[اعشقك]

سلام عليكم
صباااح الخير
انا عندي استفسار بخصوص نظام التأجير
انا ان شاء الله ناوي اطلع كامري 2008 glx فل كامل
طولت صح!
س/وش يطلبون؟
س/كم اعطيهم في الشهر؟
س/الدفعة في الأول والا في الأخير؟
س/كم ياخذزن زيادة على السعر الأصلي؟
وسلامتكم

[احلاهم واتحداهم]

1- كفيل غارم

2- كفيل حضوري

3- المشتري

4- أن يتناسب القسط مع الراتب

5- أن يكون مقر العمل وسكن المشتري في منطقة الفرع

*. صورة من بطاقة الأحوال

*. خطاب تعريف موضحاً به الراتب ومدة الخدمة


**وسلامتك ... انشالله افدتك**

[خارب الهرجه]

اخوي انا راح اقولك قصتي وانت استفيد منها

رحت المعرض وقلت ابغى اطلع كامري se 2008

قيمتها كاش 83550 ريال

حسبها لي عن طريق نظام التاجير وطلعت كالتالي :

القسط 1745 ريال شهرياً

لمدة 60 شهر

ودفعة اخيرة 16590 ريال

طلع المبلغ الاجمالي 121290 ريال - قيمة الكاش 83550 = 37740 ريال تقريبا 37 الف ريال زيادة

انتبه اخوي ترى نظام التأجير فيه عملية نصب كبيره

والدفعة الاخيرة اذا مادفعتها راح يسحبون عليك السيارة

والسيارة طول الـ 60 شهر تكون باسم الشركة مو باسمك

بعد المعرض رحت البنك وقلت باخذ منكم قرض 80 الف ريال

ازود عليها 3 الاف واطلع السيارة كاش ... حسبوها لي طلعت

الزيادة 10 الاف ريال

يعني ارجع لهم 90 الف ريال وشوي ... طبعا عن طريق نظام

التورق علشان الشغله تكون شرعية ومايكون فيها ربا

وقلت للبنك طيب لو ابغى اطلع سيارة عن طريقكم كم تحسبونها لي

طلع المبلغ كامل 100 الف ريال .. اقل من نظام التأجير

بـ21 الف ريال

هذه تجربتي ... وانت شوف الي يناسبك ... وبالتوفيق

[استاذ الكامري]

اخوووووووووووووووووووووووووي اذا كنت ناوي تتطلع طلعت عن طريق البنك
وانا شايف انو معاك كامري 2001 كحلي حرام تفرط فيها
ترا في ناس معاهم 2007 ندمووو انهم فرطووو بسياراتهم

[كامري الهتم]

خارب الهرجه والله زين ما سويت

أجل 37 الف والله مره كثير

[وسام]

فرق كبير احسن من البنك واوفر

[ملفت أنظار]

نصيحة اخوي اذا سيارتك نظيفة وتوديك بعيد وقريب

لا تفرط فيها

حرام يقصون من راتبك مدة خمس سنوات

الا اذا انت محتاج للسيارة ضروري فانصحك تاخذها من البنك والله يعينك على الأقساط

بالنسبة للوكالة راح يقولون ان عندنا امكانية تقسيط الدفعة الأخيره انتبه ((( هذا هو الحرام لأن تقسيط الدفعة الأخيره راح يكون بعقدجديد وبفوائد جديدة )))

[اعشقك]

ماقصرتوا اخواني وبيض الله يور فيس لكل واحد فيكم
بس انا بطلع السيارة بإسم اخوي وهو مهب من مكة من الدوادمي
يعني لازم اروح الدوادمي اطلعها من هناااك
والله مشوار

[عاشـــق اللاند]

مبروك مقدما والله يوفقك في عمليه الشراء

[ملفت أنظار]

المشاركة الأصلية كتبت بواسطة اعشقك

ماقصرتوا اخواني وبيض الله يور فيس لكل واحد فيكم
بس انا بطلع السيارة بإسم اخوي وهو مهب من مكة من الدوادمي
يعني لازم اروح الدوادمي اطلعها من هناااك
والله مشوار

خل اخوك يقدم اوراقه من الدوادمي ويكتب تسليم السيارة بمكة

ويكتبلك تفويض ويوقعه من العمل ويعطي اللي بالدوادمي نسخة منه

وبكذا تستلمها انت من مكة

[اعشقك]

مشكورين وبيض الله وجيهكم