[حــاير]

ومشكور اخوي الكنج على المعلومات لاني اليوم قبل اشري السيارة قلبتها في المعرض قلب ادور على اي شي فيها يخالف المواصفات الحمد لله كل شي تمام حتى القير جربته عشان خاطر المشاكل اللي طلعت عندك والحمد لله كل شي زين ميه ميه وتفقدت الاستبنه والعده والفرشات كل شي مكانوه
تدرون خذتها بكم 117500 شامله الوحات والاستماره والتامين بعد
وهل استطيع تغيير رقم الوحه بعد ما تصدر الوحات الصغار يعني بعد فتره او اخلي كثر الخساير
وعندي استفسار هل اكسسوارت البلوتوث في الغرابي بنفس جودة اللي يركبونها في الشركه ارجو ممن مركبها في الوكالة ان يرد على وهل نفس الاكسسوارت موجودة في الغرابي بالرياض وكم سعرها وش اسم المحل اللي هي عنده وشاكر ومقدر تعاونكم

[الحـ(درب)ـب]

كيف تركب لوحات طوال على السيارة
والسيارة ماتركب عليها اصلا اللوحات الطوال

لا ورى ولاقدام

عاد بعضهم ركبها قدام بس الشغل مب هذاك الزود
اي جايه من الشركة ومصممة للأرقام القصيرة

وألف مبروك عليك السيارة مقدما

[المــمـــيــز]

اخوي حاير مبروك السيارة والله يطعمك من خيرها ويكفيك شرها


وبخصوص اللوحات نعم يمكنك تغيرها بعد ما تطلع وبخصوص المقاس

الوحات الطويلة تركب فقط قدام وفيه واحد شفته مركبها مع قاعده عريضة سوداء لا تزم تدور هذي القاعدة اول

وبخصوص البلوتوث انا ما انصحك تركب لا عند الوكالة ولا برا الوكالة

لاني مركب الي في الوكالة والناس الي يدقون علي يقولون صوتك ضعيف لازم اصارخ

غير كذا لو دق عليك احد لازم تدخل يدك عند ازارير الستارة عشان ترد وليس ادائها جيداً

فيه اجهزة تركب فوق بالشماسة تلقاها عند محلات الاتصالات وتقدر تشيلها معك انا اشوف هذي افضل

[هاوي الافالون]

اخوي انا مركب لوحة طويلة { ملكية } قدام ومركب قاعدة سودا بس ترا لزم تخرم بالصدام وانا بالنسبة لي رحت لم محل زينة ووران القاعدات اللي عندوة واخترت وحدة سودا وشكل السيارة ازين بالملكي
واذا بغيت تركب رح لم محل يعرف لها الشغلات بحيث انوة يضبط لك المقاس ماتصير مايلة
وانا لوحتي عدال اتحداك تقولي انة مايلة ولا شي قص بس شغل المحل صح قعد ياخذ المقاسات صح وبعدين خرم لي بالصدام وركبة

[عــــازف وتـــر]

اخوي اللوحة
الخلفية ماتركب
ومو حلوة تركب بس قدام

[حــاير]

thank uoy
مشكورين وما قصرتو ويعطيكم العافيه اجل اباخذ برايكم وخلي عني المهايط واخليها لوحات صغيرة

[ذو الوشاح . .]

بعد التحية / ياشباب انا احس موضوع اللوحات مو موضوع خطير ترا وسع صدرك اللوحات مصيرها تنعدم من الخطوط ... وبعدين يكفيك اللي قدام لو حبيت تغيرها طبعا مع ان الطويلة ما عجبتني تحس العادية اكشخ ... المهم الف مبروك وما تشوف فيها الا كل خير ....وبلاش تحوس الدنيا ..

[الكنــــــــج]

اخوي حاير اهلا وسهلا بك ولا شكر على واجب وحنا وجميع الاخوان وعلى راسهم المشرفين في الخدمة ومبروك عليك السيارة ويعطيك الله خيرها ويكفيك شرها ان شاء الله
بخصوص سوالك عن اللوحات ,,,عزيزي المسالة مسالة اذواق اذا انت تبغي الطويلة انت حر لكن انا على سيارتي ما ركبتها ابغاها شد بلدها هذا اولا
2)الوحات الطويلة تاخذ من وجه السيارة شوي
من وجهة نظري الشخصية انا لا افضل اللوحات الطويلة على الافالون الوحات الطويلة تصلح على سيارات اخري
بخصوص استفسارك عن البلوتوث اظن المميز كفي ووفي

تحياتي لك وللجميع .

[متعة الإحساس]

السلام عليكم..
ألف مبروك يا الحاير يا ولد ديرتنا على الأفالون والله يعطيك خيرها ويكفيك شرها..
والشباب ما قصرو في الردود..
والوحة الطويلة حلوة في حال كانت الارقام مميزة أما إذا ما كانت مميزة فاقصيرة أهدى وأروق...
والبلوتوث كل الي ركبوة أو الي يجي من الوكالة ما يمدحونة يعني مجرد طفرة يومين ثلاثة بعدين تطفش منه وما عاد تستعملة..
وأي استفسارات أخرى نحن جاهزين

مع خالص شكري وتقديري...

[حــاير]

مشكورين اخواني وانا والله افتخر اني احد اعضاء هذا المنتدى الراقي
ويبارك فيكم في سياراتكم ويعطيكم خيرها ويكفيكم شرها وتحييييييييياتي