[الأميرة الصغيرة]

السلام عليكم
أول شئ باركو لي اليوم طلعت سيارتي Is 300 2008 من الوكالة
سؤالي هل شعار لكزس الي في اسفل الباب السائق تضئ
انا عندي ما تضئ
انا شفتها بسيارة احد الشباب الي عارضين سياراتهم باليو تيوب و السيارة مواصفات خليجية
يعني مو بأمريكا و الظاهر بالفيديو أن كتابت لكزس مضيئة
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
أفدوني الله يخليكم
على فكرة أنصح كل واحد متردد أنه يشتري Is 300 أنه يشتريها و يتوكل على الله السيارة مررررررره
رهيبه وماراح تعرفون كلامي ألا أذا جربتم سواقتها
و الحق يقال أنا كنت من الشباب الي لمن اشوف السيارة أستحقها بحجمها لمن شفت السيارة في الشارع و كااان لونها كرستيال أزرق فاتح لامع و الي عجبني أن لون الأنارة الداخلية أزرق فاتح و النور خافت و معطي طابع هادىء لسيارة و النور زينون
يعني بختصار النور الداخلي و الزينون جاي مع لون البدي وصاير شكل السيارة بناتي
و هذا الي حببني بالسيارة و الشىء الحلوووو أن الون مخلي السيارة عريضة مثل اللون الأسود
المهم ما أطووول عليكم بس حبيت أنقل لكم مدى أرتياحي لسيارة و أعجابي لسيارة ألي كنت بسابق أستحقرها

تحياتي لكم

[أسيــــــر]

المشاركة الأصلية كتبت بواسطة الأميرة الصغيرة

و الزينون جاي مع لون البدي وصاير شكل السيارة بناتي
و هذا الي حببني بالسيارة

ههههه هذا همك يعني ؟؟ السيارة بناتيه او لا ؟؟

المهم اخوي افتح باب السائق بتلاقي قطعه بالأسود ملزقه ومكتوب عليها كلام بالأبيض

شوف تاريخ الصنع ان كان 9/2007 فما راح تشتغل معاك

الكلام هذا ينطبق على سيارتي طبعا واغلب السيارات اللي موديلها 2008 الدفعه الأولى

اتمنى اني افدتك اخوي

ومن ناحية كلامك عن السيارة انها حلوه وتنصح الناس بها كل كلام على عيني وراسي

لكن سيارتك طلعتها اليوم انت واكيد بتعجبك لأنك مستانس بها حتى لو معك سيارة ما تسوي شي بتقول انها حلوه
المهم حبيت انبهك لا تستعجل على حكمك بالشيء لأن مصير السيارة بتطلع عيوبها لك وانت بتفهم كلامي خلال ثلاث شهور لأني نفسك جلست شهر امدح في السيارة لكن طلع من اكبر عيوبها المساحه الخلفيه ضيقه جداً وكل اللي يركبون في الخلف يتضايقون

ع العموم موفق على اختيارك للسيارة والله يطعمك من خيرها ويكفيك من شرها

تحياتي

[الأميرة الصغيرة]

مشكووووووووور عزيزي على الرد و على المساعدة

و كلامك صحيح ما فيه سيارة ما فيها عيوب بس و السيارة فيها عيب و أنا أعرفه قبل ما أشتري السيارة
هو صوت الكفرات الأمامية مع ممشى السيارة لأن عند الوالد ls 430 موديل 2003 ما فيها صوت بالكفرات
بس أنا مقدر بأن نظام السيارة رياضي ويمكن هو الي يسبب هذا الضجيج مثل الومينا أس أس
أو من نوعية الكفرات؟؟؟؟؟؟؟؟؟؟؟؟؟
و الله أعلم

[كنت أظن]

الله يعطيك خيرها ويكفيك شرها ونعم الاختيار سيارة رائعة جداً


تقبل مروري

[ليكزي]

الف الف مبرووووك ..
موضوع سابق يناقش سؤلك .. تفضل:
اضواء الترحيب, استفسار وارجو المساعدة

تحياتي
ليكزي

[إحساس غالي]

ليكزي ،،، كفى ووفى ،،

بالتوفيق وبالبركه

[الأميرة الصغيرة]

الله يبارك فيكم يا شباب
و مشكوووووورين على المساعدة

تحياتي لكم

[نهاية رجل شجاع]

هلا والله بيك اخوي اما بالنسبة لسؤالك انا معي اصدار شهر 9 سنة 2007

رحت عشان اتأكد بخصوص الاضاءة ردوا على انه بس Rx و Lx

هم الي فيهم اضاءه شعر لكزس وانشالله اكون افادتك اخوي

[ليوناردو دافنشي]

ليكزي ،،، كفى ووفى ،،

بالتوفيق وبالبركه

[زيزوووم]

مبرووووووك

[رااايـــق]

بالنسبه لاضواء الترحيب انا لأحظت انه اللي بدون شاشه تشتغل فيها

واللي بشاشه ما فيها ( طبعا فكيت الديكور وما كان موجود اي لمبات بس الكلبس حق المبات موجود )

[دمعة شوق]

انا سيارتي 2008 بس الشعار عندي ما يضيئ

[الأميرة الصغيرة]

الله يبارك فيكم
مشكورين على مروركم و على المساعدة

[الدور السابع]

الله يعطيك خيرها ويكفيك شرها

لكن السؤال وين سقتيها فيه

وليش الناس يخاطبونك مذكر مع انو اسمك مؤنث

[فارس الافق]

دعواتكم الله يرزقني بوحدة is300



الله يعطيك خيرها ويكفيك شرها ،،،،

[الأميرة الصغيرة]

المشاركة الأصلية كتبت بواسطة الدور السابع

الله يعطيك خيرها ويكفيك شرها

لكن السؤال وين سقتيها فيه

وليش الناس يخاطبونك مذكر مع انو اسمك مؤنث

ههههههههههههههههههههههههههههههههههههههههه
بس أحب أوضح لك أني رجال مو بنت و أسمي عبدالرحمن
مثل ما انت عارف منتدى تويوتا كبير و يكثر فيه الأعضاء المشاركين بالمنتدى و كنت أواجه صعوبه في التسجل كل ما أختار أسم تظهر لي رسالة أدارية بأن الأسم متسخدم في المنتدى كتب عبدالرحمن- عبدالرحمن23- عبدالرحمن 45434 ما فيه فايده ما أدري ليه كل ما أختار أسم مستعار يقول لي موجود في المنتدى و أذا أنت عبدالرحمن و نسيت الرقم السري أدخل أميلك و من هالكلام
لاحظة بأن أكثر الأعضاء يسمون IS بالأميرة الصغيرة فقلت بجرب و أحط هالأسم وفعلا تم قبول الأسم تم تسجيلي بنجاح هذي قصتي مع الأسم و السالفة كلها أسم مستعار
ألأا انت مسمي نفسك "الدور السابع" هل معنتها أنك عمارة !!!!!!
لا تزعل أخوي هذي مجرد دعابه

عموما مشكوووووووووووور على مشاركتك

[أسيــــــر]

ألأا انت مسمي نفسك "الدور السابع" هل معنتها أنك عمارة !!!!!!

هههههههههههههههههههههههههههههههههههههههههههههههههه ههههههههههههههههه

الله يرجك هههههههههه

..

مشكلة هالمنتدى لا حروف انقليزي ولا ارقام الظاهر يعني ابلش بالعربي

الله يعين ^_^