[عــــازف وتـــر]

السلام عليكم ورحمة الله
انا عندي فورتشنر 6 سلندر
امس كان تمام
لكن اليوم السبت مدري ايش فيه
المهم هو 5 نمر اليوم يعشق لين النمرة الرابعة
والقير على D ماهو على ال 4

افيدوني يا اخوان
جزاكم الله خير

[ابوبطي]

السلام عليكم

كلامك صحيح

عليشان القير بدأ بالتعشيق الثاني(كل السيارات)
جرب مره اخرى وتاكد اذا كان في الاول

[زنقور]

انصحك نصيحه اكشف عليها عند مكانيكي مختص وفنان عشان لا تكبر العطل ويصير فيه مشاكل في المكينه

[عــــازف وتـــر]

مشكور اخوي زنقور و ابوبطي
فيكم الخير وماقصرتو
واشكر جميع الاخوان اللي دخلو ولا ردوا
وانا طالب الفزعة من اخواني في المنتدى
لكن لاحياة لمن تنادي

[سعدطاهر]

امش على السيارة 120 كلم \ساعة على خط متساوي مظبوط واذا عداد الضغط حق الماكينة على 2 ترا موترك مافيه شي واذا عداد الضغط اعلى من 2 بيصير موترك فعلا مابدل للنمرة الخامسه رح اكشف عليه

[عــــازف وتـــر]

مشكور اخوي سعد طاهر
بس عداد الضغط على 2ونص عند 120

[أبو عبدالرحمن خ]

يا اخوي ليس كل من دخل الموضوع يعرف حل لمشكلتك لن يرد الا لمن يستطيع افادتك بشيء يفيدك والاخوان لن يقصروا باي شيء يعرفونه

بالنسبة لمشكلتك انا رأيي لا تتعبث فيها اذا هو جديد فالوكاله على طول لان المشكله ظاهره ولا تحتاج فلسفه

واذا هو مو جديد فاقرب ميكنيكي متخصص بالقير الاتو لان هذي الاشياء لا يتهاون فيها فتصبح المشكله مشكلتين

هذا رايي وان شاء الله تنحل مشكلتك قريبا وفقك الله

[دبرم]

ماعندي اجابه الان الاخوان كفو و وفو ( روح لميكانيكي ) وخلاص

رديت عليك عشان ماتزعل

الله يعطيك العافيه

[الخل الوفي]

المشاركة الأصلية كتبت بواسطة عــــازف وتـــر

مشكور اخوي سعد طاهر
بس عداد الضغط على 2ونص عند 120

إذا كان دوران المحرك على 2500، عند الـ 120 كلم/س فهذا يعني أنه على القير الخامس، لكن الأوفر درايف ماهو شابك. يعني عندك مشكلة في الأوفر درايف وليس في القير الخامس. إذا كان على الرابع كان دوران المحرك على الـ 3000 وفوق، وليس 2500.

[يالله من فضلك]

أبو الخل
ممكن شرح بسيط لسالفة الاوفر درايف
كيف السيارة في الخامس والاوفر مايشتغل
انا اذكر السيارات التوماتيك الاربع نمر فيها اوفر درايف جنب القير
دايما مضغوط والسيارة تمشي بالرابع واذا فكيته ثالث
ممكن شرح بسيط لو تكرمت
وكيف ممكن اتحكم في الاوفر درايف
مشكور مسبقا

[أبو عبدالرحمن خ]

المشاركة الأصلية كتبت بواسطة يالله من فضلك

أبو الخل
ممكن شرح بسيط لسالفة الاوفر درايف
كيف السيارة في الخامس والاوفر مايشتغل
انا اذكر السيارات التوماتيك الاربع نمر فيها اوفر درايف جنب القير
دايما مضغوط والسيارة تمشي بالرابع واذا فكيته ثالث
ممكن شرح بسيط لو تكرمت
وكيف ممكن اتحكم في الاوفر درايف
مشكور مسبقا

ننتظر يا ابو الخل

[عــــازف وتـــر]

السلام عليكم
مشكورين اخواني جزاكم الله خير

1 ابو عبدالرحمن
2 الخل الوفي صحيح اليوم دققت تمام وطلع عداد الضغط 3
3 دبرم فيك الخير ماتقصر

مشكورين جميعا على مروركم العطر

على فكرة وديت السيارة الوكالة اليوم