[عـبـدالـرحـمـن]

كيفكم اخواني الغالين
أول شي السلام عليكم ورحمة الله وبركاته
الشي الثاني انا قررت اشتري لكزس بانوراما

وهالقرار ما تم الا بعد حيرة تمت 8 شهور تمت فيها المقارنة بين لكزس وسيارات اخرى

بعضها مقارنات عادلة والأخرى جائرة

على كل بغيت منكم خلاصة تجربتكم في قيادة es تلخصون فيها (( ابرز )) عيوب هالسيارة

- اذا عندكم خلفية بعد عن بعض اسعار قطع الغيار ياليت تفيدونا ولكم مني جزيل الشكر

[مبتكر]

والله وانا اخوك اقولها بكل صراحة عندي اصوات في الديكور الأمامي ومكانها ديكور فتحات المكيف اللي في الوسط واصوات في الأمام تطلع من أغطية السماعات الأمامية فوق الطبلون ومو بس انا , ممكن اغلب الشباب تطلع عندهم الاصوات ..

وتسمع صوت الهواء بعد 100 كيلو وليس تنسيم ..

ومن ناحية المواصفات رائعة جداُ ..

[اسير الذكرى]

اخي عبدالرحمن

واخوكـ مشعـل بنفس الحيرة والى الآن ما اتخذت قــرار بخصوص الشــراء

انا لم اجربها وسيـاره من الداخل جدا رائــعه

والمقــدمــه كذلك

بس من الخلـف اشــوف شكلها ليس جميــل ..

ومــاني عــارف ايش البــديـل ممكن (تـاهـو),,,

ان شــاء الله أهــل الخبــره يفيــدونك ويفيـدونـي

[مـوال]

السياره رائعه وبالنسبة الى الاصوات من وسط الطبلون فهي بسبب السبيكر .. رح للوكاله ويصلحونها لك ..
اما الهواء فحدث ولا حرج خاصه بعد 100 كم والسبب يقول لك المرايات الخارجيه تسمع الصوت ؟؟! بس السيارة حلوه للي مو مدقق مره يعني خذ وخل

[الـسـلـطـان]

بالنسبه اللصوت من الديكور الامامي انا وضعت حل دائم للمشكله ما ادري اذا شايفينه الشباب او لا


السياره بشكل عام من ممتاز الى فوق الجيد جدا يعني من ممتازه جدا ولا تنزل عن الجيد جدا


من ناحية المشاكل الحمد لله لم تواجهني اي مشكله من شريت السياره تقريبا قبل سنه ونص كل الي يتغير زيت وفلتر وفحمات .....

اما المشاكل الثانويه انحلت والحمد لله وليست تذكر....


هذا الي اقدر اقوله ...



اتمنى اكون افدتك...

[مـوال]

المشاركة الأصلية كتبت بواسطة الـسـلـطـان

بالنسبه اللصوت من الديكور الامامي انا وضعت حل دائم للمشكله ما ادري اذا شايفينه الشباب او لا


السياره بشكل عام من ممتاز الى فوق الجيد جدا يعني من ممتازه جدا ولا تنزل عن الجيد جدا


من ناحية المشاكل الحمد لله لم تواجهني اي مشكله من شريت السياره تقريبا قبل سنه ونص كل الي يتغير زيت وفلتر وفحمات .....

اما المشاكل الثانويه انحلت والحمد لله وليست تذكر....


هذا الي اقدر اقوله ...



اتمنى اكون افدتك...

ما هي المشاكل التي واجهتك ؟ وكيف تمكنت من حلها؟

[طارق البدر]

السياره رائعه بكل ماتعنيه الكلمه وزنها على حجمها جدا رائع وزنها مثل وزن الافالون يعني اثقل السياره وارسى وفخامه ومريحه في المطبات ناعمه جدا ورومنسيه اضاءاتها الداخليه خلابه جدا انا معي اقل نوع ولله الحمد لم تواجهني مشاكل تذكر

انا دائما انصح بالنوع الأقل للي اهتماماته الاستخدام وراحة البال اما الشخص اللي نقيشن وخرايط ودي في دي وسقف اسود زجاجي هذا شي يرجع للشخص انا أرى ان سعر البانوراما فيه مبالغه واضحه

نوعية الجلد والديفي دي والنفقيشن والكاميرا الخلفيه يصير الفرق بينها وبين اقل نوع اكثر من 30 الف والله قويه بصراحه 170 الف واجد على سياره بهالحجم والمواصفات بصراحه اقل نوع تستاهل


وانا اوجه سؤال لأصحاب الفل هل تستفيدون بشكل واضح من الديفي دي والكام الخلفي والنفقيشن يعني كل ماركبت السياره تستفيد من هالاضافات لاني وبكل امانه شفت كثير مقفل الشاشه وهو يسوق السياره ؟

اتمنى لك التوفيق يا اخي العزيز

[راعي الكزس اي ا]

المشاركة الأصلية كتبت بواسطة مبتكر

والله وانا اخوك اقولها بكل صراحة عندي اصوات في الديكور الأمامي ومكانها ديكور فتحات المكيف اللي في الوسط واصوات في الأمام تطلع من أغطية السماعات الأمامية فوق الطبلون ومو بس انا , ممكن اغلب الشباب تطلع عندهم الاصوات ..

وتسمع صوت الهواء بعد 100 كيلو وليس تنسيم ..

ومن ناحية المواصفات رائعة جداُ ..

والله حتى أنا عندي نفس هال أصوات إلي يطلع عندك! كيف أعالجها ؟

[عـادي]

استفسار ياشباب صوت الهواء في موديلات 2008 أو 2007 أو كلها

[مبتكر]

المشاركة الأصلية كتبت بواسطة الـسـلـطـان

بالنسبه اللصوت من الديكور الامامي انا وضعت حل دائم للمشكله ما ادري اذا شايفينه الشباب او لا


السياره بشكل عام من ممتاز الى فوق الجيد جدا يعني من ممتازه جدا ولا تنزل عن الجيد جدا


من ناحية المشاكل الحمد لله لم تواجهني اي مشكله من شريت السياره تقريبا قبل سنه ونص كل الي يتغير زيت وفلتر وفحمات .....

اما المشاكل الثانويه انحلت والحمد لله وليست تذكر....


هذا الي اقدر اقوله ...



اتمنى اكون افدتك...

أخوي هنا الحل اللي انت وضعه من قبل ..
مشكلة في صوت الديكور الأمامي !!
--------

وانا ذكرت المشكلة لان الأخ سألنا عن بعض العيوب في السيارة ..

[الهزيم]

بسم الله الرحمن الرحيم
اخوي الله يباركلك في السياره اللي بتشتريها انشالله مهما كانت .
وحط في راسك حاجه ما في سياره في العالم كامله مهما كانت مواصفاتها يوجد فيها عيوب
طبعا كل ما ارتفع سعر السياره قلت عيوبها
انا معي سيارتي راح تكمل معي حوالي 9 شهور واللهم لك الحمد طبعا مرت علي كل العيوب اللي قالوها الشباب لكن لم تكن لي تعني لي اي شي الحمد لله في السياره حاجات تنسيك عيوبها مثلا يقولون صوت الهوا تسمعه بعد 100 تدري يالله اسمعه بعد 160!!! .....وتدري ليش تسمع صوت الهوا ليش انه صوت المحرك من اهدا ما يمكن
اقسم بالله انه اهد من صوت الbmw 745 ليش اني راكبها وسايقها بنفسي في زواج اخوي طبعا استأجار
اذا كنت صامل على السياره توكل على الله واعقلها السياره جمييييييله جدا جدا جدا......

[علي إسماعيل]

والله ياخي السيارة ماعليها كلام أبدا وفيها كم مشكلة بس عادي ماتفرق عندي:
1- صوت الهواء بعد 120كم وهذا طبيعي بعد مافهمته من كلام الأخوان.
2- مشكلة الشمعات الأمامية وهي إذا صارت حارة تنطفي والوكالة مالقت لها حل,والحل أنك تطفي النور وترجع تفتحه ويكون زي الحلاوة.
وأنا مو متحسف أبدا على كل فلس دفعته لأنها سيارة تسوي وتأكد أنك بترتاح منها, والسلام عليكم ورحمة الله

[امبراطور لكزس]

المشاركة الأصلية كتبت بواسطة مـوال

السياره رائعه وبالنسبة الى الاصوات من وسط الطبلون فهي بسبب السبيكر .. رح للوكاله ويصلحونها لك ..
اما الهواء فحدث ولا حرج خاصه بعد 100 كم والسبب يقول لك المرايات الخارجيه تسمع الصوت ؟؟! بس السيارة حلوه للي مو مدقق مره يعني خذ وخل

نفس الشئ يصير عندي <*****<*****وقاهرين مررررهـ

ياليت نلاقي حل او اكلم الوكالهـ






وفيه يا شباب صوت في الكرسي الراكب مادرى اذا عند احد مثلى اذا وطيت عيون القطط ....

[عـبـدالـرحـمـن]

الله يعطيكم العافية يا اخوان
بس بصراحة كل العيبين اللي ذكرتوا كانت مضايقتني في سيارتي السابقة


لكن ياليت احد يفيدنا اذا بيتغير شكل السيارة خلال 5 سنوات

[اسير الذكرى]

طيب عندي ســؤال بعد اذنك صاحب الموضوع

في سيــارة قريبه أو بنفس سعـر es350 وفيها تقريبا نفس مواصفاته؟؟

ياليت احد يجاوبني

[طارق البدر]

البديل اتوقع انه يوكن دينالي ولو يكون ابيض بعد يصير حركه

او انفنتي q45

اذا كنت تبي تاخذ بانوراما

اما اذا كنت بتاخذ فئات اقل من البانوراما بعد انصحك باليوكن اذا الحجم مايشكل لك اي مشكله يعني اليوكن فيه فئات مثل اللكزس يمكن ثلاث فئات الابيض خطير بصراحه خصوصا مع الجنوط الكروم

بصراحه الدينالي جبــــــــــــــــــــار انا معجب فيه مره وبمواصفاته يمكن سعره 175 الف

طبعا انا اتكلم عن الحجم العادي مو xl

بس تبي الصدق يا مشرفنا الغالي وكيل لكزس وشركة لكزس افضل في التعامل

والله اعلم