[محمد السيهاتي]

تحية طيبة للجميع

عندما تشتري سيارة جديدة من الوكالة يعطوك عليها 3 سنوات أو 100000 كلم

وعندهم شغله ثانيه وهي تمديد الضمان إلى 5 سنوات

ما هو تقيمكم لهذا الضمان ؟

وهل يغطي المكينة ’ القير ، الكومبريسر.... أو أجزاء منها.....

أهل الخبره نريد اثراء هذا الموضوع .

معلومة : اي شخص يمدد الضمان يعطونه كتيب في تفاصيل الضمان

[أبو ريان]

يغطي الماكينه والقير ومكيف وأغلب الأجزاء الميكانيكية

بشرط عمل الصيانة الدورية إلى انتهاء الضمان ... يعني كل 5 آلاف تسوي صيانه عندهم

[هاوي الافالون]

يارجال زين صيانة وكل شي واخرتة اذا خرب عندك شي بيقولون مايشمل الضمان انت زين الصيانة عندهم ازين من اليمني ولا البنقالي لكن انس ان لك ضمان لئن اي شي يخرب عليك بيقولون سوء استعمال

[الكنــــــــج]

اخوي هاوي الله عرفناه بالعقل ما شفناه اذا قالوا لك سوء استعمال انت قلهم لكل شي عمر افتراضي ويخرب مثلا الكفر له من سنتين الى ثلاث سنوات ويخرب كذلك سوء التصنيع والخلل المصنعي يعني اذا قالوا لك سوء استعمال يصرفونك انت خلك اقوي منهم ورد بقوة (((ما ينفع معهم الا كذا ورهم العين الحمراء )))) اشتك على هاتف الشكاوي وقلهم سوء استعمال يمكن كلامكم صحيح ورد عليهم بقولك ويمكن بعد خلل مصنعي في سيارتي ليش لا او يمكن سوء تصنيع ليش لا وكتمهم زخصوصا ان فيه بعض القطع سهلة الخراب وبسرعة على سبيل المثال ستارة السيارة الحساسات ايضا ((((لها عمر وتخرب ))) اظن الفكرة واضحه لك
لكن وانا اخوك لاتكذب اذ ا انت خربت شي بنفسك تحمله من جيبك لا الله يعاقبك ودخل في ذمتك مال حرام جعل الله يوفقك )))) .
تحياتي لك وللجميع

[الحـ(درب)ـب]

انا عندي الضمان اللي ينتهي بعام 2012 اذا الله عطانا العمر
بدون تحديد للكيلو مترات

بس في شرط عندهم انك لازم تشيك كل 10.000 ( تشيك كامل )

عاد انا ماشيك عندهم بكثرة
وقبل اسبوع سيارتي ماشية 69200 تقريبا
وكان عندي بعض الأشياء اللي لازم تتغير

وغيروها لي ولاقالو لي شي

[( ابو نواف )]

السلام عليكم ورحمة الله وبركاته

انا سويت عند تويوتا الضمان الممتد بصراحة لازم تتطلع على الكتيب الموجود معاه علشان تعرف ماهي الاشياء المغطاه بس تقيمي للتمديد بصراحة جيد ولكن العيب الوحيد انك لازم تكون منضبط بالنسبه للصيانه كل 5 الاف ولا راح ينلغي عليك الضمان