[كامري أبيض]

السلام عليكــم ورحمة الله وبركاته ،،، صباح الخير للجميع ..

كان موعدي أمس في صيانة عبداللطيف جميل صيانة 20 ألف

بصراحه الكل يعـلم بسوء أستقبال مسئولوا الصيانة في شركة عبداللطيف .. وعدم أهتمامهــم بالعميل .

ولــكن بالأمس تفاجاأت (( حلووه تفاجأت )) والكلمة هـذي تعجب واحد من الشباب

وصلت لمهـم بحدود الساعة 4.30 .. وكان فيه زحـمة شوي .. وخلال 10 دقائق جاء لمي المهـندس

وكلمني بكل أحترام ،، تفضل أخوي أي خـدمة

قلتله / صيانة 20 ألـف .
قال / حياك الله ،، أخوي وراح نشيك على الفرامل ،، وزيت القير ،، والبخاخات ،، وطرمبة البنزين ،، وزيت المكينة . وفلتر المكيف وفلتر الهـواء ،، والهوبات ..

أستلم الرجال مني السيارة ،، وقال أنتظر بالصالة ..

وخلال نصف ساعــة إلا الموتر خالص ماشاء الله .. لأني رفضت يغسلون السيارة .. أخاف يمخشون البوية .. (( أبو هنود والله من زين التغسيل


والأشياء اللي غيروها لي (( زيت وفلتر المكينة ،،، تنظيف الفحمات ،،، تركيب فلتر هواء جديد ،، تصفية بخاخات ،، تنظيف فلتر المكيف ،،، ))

بس بصراحه كان سعرها غااالي شوي :: كان الأجمالي 550 ريال ..

قيــمة الدخول للصيانة 350 ريال .!!!

في النهــاية .. اللي حبيت أوضحة للجميع .. والغرض من موضوعي هـذا .

هـو أني لاحظت فرق في المعاملة من قبل مهـندسي الصيانة فرق واااضح جداً .. بين صيانة 15 ألف والمشاكل اللي صارتلي معااهــم .. وصيانة 20ألف وأحترامهــم لي ..

وأخص بالذكر المهـندسين // محمد الحربي ،،، والمهندس / عبدالعزيز السيف ..

رغــم الضغوط اللي عليهــم والزحمــة إلا أنهــم كانوا .. محترمين وعقلاء ..


سؤال للنقاش ؟؟؟؟

هل فيه أحــد لاحظ هذه الملاحظة .. غيري

[كامري الهتم]

والله يا أخوي انا سحبت على الصيانه من زمان

ما في الا صلخ بالاسعار

ومع ذلك في ناس ترى أنهم الافضل

[ملفت أنظار]

والله نفس التعامل بالمدينة قمة في الاحترام

وبعد اربع ايام من الصيانة يتصلون علي المكتب الرئيسي من جدة ويستفسرون عن ملاحظاتي

[كامري أبيض]

المشاركة الأصلية كتبت بواسطة كامري الهتم

والله يا أخوي انا سحبت على الصيانه من زمان

ما في الا صلخ بالاسعار

ومع ذلك في ناس ترى أنهم الافضل

والله أنك صااادق ..

ودي أتركهــم .. بس المشكلة صيانة 60 ألف يمدحونها ..

وأنا عندي أستفسار .. لوقطعت الصيانة حقتهــم .. وبعد ماأوصل إلى 60 الف .. أرجع لهــم .. يستقبلون الموتر .. عاادي ولا لازم أدفع فلوس زياده ..

[كامري أبيض]

المشاركة الأصلية كتبت بواسطة ملفت أنظار

والله نفس التعامل بالمدينة قمة في الاحترام

وبعد اربع ايام من الصيانة يتصلون علي المكتب الرئيسي من جدة ويستفسرون عن ملاحظاتي

والله حركة حلووه أنهـم يدقون المكتب الرئيسي .. تحس أنك مهــم وأنت تقيم المهـندس

[شكمان ابوكنداسه]

والله غريبه وعساهم يخفضون الاسعار ان شاء الله

[كامري أبيض]

المشاركة الأصلية كتبت بواسطة شكمان ابوكنداسه

والله غريبه وعساهم يخفضون الاسعار ان شاء الله

أما يخفضون الأسعار كثر لي منها ..

أنا سمعت مهـندس الصيانة يكلم واحــد على ماأعتقد أن سيارته أفالون .. ويسأله يقول ليش السعر كذا ؟؟ المرة الماضية كان أقل .. قال المهندس أرتفعت الأسعااار ..

[وسام]

نشالله يكونو الوكلاء مثلهم

[عاشـــق اللاند]

اذكر فيه موضوع للاخ كموره القموره عن صيانه سيارته ماشاء الله قمه في الرفاهيه صاله بلياردو وانترنت وكراسي مساج والله دلع



وترا في ملاحظه ملاحظها على الكل انت الحين شاري سياره موديل السنه والله حرام توديها عند بنشر قط عليها كم ريال وخلها تعيش العمر كله معك والوكاله اظمن مليون مره من البنشر

----

ادري دخلت عرض لكن سامحني

وبالنسبه لكلامك صحيح يمكن تحصل ناس محترمه وتحصل ناس غير محترمه وترا تحصل عادي

وشكرا

[نافيقون]

الصيانة الدورية مهمة للسيارة

لكن لو بغيت تطنشهم أوكي لكن لاتترك الصيانات التالية لأنها مهمة جدا وخصوصا أصحاب القير الأوتو ماتيك فيها تغيير لزيت القير مع الفلتر

40 ألف

80 ألف

120 ألف

... الخ

[ابوفهدالجابري]

كانو يتصلون علي من جدة

[الحجيلان]

حاولوا يا ناس تتوجهون دائم للموظف السعودي لأنه يعرف معاناتنا مع الأجانب ونصبهم علينا إلا من رحم الله .

[الإيجابي]

ما قلت لنا اي فرع ؟؟؟؟؟؟؟؟

[كامري أبيض]

مشكورين ياشباب على مروركــم وتعقيبكم الأكثر من رائــع ...

والفرع اللي أنا راجعــته هــو فرع (( طريق خريص بالرياض ))

[ي ا ك]

هلا وغلى

وين الناس

وش اخبارك عساك بخير

الوكله سوو فيني حركه وسخه ضيعو غطيان البلف النيكل يوم قلت منكم قالو لا يوم جيت اشترها قالو الغطاا الواحد بـ 20 ريال والله انهبل مجرد غطااا ولا عوضوني ولا شي وش رايكم بصرحه الوكاله يبيلهم واحد يوريهم العين الحمررر
وبعدين الزيت يعبونه بزياده يتعدون الحد المطلوب في العيار انا لاحضت الشي هاذاااا انتبهوووووو ياشباب والله بكره تتفقع الصوف وتصلحهااا بفلوس