اذا كان قصدك على فتحة في السيارة في الكبوت
فهادا برضو ممكن
لكن راح تقص الكبوت و تولف عليه فيابر و مع السرعه احتمال كبير انو الفتحة تزيد

[كورولا القطيف]

مشكور اخي باهادي على الافادة
وانشاء الله باركب لي جناح من الوكالة

[كورولا القطيف]

انا اقصد بالفتحة الا بسقف السيارة مادرية
بس شكلها سالفة ب2000 ريال خليها مثل ماهي افضل خخخ

مشكور على مرورك