أخوي العزيز أبو نواف ... حياك الله .
إجابة السؤال الأول :
المقصود بشاشة المعلومات الموجودة بالكامري GLX مستطيل صغير موجود تحت عداد RPM مباشرة وبه معلومات مثل كمية الوقود المتبقية ودرجة الحرارة الخارجية ومعدل الإستهلاك وكم المسافة التي قطعتها السيارة منذ تشغيلها ... وزر التحكم فيها موجود على الدركسون باليمين ومكتوب عليه Info اضغط عليه وشوف كيف تتبدل المعلومات وخلها ثابتة على المعلومة اللي تبيه براحتك وشغلة بسيطة جدا ولا تحتاج كل الهم .
إجابة السؤال الثاني :
الحساسات الخلفية مجرد صوت أو تنبيه عند الرجوع للخلف ولا يوجد شاشة توضح المسافة أو كاميرا لهذا الأمر , أما الحساسات الأمامية فيه زر صغير لها تقدر تطفيها وهو يمين السويتش وهو أسود وعليه رقم 1 أو 0 يعني تشغيل أو إيقاف وشاشته موجودة على الطبلون من فوق وتوضح مدى قربك وبعدك عن الأشياء أمامك .
إجابة السؤال الثالث :
سمعت من الشباب موجودة في محلات كثيرة بالغرابي وفي منها شاشة مهام الجزيرة وغيرها وهي أرخص بمقدار الضعف ونفس حقة الوكالة بالضبط .
إجابة السؤال الرابع :
فتحة السقف حلوة ومنظر لكن مسألة إن تسويها بمحلات وشغل غير بلدها يبقى هالأمر في عيوب وصدقني نفسيا ماراح ترتاح مع الوقت يعني خلها وكالة وصدقني بتشوف الفرق .
وفي ختام هذا الرد أتمنى من الله العلي القدير أن أكون قد وفقت في الإجابة الشافية لك وأسأل الله العلي القدير أن يستر عليك وعلى موترك وبالتوفيق .
المواضيع المتشابهه للموضوع: سؤال عاجل لمشرفنا العزيز عاشـــق اللاند ولأهل الخبرهـ 
سؤال عاجل لمشرفنا العزيز عاشـــق اللاند ولأهل الخبرهـ 
