[ولاشي]

السلام عليكم

بدون مقدمات ناوي اشتري موتر حق الاهل والصراحه انا محتار بين الهلكس وبين النفارا

وانا شخصيا اميل اكثر حق النفارا لعدة اسباب ومنها القوه والمواصفات وتمتاز بال6 تبديلات

وشكلها واشياء اخرى ولكن..... الخوف ان النفارا جديده بالسوق !!!

ولكن سبق وان مكينتها قد استخدمت من قبل في الالتيما من ناحية المكينه مااعتقد ان فيها خوف


سؤالي لو انتم بدالي ايش راح تختارون والاهم ليش؟؟؟

تحياتي

[عــــازف وتـــر]

والله وانا اخوك الاهل ماينفع لهم
بك اب يعني شوف سيارة صغيرة احسن
مثل الاكورد او الاوريون والكامري
هذي من وجهة نظري فقط

[ولاشي]

هلا اخوي عازف وتر
اول شي مشكور على الرد
و بيكب مااقصد الاهل يركبونه اقصد انه يستعملونه وانا بعد استعمل والحمدلله من ناحيه النقل لهم سياره خاصه

[عــــازف وتـــر]

طيب اذا كان كذا
القوة والفخامة والاداء نافارا
اما قطع الغيار والسعر عند اعادة البيع
الهلي ولا انا مكانك اختار النافارا لان انا من النوع
اللي مايفكر في السعر عند البيع ولا قطع الغيار
لاني ما اشتري سيارة عشان ابيع


يعني من وجهة نظري نافارا

[ولاشي]

يعطيك العافيه على الرد اخوي وننطر رأي الباقي واحترم وجهة نظرك

[متفائل بن فال]

النافارا يعيبها ضيق سعة التحميل للصندوق .وفي نفس سعة المقصورة يبدو لي أقل من سعة الهايلوكس وبشكل عام الهايلوكس أفضل من ناحية الوكيل وسعة التحميل للركاب والعفش .

[نسيم الروح]

هايلوكس .. والله يوفقك ..

[قطري رافع الراس]

شوف اخوي انا عندي في البيت هايلكس 2700 فل كامل موديل 2007 ماخذه وكاله والموتر زين
لكن بصراحه رحت وكالة النيسان اجرب البيك اب الجديد صراحه مافيه مقارنه بينهم والنيسان يتفوق لعدة اسباب
منها الشكل الخارجي احلى ومن الداخل احلى بمراحل وحتى تناسق الالوان النيسان يتفوق ووجود Abs واير باق
والمرايه فيها تضليل ومقياس للحراره ومن الداخل اكبر سعه من الهايلكس ويكفي الجير ست تعشيقات واشوفه اريف
من الهلكس في السواقه والمطبات .
وانت واختيارك يالغالي

[ولاشي]

المشاركة الأصلية كتبت بواسطة متفائل بن فال

النافارا يعيبها ضيق سعة التحميل للصندوق .وفي نفس سعة المقصورة يبدو لي أقل من سعة الهايلوكس وبشكل عام الهايلوكس أفضل من ناحية الوكيل وسعة التحميل للركاب والعفش .

مشكور اخوي على الرد من ناحية الضيق النفارا تمتاز بالوسع وليس بالضيق لاني ركبتها ورى

والمقصوره الله اعلم لاااعتقد انهما مختلفان في الوسع

تحياتي

[ولاشي]

المشاركة الأصلية كتبت بواسطة نسيم الروح

هايلوكس .. والله يوفقك ..

يعطيك العافيه على الرد بس يااخي العزيز ماذكرتلنا ليش؟؟؟

تحياتي

[ولاشي]

المشاركة الأصلية كتبت بواسطة قطري رافع الراس

شوف اخوي انا عندي في البيت هايلكس 2700 فل كامل موديل 2007 ماخذه وكاله والموتر زين
لكن بصراحه رحت وكالة النيسان اجرب البيك اب الجديد صراحه مافيه مقارنه بينهم والنيسان يتفوق لعدة اسباب
منها الشكل الخارجي احلى ومن الداخل احلى بمراحل وحتى تناسق الالوان النيسان يتفوق ووجود Abs واير باق
والمرايه فيها تضليل ومقياس للحراره ومن الداخل اكبر سعه من الهايلكس ويكفي الجير ست تعشيقات واشوفه اريف
من الهلكس في السواقه والمطبات .
وانت واختيارك يالغالي

مشكور اخوي( قطري رافع راسه) على الرد

واشكرك لذكرك الاسباب
وننتظر رأي البقيه
تحياتي

[الـــديـــم]

وعليكم السلام ورحمة الله وبركاته

اذا كنت بتاخذ ديزل النفارا افضل محركها أقوى من الهايلكس الديزل
لكن اذا بنزين الهايلكس افضل بكثير ولا في مقارنة اخوي
بداية كل السيارتين تصنع في تايلند
مكينة الهايلكس اقوى
قطع الغيار أرخص ومتوفرة للهايلكس
سعر إعادة البيع أفضل للهايلكس
الهايلكس أوسع من الداخل بكثير خصوصا المراتب الخلفية
والله يكتب لك اللي فيه الخير
تقديري..

[ولاشي]

المشاركة الأصلية كتبت بواسطة الـــديـــم

وعليكم السلام ورحمة الله وبركاته

اذا كنت بتاخذ ديزل النفارا افضل محركها أقوى من الهايلكس الديزل
لكن اذا بنزين الهايلكس افضل بكثير ولا في مقارنة اخوي
بداية كل السيارتين تصنع في تايلند
مكينة الهايلكس اقوى
قطع الغيار أرخص ومتوفرة للهايلكس
سعر إعادة البيع أفضل للهايلكس
الهايلكس أوسع من الداخل بكثير خصوصا المراتب الخلفية
والله يكتب لك اللي فيه الخير
تقديري..

يعطيك الف عافيه اخوي على الرد

من ناحية القوه الارقام تؤكد ان النفارا اقوى من حيث عدد الاحصنه والتورك

ومن ناحية الوسع الاخ قطري رافع راسه قال عنده هيلكس وشاف النفارا وطلعت اوسع...


من ناحية قطع الغيار صدقت سمعت انه غالي!!!

تحياتي

[الـــديـــم]

النافارا 160 حصان
والهايلكس 157 حصان
الفرق 3 أحصنة لكن أتحدى أن النافارا تطلع على الهايلكس
الهايكلس مكينتها 2700 والنافارا 2500

المتميز بالنافارا محرك الديزل قوي جدا بالاحصنة والتورك مقارنة بالهايلكس الديزل
ولك تحياتي..

[ولاشي]

المشاركة الأصلية كتبت بواسطة الـــديـــم

النافارا 160 حصان
والهايلكس 157 حصان
الفرق 3 أحصنة لكن أتحدى أن النافارا تطلع على الهايلكس
الهايكلس مكينتها 2700 والنافارا 2500

المتميز بالنافارا محرك الديزل قوي جدا بالاحصنة والتورك مقارنة بالهايلكس الديزل
ولك تحياتي..

هلا اخوي مشكور اخي العزيز على الرد مرة ثانيه وتجاوبك مع الموضوع

لتصحيح بعض الاخطاء النفارا 162 والهايلكس 158

هذا كلام الوكاله والله من ناحية مين يطوف الثاني والله مادري بصراحه!!!

وانا مومهتم وايد بالسرعه في الاخير كلهم بيك اب اهم شي يشلون اغراض

يعطيك العافيه

[الـــديـــم]

ولو أخي الكريم اخنا بالخدمة ونتشرف
وشكرا للتصحيح لخبطت بين الدتسن 160 والنافارا 162
تحياتي يالغالي..

[الهايم وهو نايم]

اشوف النافارا افضل من كل النواحي