[محمد بن عمر]

بسم الله الرحمن الرحيم توكلنا على الله وركبنا الشراع وهاذي صوره وعطونا رأيكم وأهم الشي النقد عشان نطلع بفائدة للجميع (قيمة الشراع 200 ريال) المحل اسمه الدوسري في الغرابي وتلقونه جاهز عنده والفرش تنزاني يعني كلام الكلام وانتم عارفين ازين نوع التنزاني فيه الصيني بس 160 ريال بس ما هوب زين
تفضلوا








وهاذي الهدية بياله شاهي بالربيع



والسلام عليكم ورحمة الله وبركاته

[رااااعيها]

الله يوفقك كنت محتاجه وبغيت افصل وخفت ما يضبط
لاكن ودي بنفس اللون الداخلي مهوب اجمل

[(النايف)]

مبرووووووووووووك ...

[أبو سرور]

ماشاء الله على البركه ..

تقطعه بالعافيه ..

عندي استفسار ..

فيه جيوب على الجوانب ؟

[حسونه]

ممتاز ممتاز
بارك الله فيك
وعندهم جيوب توضع جنب القير
أيضا حلوة

[علي بن عايض]

ماشاء الله تبارك الله

مناسب تماما

مشكور و الله يعطيك خير الموتر و يكفيك شره

[صاحب الفورتشنر]

ما شاء الله شغل 100%

تتهنى فيه

[نور الأعيان]

يعطيك العافية

مبرووكـ

[محمد بن عمر]

اشكركم على الردود والله يوفقكم
بالنسبة لأخوي ابو سرور نعم فيه جيوب على الجوانب وخلف المرتبة اللي مثبت فيها الشراع فيه جيب طويل

[الجفني]

اخوي محمد بن عمر


الفففففففففففففففففف مبرررررررررررررررررروك بصراحه ما شاء الله تبارك الله شغل حلو وتنزاني بعد ما شاء الله لكن عندي ملاحظه بصيطه الجوانب لو يكون فيه بلكاش يرفع القماش علشان ما يطيح اشوف ان الحبل ما يكون مشدود مثل البلكاش

وشكررررررررررررررررا

[الوشق]

ممتاز يا بو عمر

لكن

التانكي و الشراع

طريقة تثبيتهم مزعجة وكئيبة ومعطيه شكل مزعج
الاسلاك الصفر للتانكي و كذلك ربط الشراع بحزام الامان

هل فيه طريقة افضل للتثبيت

موفق

[العُلا]

ما شاء الله لا قوة إلا بالله .. زين انهم جابوه للفورتشنر وهو مهم ..

حقيقة تعبت وأنا أدور على هالشراع . . حاولت أفصل . .لكن ربي أكرمني بشراع خاص لجيب اللانكروزر والله وركبته وظبط معي تقريبا 90 % .. و الحمدلله مكفيني ووزود ومريحني .. أخذته ب170 ريال ,, تنزاني وشغل مرتب ..


اللي ما شرى الشراع ياخذ مثل الشيخ بو عمر ..

تحياتي
بو فهد

[الوشق]

سؤال ثاني يا ابو عمر

الخزان (( التانكي )) راكب داخل الشراع والا انا غلطان

[محمد بن عمر]

الجفني
الوشق
العُلا
تسلمون على الردود
اخوي الجفني بالنسبة لتثبيت التانكي انا ما ثبتته عبيته مويه وثقل ولا عاد يتحرك واسلاكه الصفر يمديك تشيلها والشراع ما هوب مشكلة تربيطه لكن ما فيه مكان تربط فيه لكن دور أنت وانا بدور مكان واللي يشوف منا المكان المناسب يبلغ الجميع عن طريق موضوع وشكراً لك وعلى اقتراحك انا من حطيت الموضوع وكان همي النقد عشان نطلع بفايدة والله يوفقنا جميعاً لما يحبه ويرضاه

اخوي الوشق نعم انا فرشت الشراع بالموتر وبعدين ركبت التانكي وركبت العزبة وطلع أحلى كلام

[شيخ الصحاري]

تسلم وبيض الله وجهك على الموضوع الممتاز

وكم تكلفة التانكي؟ومن وين؟ وهل هو خاص بالفورتشنر؟

وكم رقم تلفون الدوسري "محل الشراع"؟

واعذرنا على كثرة الاسئلة..........

.:::والسلام خير الختام:::.

[محمد بن عمر]

تكلفة التانكي 560 ريال من عند ذيب الصحراء بشارع العليا العام السوق اللي مقابل العويس من جهة الشمال ادخل جوا السوق وتلقى المحل على يمينك وبالنسبة للتانكي مصمم لجميع السيارات وليس لسيارة معينة .
رقم التلفون حق الدوسري ما أعرفه لكن بوصف لك المحل تعال طال عمرك للغرابي وإذا جيت عند حقين الخيام رح مع الشارع اللي يطلعك على شارع البطحاء العام امش شوي وانت في نفس الشارع بتقلى محل على يسارك زاوية يفتح على شارع ضيق جداً وواجهات المحل غربي شمالي ولوحته تراها صغيرة .

[الوشق]

ابو عمر كيف الحال
انا مريت على الدوسري واخذت الشراع
لكن احس انه اكبر شوي من المطلوب
وش رايك
طبعا بعد المفاصالات واني جاي مخصوص لها المحل اخذته ب 170