السلام عليكم...
الحمدلله يت سليمة وماصار فيه اضرار جسيمة أو اضرار صحية ....
كنت واقف عالاشارة حمرة واول ماصارت خـظرة الهندي الي وراي تقدم وصفعني من ورى
وانا نازل وايدي على عقالي بس هديت لما شفته مع عايلته
بس ما اخفي عليكم انه من قوة الصدمة الي صارتلي وراسي ظرب بالسكان توقعت انه البامبر طاح..لكن ماشالله على الافالون طلع ماعليها كلآم بس اللون طآر في اماكن متفرقة في البامبر...
هذي صورة عن نوع الصدمة وآنا اسف لانه الصورة مش ولابد..لاحظوا تحت لوحة السيارة بالضبط الخدوشات الي صارت :
آلمهم الشرطة يت وعطتني الورقة طبعا انا المتضرر وحاط العلامة على الورقة خلفية السيارة..الحين لازم اودي سيارتي التأمين يصورونها وطبعا تصليح وكالة لانه السيارة 2008..بوديها الوكالة..
سؤالي هو الآتي:مثل ماقالولي الشباب الوكالة ماعندهم سمكرة خصوصا اذا السيارة 2008 على طول تبديل بدون صـبغ..هل البامبر راح يتبدل فالوكالة لاشك؟؟ولا ممكن يقولونلي لانه الضرر بسيط الموضوع فيه صبغ؟؟ياريت تردون علي لانه لو فيه احتمالية الصبغ بـكمل على البامبر بطريقتي الخاصة عشان يبدلونه غصبا عليهم
مشـكور اخوي همس المشاآعر والله يسـلمك ويغنيك عن الشر آن شاءالله
انا مرة صبغت سيارتي الجديمة وبعد سنة تقريبا لاحظت فرق في البهـوت بين المنطقتين..وعشان جيه مستحيل اصبغ الافالون..اذا فيه احتمال صبغ اعتـقد رآح اييب الفآس وبـظرب البامبر كم ظربة بظهر الفاس على اساس يدخل على دآخل البادي...
مآعتقد الوكالة تسـمكر القطعة مستحيل..يمكن تصبغه بس ماعتقد وكالة وتـسمكر المنطقة....ولا شو الراي جماعة
صاحبي صاير له مثل هالشي وراح المرور وقالوا له 2008 تثمنها لك الوكاله علشان يعطونك التامين كامل المبلغ . وراح الوكاله وقالوا له ماعندنا الا تغيير كامل الصدام كامل . المهم قدروا له 1356 ريال قيمت تغيير الصدام مع الصبغ والحساسات واجرة اليد .
عليكم السلام اخوي جارجا
الحمد لله على السلامه قبل كل شي
وثاني شي اذا قبل لاتوديها للتأميين انصحكـ اتكمل عليها عشان يتبدل البامبر كاامل او انكـ تكسرر القبضات اللي ماسكه البمبر وثاني شـي اشووفها ضرربه عاديه ماكان له داعي لكل هاذا وحرام انه يتبدل البامبر ويكون في فرق فلصبغهـ
الحمد لله الف عالسلامة بسيطة يارجل دف بلاء وزكاة على مايقولون .....الا هاذا البامبر وشو ذا حفايظ يعني حنا بالسعودية نسميه بامبرز ما ادري تغير اسمه .... هههههههههههه ترا حاب امزح معاك ... وجعلكم سالمين كلكم من كل شر .... عاد يادرب اش معنى ملاك الافالون ؟؟؟؟؟ افهم ان هذا تعصب ******************** واحد طالب حرش خخخخخخ
وسلامتكم .
أول حادث في سيارتي :( 
