[محبوب أفالون]

بسم الله الرحمن الرحيم:
كيف حالكم:
عندي معلومة سمعتها وابي رايكم اذا كانت صحيحة ولا لا اذا خلصت عليك بطارية الريموت لايمكن تشغل السيارة صح بس يقولون قرب المفتاح الى زرالتشغيل واضغط على البريك 10 ثواني بعدين تولع اللمبة بعدين شغلها وش رايكم ياشباب.

وعندي ملاحظة مهمة جدا جدا جدا برى الموضوع:
انتبهوا من راعيين البنزين انت تظن يصبلك95 وهو يصبلك91 انة ارخص وكلة لزقة 95-91 وهو الاصل خزان واحد فية بنزين الارخص 91 وشكرااا واسف على الاطالة.

[*ابوفهد*]

حياك الله اخوي

فعلا المعلومة صحيحة و هذه الملاحظة تجي مكتوبه على ورقة معلقة على القير

و مشكور على النصيحة

[هاوي الافالون]

اخوي خذ لك حجر احتياط وحطوة بالدرج ومتى ماخرب عليك الريموت غير الحجر وريح عمرك
انا اول ماشريت سيارتي اخذت لي حجر وحطيتوة بالدرج احتياط
لئني اذكر واحد معوة افالون 2006 ووقف عند محل الظاهر بالرياض وطلع وحاول يشغل وعيت تشتغل ولا يدري وش السالفة وخلاة 3 ايام واقفة عند المحل وبعدة اخذة بسطحة للوكالة واخرتة صارت الدعوى حجر بعشرة ريال
واخوي بعد صارت معوة بس قعد يحبرش بالريموت ومادراء الايوم اشتغلت اللمبة وشغل السيارة وطلع على محل تصوير واخذ خمس حجار وحطهن بالسيارة

وبالنسبة للبنزين دايم تصير اغلب المحطات يسوونة

واسف على الاطالة

[عا افالون شق]

بالنسبه للطريقه انا ماني متأكد

بس فكرهـ الحجرر انا حاطه في الدرج من زمــان



بس ابسألكم بخصوص البنزين
وشلوون اتأكد انه 95؟؟؟؟

افيدوناااا

[الباااااريسي]

البطارية اذا خلصت كلامك صحيح لما تقرب الريموت ناحية زر التشغيل راح تشتغل السياره وهذا مكتوب في دليل المالك

اما عن البنزين فأقولها لك صريحة إطمئن و ارقد وآمن لان كثير من المحطات وخاصة في الرياض تمت مراقبتها وفحص خزانات الوقود فيها ومعايرته من قبل الجهات المختصة
وراح تلاحظ في بعض المحطات تم وضع ستيكر صغير على مكينه سحب البنزين يفيد انه تمت معايره البنزين والتاكد من نوعه

ماحد يتجرا من اصحاب المحطات يغش بهذي لان الفرق شاسع بين سعر البنزين91 و95 واذا تعرف اي محطه سوتها هات اسم المحطه واثبت هذا الشي والله راح يتعاقب عقوبه صارمه مع الغرامة

[بنت الخران]

معلومات جمييله منكم


الله يعطيكم العافيه

[أبو ريان]

بالنسبة لبانزين 95 و 91 تقدر تفرق بينهم بسهولة عن طريق لون البانزين 91 يكون اخضر .... 95 يكون احمر

واذا عبولك بانزين 91 في سيارة ما تقبل بانزين اقل من 95 .... راح تحس علطول بضعف في العزم وطقطقه في المكينة

------


بالنسبة لوضع البطاريات في درج السيارة .... ما اتوقع لها فايدة ... لأن البطارية مع الحرارة والتخزين الخاطئ تخرب، وبعدين تقدر تستخدم السيارة بدون احجار في الريموت .... يعني ما عليك خوف من انتهاء البطارية

[الكنــــــــج]

السلام عليكم الفت نظر الجميع الى ملاحظة مهمة لم يشر لها احد ******####
وهي انه يجي نور احمر صغير في الريموت(يجب التركيز في الريموت من فوق جهة اليمين)) عند الضعط على احد الازرار في الريموت وهو خاص بمقدار الطاقة المتبقية في بطارية الريموت والذي لا يشاهده في الريموت الخاص به معناه ان البطارية تحتاج الى تغيير وبالنسبة لباقي الا سئلة فقد كفي الاخوان ووفوا .
تحياتي للجميع

[الحـ(درب)ـب]

بالنسبة للريموت

في شي مهم
ترى تقدر تشغل السيارة بهذي الطريقة فقط
لمدة 3 ايام كحد اقصى

بعد كذا ماتشتغل إلأ إذا ركبت بطارية جديدة

[هاوي الافالون]

المشاركة الأصلية كتبت بواسطة أبو ريان

------


بالنسبة لوضع البطاريات في درج السيارة .... ما اتوقع لها فايدة ... لأن البطارية مع الحرارة والتخزين الخاطئ تخرب، وبعدين تقدر تستخدم السيارة بدون احجار في الريموت .... يعني ما عليك خوف من انتهاء البطارية

من اللي قايل لك المعلومة ياابوريان
ووشلون تشتغل السيارة بدون حجار

[عا افالون شق]

المشاركة الأصلية كتبت بواسطة أبو ريان

بالنسبة لبانزين 95 و 91 تقدر تفرق بينهم بسهولة عن طريق لون البانزين 91 يكون اخضر .... 95 يكون احمر

واذا عبولك بانزين 91 في سيارة ما تقبل بانزين اقل من 95 .... راح تحس علطول بضعف في العزم وطقطقه في المكينة

------

هلا ولله ابو ريان

كلناا نعرف ان لوون ال 95 احممر
بس وشلوون نفرق (( صراحه كلامك غريب يعني تبيني انزل واعبي البنزين في قوطي مويه واعرف لوونه )) ياخي مثل ماهوو معرف الواحد يتربع على المرتبه ولا ينزل وزين كانه طفى السياره انا ابي افرق بشكل المكيينه البنزين .


ومعليش كاني قلّت من كلامك ....

[عمليات]

كيف شكل البطاريه حقت الريموت عشان أشريه ووش نوعه وقوته؟

[أبو ريان]

المشاركة الأصلية كتبت بواسطة الحـ(درب)ـب

بالنسبة للريموت

في شي مهم
ترى تقدر تشغل السيارة بهذي الطريقة فقط
لمدة 3 ايام كحد اقصى

بعد كذا ماتشتغل إلأ إذا ركبت بطارية جديدة

هلا درب الحب ....

صراحة اول مرة اسمع عن حكاية 3 ايام !!!

مشكور على التنبيه

المشاركة الأصلية كتبت بواسطة هاوي الافالون

من اللي قايل لك المعلومة ياابوريان
ووشلون تشتغل السيارة بدون حجار

انا مجرب الطريقة .... الآن فك بطارية الريموت، ورح للسيارة وافتحها بالمفتاح اليدوي، بعد كذا حط الريموت على زر التشغيل (خل شعار تويوتا يلامس الزر) ... أضغط بريك (فرامل) .. تلاحظ زر التشغل صار أخضر ... اضغطه تشتغل السيارة معاك

تحياتي لك ..

المشاركة الأصلية كتبت بواسطة عا افالون شق

هلا ولله ابو ريان

كلناا نعرف ان لوون ال 95 احممر
بس وشلوون نفرق (( صراحه كلامك غريب يعني تبيني انزل واعبي البنزين في قوطي مويه واعرف لوونه )) ياخي مثل ماهوو معرف الواحد يتربع على المرتبه ولا ينزل وزين كانه طفى السياره انا ابي افرق بشكل المكيينه البنزين .


ومعليش كاني قلّت من كلامك ....

خخخخخخخخخ

تخيل معاك قارورة كل محطة تتأكدت هو احمر او لا

لكن غالبا إذا أخذت اللي (الخرطوم) من الطرمة ... ينزل منه بانزين على الأرض ... تقدر تشوف لون البانزين بشكل واضح

انا انصح بشدة يا طويل العمر انك تعامل محطة تثق فيها ... وتصير تعبي منها دايما ... ويفضل لو تكون شركة مشهور مثل الدريس... نفط ... وقود السعودية ... وغيرها من الشركات المعروفة...

[عا افالون شق]

ابوريان


توضيحك شااافي ووافي
تحياتي القلبيه لكـ

[+الـمـلـكـة+]

انا انصح بشدة يا طويل العمر انك تعامل محطة تثق فيها