[الكنــــــــج]

الكنج وصل وراح اعلمك الصحيح ولايهنون الاخوان جميعا واليك ما اريدك ان تعمله بالتفصيل :::
1) لقد تم شرح مشكلتك وشكواك للمدير الاقليمي في المنطقة الوسطي ((( حيث شرحت له الموضوع بالكامل اعرفه شخصيا ))) واخبرني بان السيارة سوف تتبدل في حال اصرار العميل الذي هو انت ,,,اما في حال الاتفاق بين العميل والشركة على تسوية المشكلة كصبغ باب السيارة وتصليح الصدامات بدون تبديل السيارة وهذا ما تسعي اليه الشركة معك الان بواسطة مدير الصيانة الذي هو الان يرتعد من الخوف لاحتمال فصله او انذاره وفصل الموظف المتسبب في المشكلة .
2)يجب عليك ان تذهب للمدير الاقليمي في المنطقة الشرقية واطلب مقابلته واكتب شكواك مفصلة في ورقة موجهة الى سعادة شركة عبد اللطيف جميل / المحترم
اشرح شكواك بطريقة سهلة ومبسطة ويفضل في نقاط محددة .
3)اذكر في النهاية بعنوان الطلبات /////
طبعا تغيير السيارة بالكامل لكون السيارة على سبيل المثال سوف تفقد جزء كبير من قيمتها وقت البيع .
4) سوف ياتيك الرد على شكواك وطبعا تغيير السيارة بعد يومين وممكن المدير الاقليمي ياخذ ويعطي معك في الموضوع
ويعطيك امتيازات مثل الصيانة القادمة على حساب الشركة وهكذا .
5) انت شخص حبيب حيث انك قمت باستاجر سيارة على حسابك ويفترض ان السيارة بها عيوب ومشاكل على الضمان فيجب على الشركة ان تومن لك سيارة بديلة ..(((بعبارة اخري المصري مدير الصيانة لم يقم بعمل شي لك ولا هو قام بمعروف حيث ان تامين سيارة بديلة لك وتحمل الشركة لايجار السيارة مبلغ تافه في مقابل تبديل السيارة لك والمصري له صلاحية الرفع لمدير الفرع الذي وقعت به المشكلة وجعلها على حساب الشركة بسبب المشكلة ويلعبونها مع بعظهم ))))
6)) اعلم انك صاحب حق وعبداللطيف جميل لايرضي بذلك ولا يعلم ما حصل لك (((قم بايصال صوتك له وتري النتجية )))) ولا تستعجل
7) لمعلوميتك ان الشركة في حال تبديل السيارة لك سوف تتحمل المصاريف(((الفرق بين قيمة سيارتك المستعملة وسيارتك الجديدة باذن الله ))) وتقوم باصلاح سيارتك وبيعها على قسم المستعمل بسعر جيد .
8) في حال توصلك الى تسوية للمشكلة مع الشركة مثلا وافقت على تصليح سيارتك صبغ الباب او تغييره بالكامل حاول وفاوض بقوة ان تاخذ بعض الامتيازات والترضيات منهم كصيانة 40000 الف مجانية ((اختر صيانة مكلفة لهم ))) وقد ذكر اخونا المميز ذلك .
9)) اخيرا الخيار والحل بيدك اذا انت رجل مثل ما يقولون نفسك طويل فابشر بسيارة جديدة واذا انت مستعجل انظر رقم ((8))) طبعا الفت نظرك بان المدة شهر تقريبا تزيد وتنقص .
9)) في طلباتك في الشكوي المقدمة اطلب محاسبة المتسبب حتي لا يتكرر ذلك مع احد الاخوان او يتكرر ذلك معك انت .
10) في حال تبديل سيارتك بسيارة بديلة افحص السيارة الجديدة فحصا دقيقا عشان لا يطلعونك من سيارتك ويدخلونك في مشكلة اخري مع السيارة الجديدة (((تاكد بحرص ودقة المثل يقول حرص من صاحبك ولا تخونه)))
اخيرا اذا تبغي رايي لاترضي باقل من سيارة جديدة مهما كلف الثمن خصوصا ان سيارتك موديل السنة وامكانية استبدالها من قبل الشركة موضوع بسيط بالنسبة لهم .
تحياتي لك والله يكون في عونك ونحن بانتظار اخبارك وتزويدك للجميع بم حصل لك وانا جاهز لاي مساعدة
التوقيع///
الكـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــج

[وسام]

اه من القهر والله ثم والله كان اولع فيهم

[هــاوي لــكــزس]

آآآآآخ يالقهــر

2008 عاد

ياخـي حرااام..

الله يعينكـ على بلواكـ

والشباب ماقصـروا..

لكـن لاتـرضى بأقل من سيارهـ جديدهـ..وخلهم يدفـعون قيمه السيارهـ الآجار..

طبعاً أكيد بيقولون لكـ مانقدر نعطيك سيارهـ جديدهـ..الخ

انت أصر على كلامكـ...
وحاول تقدم شكوى في المرور..ولو تجيب عسكري للوكاله يكـون أزين..


وإذا تعرف لكـ صحفـي جبه معكـ ..لأنه مجرد صحفـي معكـ هذا كرت لكـ

اذا ماتعرف صحفـي..فيه بعضهم تقدر تجيب أرقامهم..ولما تشرح له السالفه ..ممكـن يفزع معكـ

بس ماهـو لعيـونكـ الفزعه..اكيد هـو يبي ينـزل خبـر الوكاله ويستفيد...


بالتوفيق أخوي

[تركي الطيار]

الله يكون في عونك ,,,,

[عاشق الأمـيـرة]

اشكرك اخوووي على الموضوووع

اطلب سياااااااااااااارة جديدة

[عــــازف وتـــر]

اسمحولي ياجماعة عبداللطيف مو وكيل
زبالة الله يعين كل واحد عنده تويوتا

[الذويق]

الله يكون في عونك اعلم ان امر الله انقضى وفكر بالمستقبل لن اضيف شئ الاخوان ماخلو شئ بس انتبه للأمورالتاليه :
1- السياره اوعى تاخذها
2- يجب عليك توثيق اللي حصل اما بتصوير السياره او اخذ تقرير من الشركه
3- اطلب منهم الآن سياره بديله على حسابهم حتى يتم تسوية الوضع معهم
4- خليك طويل بال ولاتستعجل
5- لاترضى با لنهايه الا بسياره جديده لان سيارتك بحكم الجديده
6- هددهم انك سوف تشتكي على الجهات المعنيه وان ما تجاوبو معك خلال ثلاثة ايام انك بتفضحهم با لجرايد

واحد اعرفه اخذ سياره تويوتا مو من الوكاله من احد الموزعين بعد وصار بالسياره ماس كهربائي واحترقت السياره راح للموزع ورفض الموزع تحمل المسؤليه ترك السيار ه عندهم ولم يراجعهم بعد شهرين اتصل عليه الموزع وعطوه سياره ثانيه افخم من سيارته ودفع فرق السعر بين السيارتين لانه كان على نهاية االسنه ولافيه نفس السياره

[الكنــــــــج]

عزيزي مهندس بترول الموضوع واضح وبسيط وانا اشوف بعض الاخوان يقولك هددهم,, افعل سوا ,,,شهر بهم الخ.................
انا اقولك انك تتعامل مع شركة كبيرة ومحترمة وليس مع كراج سيارات او ورشة عادية لكن يجب معك استخدام الطرق الرسمية في الشركة لاخذ حقك بالكامل كما تم شرحها لك بالكامل .
عزيزي باختصار شديد اما ان تطلب تبديل سيارتك بسيارة جديدة او ان تطلب من الشركة في حال الاكتفاء بصبغ لون الباب والصدامين دفع قيمة سعرهما في السوق في حال بيع السيارة ((تعويضا عن ضرر صدم الصدامين +الباب وطبعا تصليحمهاوتصليحهما))
تحياتي لك وننتظر ردك في الايام القادمة

[مـهـنـدس بتـرول]

الله يعطيكم العافية يا احلى ربع واحلى منتدى

الصراحة كفيتوا و وفيتوا

انا اليوم رحت لهم وجاني مدير الفرع وقالي خذ السيارة ورح شيك عليها في السوق اذا تبين لك ان الصدمات واضحة ونزل لك من سعر السيارة ارجع لي بكرة وانا اسوي لك اللي تبيه

المشكلة يا شباب انا عجزت لا الاهل اللي في جدة في قسم الشكاوي يعطون وجه ولا الشعب اللي هنا وانا توهقت ما ودي اتمشور كل يوم رايح للوكالة وراجع منها زهقت

قلت لهم ابي سيارة جديدة قالوا لي سيارتك شاريها بنظام التأجير المنتهي بالتمليك يعني بالعربي لو تبي تغيرها انت الخسران؟؟؟؟؟

فما ادري وش الحل؟ ما ادري ارفع فيهم لليابان يعني والا وش اسوي

لاني يوم استلمت السيارة اليوم يا الربع والله مو نفس سيارتي اللي دخلتها كانت مثل الوردة والحين احس اني كرهتها

حسبي الله ونعم الوكيل هذا اللي اقوله

[ماجد نت]

الله يعينك يارب

[+الـمـلـكـة+]

لاترضى إلا بسيارة جديدة

[أفالوني للأبد]

الله يساعدك يا اخوي ... والله انك مبتلى!!!

لكن روح لهم بكرة وادخل على مسؤول الشكاوي في نفس الفرع...

وهدده انك اذا ما عطوك سيارة بديلة او صلحوها لك بقطع جديدة بأنك راح تنشر الصور في الجرائد....والله يخافون!!!


وخلك جدي معهم الى ابعد درجة... وبكذا ان شاء الله راح تأخذ حقك منهم..والله يوفقك!!!1

[الكنــــــــج]

عزيزي مهندس بترول قلنا لك((((((((اكررررررررررررر))))))) رح للمدير الاقليمي بالمنطقة وانت رايح لي لمدير الفرع او موظف في قسم الشكاوي ما ينفعون ((((باختصار وبالعربي لايحل ولا يربط الموضوع عند المدير الاقليمي الذي يرفع للادارة العليا في جدة شكواك ))))))) لن اكرر ذلك مرة اخري .
ملاحظة للمعلومية ///// انا قبل لايغيرون سيارتي رحت لاحد الموظفين العاديين والمخصص لتقبل الشكاوي قال لي بالحرف الواحد اليابانيين ما يغيرون او يستبدلون سيارة فيها خلل مصنعي عشان السيارة على الضمان والشركة ما حطت الضمان الا لهذا الشي وانت ابشر نغير لك الجير جديد باكياسه وطلب مني الرجوع لكتيب الضمان وقراءة العقد الذي بين العميل والشركة والالتزامات التي على الشركة على العميل واقنعني نوعا ما باسلوبه لكن تحسبني صدقته وسكت على موضوع تبديل السيارة السيارة بدلت لي بالكامل ياعزيزي .(((ارجع لموضوع مشاركتي بعنوان هذا ما حدث مع سيارتي الافالون الاولي والثانية ))))
بالتوفيق لك حرية الاختيار
التوقيع///
الكنــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــج

[نواف البريكي]

خلهم يعوضونك هم خاسرين شي

[الكنــــــــج]

بانتظار جواب من اخونا مهندس بترول وما حدث

[الصابر..]

بعد التحية..

تكفى..ثم تكفى..ثم تكفى..

لا تخليها تعدي بالساهل..

وأقعد لهم زي الشوكة في حلوقهم..

ولا ترضى الا بالجديد..

ومعوض خير..