[ابوفيصل966]

كثرت المواضيع بخصوص افضل الإطارات للجوهرة والصراحة لم نصل لإجابة نهائية فالجميع يقول الزين عندي.

فأتمنى من الاخوة اللي استبدلو اطاراتهم يعطونا فكره عن اطاراتهم واسعارها ومميزاتها وعيوبها

ملاحظة: اتمنى الرد فقط من الاخوة الذين استبدلو اطاراتهم حتى تتم الفائدة واللي يبغى يستفسر ياليت عن طريق الرسائل الخاصة حتى ماتكثر صفحات الموضوع ولا نطلع بشي

[مبتكر]

أخوي ترا فيه عرض عند ميشيلان تروح تشتري ميشلان يعطونك 50 ريال علطول نقدا وسحب على سيارات وجوائز وغيره ..

[شكمان ابوكنداسه]

خذ ماشيلان وان شاء الله الاخوان مهوب باخلين عليك

[ابوفيصل966]

اتمنى توضيح اكثر ياخوان لو سمحتو

[الهزيم]

ماتصدقوووووون
.
.
.
..
.
.
.
.
.
.
كفرات هانكوك .....رخيصه ....مريحه جدا ....وعاضه الارض (يعني ما سكه نفسها)
غطت على تويو بالمره

[بندر بن سرور]

من تجارب شخصية مع Es350 وكذلك Es300 سبق وان ذكرتها هنا بموضوع خاص

1. كفرات يوكوهاما المميز فيها كتم الصوت اثناء السير وهدوء غير طبيعي مقارنة بالتويو حق الوكالة
عيوبها : قاسي مقارنة بالتويو يأتي في المرتبة الثانية مباشرة ---- تماسكه في الارض سيئ اثناء التوقف المفاجئ .
الكلام هذا على Es350 اما على Es300 فالكلام عكس تماماً وهو يتعبر يوكوهاما الافضل على Es300


2. ميشلان كفر ممتاز يعيب القساوة فقط مطب قاسي والا الكفر رائع جداً ويتحمل كثير مع احتمالية وجود صوت خفيف

3. بريجستون لايعلى عليه من ناحية الخطوط والاداء العالي ولكن يعيبه القساوة في المطبات بشكل كبير .

4. تويو نفس حق الوكالة جميل جداً الاهدئ في المطبات والافضل بنظري من يوكوهاما في المطب
ولكن العيب فيه خشونة النقشة اثناء السير وانتهاء العمر الافتراضي بسرعة 30--40 الف فقط

5. دنلوب الكل يشكر فيه ولكن عيبة اللي اتوقع وجود صوت ونه في المشي

وبالتوفيق اخوي انا غيرت يوكوهاما ورجعت فكيتها بعد شهر واخذت تويو حق الوكالة وملاحظتي عليه خشن في الخط فقط ووجود هزه خفيفة من اثر خشونة النقشة

وشكراً

[لكزس اماراتي]

انا البارحة سرت عند وكيل التويو ف أبوظبي .. لان تواير سيارتي ف عينها ..!!

وقالي عن نوعين ..
نوع الوكالة ونوع أعرض اشويه من كفر الوكالة .. وسعرهم نفس الشي تقريبا 530 درهم ..

شباب في حد جرب التاير اللي أعرض اشويه ..!!!!!!

[ابوفيصل966]

يعطيكم العافية ياشباب
الاخ/ بندر بن سرور مشكور على التفصيل لكن الصراحه حيرتني زياده

[عاشق السمر]

انا توني مغير كفرات سيارتي

ركبت لها جودير بس صناعه المانيه

لكنها ممتازه خصوصا اني اسافر عليها مسافه 250 كم
وسعرها مناسب بنسبه لغيرها

دمتم بود

[حلمي لكزس جي اس]

انا اقولك ميشلان غيرها لاتجدور كفرات ماشالله بمعنى الكلمه

[بندر بن سرور]

المشاركة الأصلية كتبت بواسطة ابوفيصل966

يعطيكم العافية ياشباب
الاخ/ بندر بن سرور مشكور على التفصيل لكن الصراحه حيرتني زياده

هههههههه معليش اقولك ترى كل كفر له ميزة ويقابلها عيب

يوكوهاما ناعم في المشي جداً جودة عالية ======== قاسي في المطب سيئ في التوقف المفاجئ
تويو لين في المطب جيد في التوقف المفاجئ ======= نقشه خشنه تحس بها ان الكفر جاف
دنلوب مطب لين جداً وكفر جودة عالية =========== عيبه احتمال ماني متأكد صوت ونه
ميشلان بريجستون
ميشلان معروفه قاسي بس كفر في القمة اعتبره من وجه نظري افضل من الكل خاصة لو لقيت
الاصلي راح تنسى متى بدلته هذي مافيها كلام بس جربت 17 على ماكسيما وكالة كان طيب بصراحة

بريجستون وحش الوحوش في الاطارات لكن السلك فيه كثير عيبه قاسي حجري هههههه

تبي الشور وانا اخوك استخر وان شاء الله تركب افضل كفر

انا افكر ميشلان اصلي سعر الكفر اتوقع 700
او دنلوب يمدحونه الشباب وكان يجي على LS430 وكالة
يوكوهاما جيد وهادئ بس جربت في التوقف المفاجئ ماعندك احد وعن تجربة على ES350

بالتوفيق وحاول ان تسأل في نوع من ميشلان ممتاز بس ماعرف اسمه هل هو بايلوت او غيره
ودنلوب يمدحونه بس واحد يقول ان فيه ونه وتبي الجد
كل واحد يقولك كفر ولكن الماركات القوية تبقى في القمة مهما يقولون عنها

[ابوفيصل966]

خخخخ مشكور اخوي بندر ومازدتني في ردك الثاني الا حيرة اكثر خخخخخخخخ لكن بشوف ميشلان مثل ماقلت بس اتمنى لو موديله والا رقمه المناسب على الجوهره

تحياتي للجميع

[لكازس]

اخوي فيصل خذ العلم اللي يجمد على الشارب
Michelin Pilot Exalto
جودة وهدوء وعملي جدا بس عيبه انه غالي نوعا ما تقريبا 700 ريال للكفر واعتقد الاخ موال مركبه بسيارته قبل فتره ويمدحه وهذا الموقع يفيدك ويبين لك اراء الناس اللي استخدموه
Michelin Pilot Exalto PE2

[مـوال]

_______________________________

[مـوال]

المشاركة الأصلية كتبت بواسطة لكازس

اخوي فيصل خذ العلم اللي يجمد على الشارب

المشاركة الأصلية كتبت بواسطة لكازس

Michelin Pilot Exalto

جودة وهدوء وعملي جدا بس عيبه انه غالي نوعا ما تقريبا 700 ريال للكفر واعتقد الاخ موال مركبه بسيارته قبل فتره ويمدحه وهذا الموقع يفيدك ويبين لك اراء الناس اللي استخدموه
Michelin Pilot Exalto PE2

الكفر(التاير) رائع جداً ..

صوره من سيارتي:

صوره أخرى اوضح عامه لا تخصني:

[ابوفيصل966]

مشكورين ياخوان على التفاعل
باختصار الميشلان افضل لكن غالي

[ابو كيموو]