[رااااعيها]

امس السبت كنت قاطع الرياض من الشرق الى الغرب الظهر المكيف وانا ماشي حلو بارد ولما اوقف عند اشاره يصير فاتر هل المشكله عندي فقط ام الجميع
الحراره كانت 47 انتظر الرد

[أبو عبدالرحمن خ]

غريبه لكن ممكن انك تكون مشغل المكيف الخلفي وهذا يؤثر على المكيف بالعموم اذا صار الموتر واقف
وبالعموم الحرارة 47 الله يعين ما تبي تحليل لكن ديرتنا ونحبها

[الجفني]

انا بصراحه عندي نفس مشكلتك لكن اشوف انا انها عايدي الجو عندنا في الرياض شي ما يتصور

[يالله من فضلك]

أثناء الوقوف عند الإشارات
لا تخلي القير على D
حطه على N عشان الأبنص يرتفع
الكومبرسور يعتمد على دورات المكينة
وأنت لاحظ الفرق بين الدي والإن وأنت واقف
جربتها وفرقت معاي
بالتوفيق أخوي

[مجنون الفورتشنر]

اشوفها عادية جدا
الله يبرد علينا

[كشاف]

يقولون ان السيارات التي يتم تصنيعها في استراليا مثل الكامري الجديدة والفوتشنر تبريد المكيف فيها مش ولا بد بعكس التي يتم تصنيعها في اليابان مثل الكورولا واللاندكروزر 0
تحياتي 0

[الفورتشنر]

والله صدق اخوي كشاف

[نيازى]

اخى الحبيب ترى الفور موديل 2007 و 2008 تصنيع اندونيسى والحمد للة المكيف عندى مثل الالماظ ما علية غبار
راجع الوكالة ممكن يكون نقص فريون من تنسيم ولا شى

[مزالي]

نفس المشكلة معي ، ويمكن هذا شي عادي

[العُلا]

السلام عليكم ,,

مسيتم بالخير يالحبايب ,,

كيف حالكم .. مشتاقين لكم ..

حقيقة اليوم حصل معي شي .. كان موجود من قبل لكن ما لاحظته وركزت فيه الا اليوم ..

مكيف الجيب ماشاء الله ولا أروع حتى ان درجة الحرارة عندنا في الحسا توصل 50 درجة بالراحة في الضحى والعصر .. ما دري عن الظهر ..

المهم يالغاليين لما أوقف في الاشارة أو غيرها خاصة مع الزحمة المكيف يفتر مرررررررة وتقل برودته ولما امسك الخط يزين ,, طبعا أنا قلت هذا وضع السيارات عموما .. لكن مهب لهالدرجة ,, العصر كنت بالددسن وكنت واقف تقريبا ساعة والمكيف يازينه والجو كان برا حاااااار ..

وش الدبره هالحين .. يالنشاما ..

أخوكم
بو فهد

[العُلا]

الله يعين ونشوف الوكالة

[أبو عبدالرحمن خ]

هلا يا ابو فهد صراحه غريبه انا لم اشتكي من جودة البروده ابدا بل اوقف وبرودته تمام لكن اطول على المروحه يعني تكون على 3 وكل شيء تمام

اكشف عليه يمكن تكون مشغل الخلفي لانه الخلفي لما يكون شغال يفتر المكيف عموما اثناء التوقف ويضبط اذا استمريت بالممشى

[فورتشنري]

يامرحبا بالطيبين
شباب
انا كثير التنقل بالموتر ولاحظت ان انخفاض البروده شي طبيعي ولمست هالشي
بالذات في منطقتين هما
الاحساء والرياض
يمكن لان الجو فيهم صحراوي
اما بالنسبه للدمام والخبر بالتبريد طبيعي جداً وفي تلك الحاتلين المكيف ممتاز
يعني لا وكاله بلا هم كل الامر طبيعي وجونا ربنا ولك الحمد

ولتحسين التكييف وتسوي السيارة فريز ماعليك
سوى زيارة هذا الرابط مال البايسون
تأمين + mp3 + تكييف + شبك + تطوير + تشييك + موضوع احلى من مشروب بايسون :) يافشفوشتي