[العتيبي عبووود]

السلام عليكم ورحمة الله وبركاته

تحدثنا كثيرا حول مكيف الاوريون ومدى تبريده

اليوم رحت الوكاله بعد عناء وصراع مع المكيف

والله العظيم يا الربع انه ابوي عنده مكيسما 2003 لما احط المكيف على رقم 2 انه ابرد من الاوريون
وانا حاطها حدها وصوته اقوى ويبرد اكثر حتى رفيجي عنده شيروكي 2001 اقوى من مكيف الاوريون
وابرد منه شنو السبب ؟؟؟
خصوصا احنا الحين دشينا بالصيف والله اني احط المكيف حده وانه ولا جنه شغال ؟؟

رحت الوكاله وقالو لي متى مبدل الفتلر ( فلتر المكيف ) قلت ما بدلته من خذيتها قالي جم ماشيه سيارتك قلت ماشيه 60 الف قال لازم تبدله ؟؟ ( التبديل بـ22 دينار مع التركيب وكله )

السؤال الحين في احد بدل الفلتر حق المكيف ومتى يتم التبديل يعني بعد كم كيلو وهل عندكم نفس المشكله انه المكيف حار ؟؟ وما يبرد ؟؟

.. ومشكووورين ..

[اوريون_وبس]

ولكموووووووو



وللة باعتقادي مع هالجو الاوروبي ان المشكله تكمن بالفلتر لانه فوق 20 يوم غبار


وماتبي الفلتر ينسد ؟؟؟


انا قالولي تبديل الفلتر بـ 14

[السري]

وعليكم السلام ورحمة الله وبركاته


هذا موضوع عن مكيف الاوريون وتنظيف الفلتر لمشرفنا الغالي دقات قلب

اتمنى انه يفيدك

تقبل تحياتي ///// السري



مكيف الاوريون وعروض الصيف فحص على المكيف

[بلحروووز]

وعليكم السلام و رحمه الله و بركاته ,,

هلا وغلا اخوي العتيبي و ينك مختفي ..

المهم .. انا يوم الخميس سويت صيانة ال 20 الف .. وكنت قبل الصيانة اعاني شوي من المكيف وقت الظهيرة

بحكم العج و الغبار السائد بمنطقة القصيم .. و قلت اكيد الفلتر يبيله تنظيف .. المهم كلمت حقين الصيانة

و نظفوهـ لي .. تصدق و هم ينظفوهـ كاني شفت الربع الخالي بكبره طلع من الفلتر من كثرة الغبار ..

المهم .. بعد ما خلصت الصيانة شغلت المكيف .. و ماشاء الله تبارك الله .. بعز الظهر حاط التبريد اقل درجة

و درجة الحرارة 21 .. وماشاء الله برااااااااااااااد .. ورجعت احسن من اول بكثيييير ..

الخلاصة .. يا انك تنظف الفلتر .. او تغيرهـ ..

تقديري

[عبدالله بن تميم]

الله يجزاكم خير


وانا اقول ليه ما تبرد السياره

[العتيبي عبووود]

يعطيكم العافيه لكل من رد وشارك

والظاهر اني بنظفه وبشوف اذا صار الوضع زين ولا ابدله ؟

بس احس ان الهوا في شي يسده يعني الهوى خفيف لما يطلع من المكيف

ومشكووورين

[دقات قلب]

حياك اخي العتيبي عبوووود ..

وين كل هالغيبة ..

موضوعك بسيط ..

بدل الفلتر لأنك تجاوزت 60 الف ..

وان شاء الله تضبط امورك ..

وحتدعيلنا ..

نورت المنتدى ..

[وسام]

اكيد التراب مالي الفلتر الله يعينك يا تنظفه يا تغيره

[عاشق العنبرى]

شباب واذا شلت الفلتر خير شر فى تأثير

[العتيبي عبووود]

يعطيكم العافيه يا الربع

تم فتح الفلتر بالبيت وتنظيفه وتعطيره ايضا

والحين المكيف مييييييييه مييييييييييه

احطه على 2 بالظهر :d

[عاشـــق اللاند]

يالله على البركه

اخوي عاشق العنبري عادي بطله ونظفه ومافيه اي مشاكل فيه موضوع بقسم الكامري خاص بتنظيف الفلتر وراح ارجع اثبته بسبب دخول الصيف

[الحـ(درب)ـب]

المشاركة الأصلية كتبت بواسطة العتيبي عبووود

يعطيكم العافيه يا الربع

تم فتح الفلتر بالبيت وتنظيفه وتعطيره ايضا

والحين المكيف مييييييييه مييييييييييه

احطه على 2 بالظهر :d

انصحك تركب فلتر جديد ولا تنظف القديم

لان وظيفة الفلتر مش مسك الغبار فقط ، هو اصلا يمسك المايكروبات ( والحين انت شلت الغبار فقط واطلقت العنان للمايكروبات )

انا كنت الاحظ ان افالون فيها الهواء اضعف شوي من اصحابي ملاك الأفالون

غيرت الفلتر والحين صار 100%

على فكرة ( جميع سيارات التويوتا الجديدة فيها فلتر ومكيفها اضعف من زمان )
طبعا اضعف بدفع الهواء اما البراد نفس السابق

[دقات قلب]

نعم انا ارى تغيير الفلتر افضل .. لأنك ماشي 60 الف

تسلم لي اخي درب .. على الحضور
لك مني اجمل باقة ورد

[ابن بطووطه]

ارجوا منكم ان تضعون صور كيفية فك وتنضيف الفلتر ليستفيد الجميع

[العتيبي عبووود]

العضو عاشق اللاند منزل موضوع مع الصور والشرح جزاه الخير لسيارته الكامري والطريقه تضبط على الاوريون ميه ميه
وهذا الرابط ...
http://www.toyota4arab.com/forum/t27270.html

[فارس السيارات]

ياعمي انا اليوم حاط المكيف على الاخر في عز الظهر وبرظه حر وانا مظلل جنسون يا عمي مشي حالك انا برضه غيرت الفلتر وبرضه نفس الحكايه