[ابوفيصل966]

يوم الخميس كنت في الغرابي والصراحه خذت فكرة سريعة عن الاطارات الموجودة الطلب صراحه كان بشكل كبير على ميشلان لكن 2008 منقطع عن السوق ومافيه الا 2007

بالنسبة للاسعار 450 للتويو وبريجستون 560

المهم بعد ماخذت لفه بتتفاجئون وش رسيت عليه شريك اطار فالكون الاطار لين جدا اكثر من ليونه التويو والبرجستون بالاضافة الإطار فيه زوايد تحمي اطراف الجنط طبعا الكفر اعرض من المقاس الحالي ومقاسه 225/55/17

سعر الاطار كان 450 وتاريخ 3/2008 الاطار جربته على سرعة 160 وكان جدا جميل وهادئ فعلا على المطبات

تحياتي

[بندر بن سرور]

ابوفيصل الف الف الف مبروووووووووووووووووووووك

وعندي سؤال انت ركبته في محل بن عبدالعزيز صح ؟؟؟

شوفتك بالصدفة بلاميعاد بس ماعرفتك ههههههههههههههه

انت مغير الكفر يوم امس صح بعد العشاء تقريباً الساعة 10 م

اذا كان الجواب نعم فأنا كنت في نفس المحل بس سيارتي ماكانت معي

وتقبل تحياتي وهاه كيف الكفرات ان شاء الله طيبه

[ابوفيصل966]

ماشاء الله عليك صحيح والله لا تقولي انت اللي كنت لا بس ثوب وبدون شماغ صح والا لا وبعدين وش كان عندك هناك والكفرات صراحه حلوه بس يبيلها ترصيص ارضي فيها رجه بسيطة

[بندر بن سرور]

هههههههههههه ايه ابوفيصل انا تصدق بغيت اسولف معك

هذا المحل اللي ركبت عنده كفرات تويو ويوكوهاما الرجل طيب راعي المحل عبدالله

انا هذاك اليوم لفيت الغرابي لف مشي على الاقدام ادور ميشلان وماحصلته الاعند محل وتاريخ قديم شهر 5 سنة 2007

بصراحة بعد ماشفتك ركبت الكفر اقتنعت فيه لين جداً تراه من الين كفر بالسوق والف مبروك
الله يعطيك خيرها ويكفيك ضبط عليها ماشاء الله ومو مشكلة الترصيص واجب بعد تركيب الكفر
والترصيص الارضي ممتاز وكذلك اللي بالكمبيوتر مثل اللي في الطيار ولكن الارضي لسرعات عالية 160 فوق
الف مبروك لو ادري انك انت كانت جلسنا نسولف ونكمل نقاش الاطارات
فرصة سعيدة جداً يابوفيصل وتقبل تحياتي الخاصة


شرها

[ابوفيصل966]

الله يبارك فيك والله انا اسعد بس عاد ماكانت فرصة كاملة يالحبيب كان ودنا جالسين مع بعض لكن سبحان الله القلوب على بعضها ذكرتني وذكرتك على ان الموقف مدته ثواني لكن يالله خيرها بغيرها على العموم.

[بندر بن سرور]

القلوب تتكلم زي مايقولون هههههههههه
دائما اطباء النفس يقولون ممكن تقابل واحد واول مره تشوفه وتقول كأنك تعرفه من زمان وتحس ان سبق وان قابلته
ولكن في الحقيقة انك اول مره تقابله
وسبحان الله اول ماشفت السيارة قلت زين خلني اشوف وش يبي يركب واحصله فالكون بصراحة ماشاء الله

فالكون المقاس انت ركبت وساده قطن ماشاء الله تبارك الرحمن الله يبارك لك فيه واسأل الله ان يعطيك خيرها

وتقبل تحياتي

[ابوفيصل966]

صدقت في كلامك لكن عجبتني وسادة قطن خخخخ

[بندر بن سرور]

لا ماشاء الله انا اقولك هذاك اليوم وقبله شغال بس افحص ضغط الكفرات بكل الماركات
اي اضغط الكفر بيدي اشوف اللين فيهم والين كفر

الين كفر رقم 1 فالكون واللي بعده ماشره تويو والي بعد التويو دنلوب واللي بعد دنلوب ميشلان واللي بعد ميشلان يوكوهاما واللي بعده بريجستون

وش رايك هذا من تجارب الايام الماضية

وتحياتي

[الجـــوال]

الحقيقة يا أخوان أنا تذكرت المثل اللي يقول : " ما حك جلدك مثل ظفرك "
طبعا انا أقصد بالمثل اللي فوق ، ان تويوتا أعرف من الكل بنوعية الكفر الأنسب لسيارتهم بناءا على تجارب عملية ونظرية وخبرات سنين من العمل الدؤوب ، ومع شديد احترامي لكل آراء الأخوان أو البناشر أو وكالات الإطارات أو حتى هوامير الكفرات زي ما قال واحد من الأخوان ، الا أني أميل لأختيار شركة تويوتا ، إطارات تويو ، ولا أعتقد ان شركة تويوتا بعد الكرم والسخاء الكبير الذي اصبغته على الفرع الفاخر لها اعني " لكزس " سوف تبخل عليها بإطارات أفضل أو أنسب حتى لو كانت غالية جداً ، لذلك أنا عندي قناعة تامة بأن الكفر الذي أختارته الشركة الأم هو الأفضل ، طبعا ولا يهونون الربع كلهم اللي فوق ، لكن وجهة نظر شخصية .

[ابوفيصل966]

المشاركة الأصلية كتبت بواسطة الجـــوال

الحقيقة يا أخوان أنا تذكرت المثل اللي يقول : " ما حك جلدك مثل ظفرك "
طبعا انا أقصد بالمثل اللي فوق ، ان تويوتا أعرف من الكل بنوعية الكفر الأنسب لسيارتهم بناءا على تجارب عملية ونظرية وخبرات سنين من العمل الدؤوب ، ومع شديد احترامي لكل آراء الأخوان أو البناشر أو وكالات الإطارات أو حتى هوامير الكفرات زي ما قال واحد من الأخوان ، الا أني أميل لأختيار شركة تويوتا ، إطارات تويو ، ولا أعتقد ان شركة تويوتا بعد الكرم والسخاء الكبير الذي اصبغته على الفرع الفاخر لها اعني " لكزس " سوف تبخل عليها بإطارات أفضل أو أنسب حتى لو كانت غالية جداً ، لذلك أنا عندي قناعة تامة بأن الكفر الذي أختارته الشركة الأم هو الأفضل ، طبعا ولا يهونون الربع كلهم اللي فوق ، لكن وجهة نظر شخصية .

معلومة اخوي الجوال المسالة لا هي كرم ولا شي بخصوص التويو وكيلها حسب ماعرفت عبداللطيف جميل والباقي عاد انت تفهمه

[الجـــوال]

أخوي أبو فيصل 966
وجهة نظرك احترمها وعلى عيني ورأسي والله .
لكن السيارة تنزل في جميع دول العالم بإطارات تويو ، يعني أبو جميل ما له شغل بباقي الدول ، مثلا أمريكا تنزل فيها الكزس ES350 بنفس نوع الإطارات اللي عندنا ، والمعروف ان مبيعات ولاية واحدة من الولايات الامريكية توازي مبيعات دول الخليج مجتمعه ، يعني أغلب شركات السيارات العالمية تعمل للسوق الأمريكي ألف حساب لأنه السوق الأكبر في العالم للسيارات بدون منازع ، وطبعا في أمريكا ما عندهم ابو جميل ولا احتكار ابوجميل وامثاله ، ومع ذلك نزلوا نفس الإطار للكزس ، اللي ابغى أوصل له هو ان الشركة المصنعة بشكل عام ولكزس بشكل خاص غالبا ما تكون أدرى بنوعية الإطارات المناسبة لإنتاجهم من السيارات ، طبعا ليس معنى ذلك ان الشركات الأخرى من الإطارات لا تصلح أو أنها ليست جيده ، أنا أقول أن اختيار الشركة المصنعه هو الأنسب حتى من الناحية المادية فالشركة المصنعة تضع في اعتبارها القيمة المادية للإطار حرصا على سمعتها ، وأكيد ان شركة تويوتا من أكثر الشركات حرصا على سمعتها ، أرجوا أن تكون وصلت المعلومة لك ياأخي الكريم ولباقي الأخوان .

[ابوفيصل966]

المشاركة الأصلية كتبت بواسطة الجـــوال

أخوي أبو فيصل 966
وجهة نظرك احترمها وعلى عيني ورأسي والله .
لكن السيارة تنزل في جميع دول العالم بإطارات تويو ، يعني أبو جميل ما له شغل بباقي الدول ، مثلا أمريكا تنزل فيها الكزس ES350 بنفس نوع الإطارات اللي عندنا ، والمعروف ان مبيعات ولاية واحدة من الولايات الامريكية توازي مبيعات دول الخليج مجتمعه ، يعني أغلب شركات السيارات العالمية تعمل للسوق الأمريكي ألف حساب لأنه السوق الأكبر في العالم للسيارات بدون منازع ، وطبعا في أمريكا ما عندهم ابو جميل ولا احتكار ابوجميل وامثاله ، ومع ذلك نزلوا نفس الإطار للكزس ، اللي ابغى أوصل له هو ان الشركة المصنعة بشكل عام ولكزس بشكل خاص غالبا ما تكون أدرى بنوعية الإطارات المناسبة لإنتاجهم من السيارات ، طبعا ليس معنى ذلك ان الشركات الأخرى من الإطارات لا تصلح أو أنها ليست جيده ، أنا أقول أن اختيار الشركة المصنعه هو الأنسب حتى من الناحية المادية فالشركة المصنعة تضع في اعتبارها القيمة المادية للإطار حرصا على سمعتها ، وأكيد ان شركة تويوتا من أكثر الشركات حرصا على سمعتها ، أرجوا أن تكون وصلت المعلومة لك ياأخي الكريم ولباقي الأخوان .

اسمح لي عاد هذي مااوافقك فيها الكفرات اللي مستخدمه في اللكزس ميشلان والصوره هذي ماخوذه من موقع لكزس وتقدر تتاكد بنفسك

[بانوراما ابيض]

هذا أول رد لي لأني شريت بانوراما وإلى الآن ما استلمتها المهم كان عندي كابريس 2002 ltz كان فيه صوت وحة غريبة عند سرعات من 40 ألى 80 تقريبا دخلته الوكالة عند بالبيد وقالي الموظف غير الكفرات وكانت بصراحة ( يوكوهاما ) أنا مافهمت قصده رحت وغيرت نفس الكفر (((((( حق بلده ))))) ونفس الوحة موجودة بعده بثلاثة شهور غيرت بيرجستون وراحت الوحة ونفس الهرجة عند واحد معاه(( أوبل )) ..... وقبل مأشتري اللكزس طلعت مع واحد معاه 2007 بدون بانوراما وسمعت نفس الوحة اللي سمعتها في الكابريس وعرضت عليه تغيير الكفرات لبرجتسون أو ميشلان وماراح تندم.

[بندر بن سرور]

اخوي الحبيب اذا دخلت موقع Tire Rack - Your performance experts for tires and wheels الخاص بالاطارات

وادخلت نوع السيارة Tires for 2008 Lexus ES350

وطلبت النوع الاصلي اللي يجي عليها من الوكالة للاسف لن يظهر لك تويو راح يطلع ميشلان وبريجستون وللمعلومية
النوعين غير متوفرة في السعودية اقصد نوع الاطار


النتيجة هنا

[بندر بن سرور]

ونصيحة من اخ محب لكم ومجرب لاكثر من نوع

ابتعد كل البعد عن دنلوب مقاس 215\55\17 اللي هو spt230 مقاس الوكالة راح تندم لو ركبته صوت قوي
تبي تعرف وش الصوت مثل صوت كفرات الجيوب العريضه اللي كل مازدت السرعة يزيد الصوت
ركبته وفكيت بعد ربع ساعة بخسارة 300 ريال
سرعته V والوكالة تويو يجي W

ابتعد يوكوهاما صحيح ياباني انا اتكلم عن مقاس 215\55\17 ليش قاسي ولكن بدون صوت عيبوبه مايوقف لاسمح
الله في الفرامل المفاجاءه كفانا الله واياكم شر الحوادث وكذلك لايمسك السيارة ناعمه وقاسي والسبب السلك زائد فيه
سرعته V والوكالة تويو يجي W

لاتصدق راعي المحل مثل ماذكر اخوي الجوال فهدفه الكسب المادي فقط دون ادنئ مسؤولية

سوموتومو لين بس كفر اسميه ابو التحبيل والتنسيم بدون سبب لاينصح ابداً بأستخدامه على لكزس

البريجستون كفر مايحتاج ولكن عيبه الوحيد فقط قاسي والباقي توب توب النوع ER33
وكذلك GR80 ولكن مادري لونقص الهواء ممكن يكون اهدئ

اخوي انا معك تويو انا مغير الان تويو من 3 شهور فقط بأقتناع تام ولكن ميشلان Michelin Pilot Exalto
جداً ممتاز ولين حسب كلام اخواني في المنتدى عيبه الوحيد $ سعره والا الباقي مايختلف عليه احد

وبالتوفيق للجميع

[ابوفيصل966]

michelin pilot exalto p2i

تبين لي ياخوان بعد بحث ان هذا الاطار مايجي عندنا في السعودية وخصوصا 2008 والموجود حاليا المقاس الاخر اللي هو 225 للتنويه