[العاااابر]

اخواني الاعزاء في هذا المنتدى الرايع بوجودكم
من مشرفين واعضاء
انا اقدم لكم العذر على انقطاعي عن المنتدى لاكن بسبب الامتحانات

هذا الطلب موجه الى شباب الرياض
انا يوم الخميس اكون متواجد باذن الله في الرياض
وانا حاب اسال الجميع عن افضل مكان لزينه السيارات واكسسواراتها واين يقع
امل منكم التكرم بالاجابه على الطلب
ِ

[عاشـــق اللاند]

انصحك دامك من اهل المدينه تروح على جده كيلو 2

=====

وبشر شلون النتايج وطولت علينا لك اكثر من شهر وشوي ماتدخل

والله تو مانور القسم

[ي ا ك]

الرياض عندك الغرابي

[شيخ البانوراما]

.

حياك اخوي العاااابر بين اهلك واخوانك في الرياض ..

شارع الغرابي

اشهر من نار على علم يجون الناس من الخليج عشانه

بتلقى فيه كل شئ في بالك من .. الى

...انت بتجي من طريق القصيم على اغلب الظن...

اطلع مع مخرج طريق خريص بإتجاه الشرق تمشي لك حوالي 2 كم وتطلع مع مخرج طريق الملك عبدالعزيز بإتجاه الجنوب ثالث إشاره تجيك وزارة الماليه على يسارك مع الاشارة اطلع يسار تصير الوزاره على يسارك والبريد على يمينك تقابلك إشاره بعد تقريباً كيلو الا..

خش يمين تلقى نفسك في لشارع الغرابي ... بس إنتبه الشارع فجأه يصير إتجاه واحد بس

لازم تاخذها حواري عشان تبداه من اوله وتمخمخ عليها اول بأول

بس قبل لا تروح لهم شيك بعض المواضيع الخاصه بالإكسسوارات في المنتدى وبتلقى بعض الشباب يسمون اماكن بعينها ويمدحونها والله اعلم...

بالتوفيق،،،

.

[كمر اركب ياقمر]

الغرابي .. بتلاقي فيه كل شــي ..
أحسن شي ..

[جي الـ أيً]

مثل مااقالوا الاخوان

الغراابي

[العاااابر]

مشرفنا الغالي عاشق لاند



اشكرك تاج ترسي مشرفنا الغالي وانا اسف جدا على قطعة المنتدى بس الضروف ودامك انت وراء هذا المنتدى الرايع فلا خوف عليه بمجهودك وبمجهودات جميع الاعضاء
اشكر لك حسن ادارتك مع المنتدى والاعضاء
شكرا لك على مجهوداتك المستمره في هذا القسم واعانك الله

[العاااابر]

اخوي الغالي ي ا ك الف شكر لك ولك مني الف التحايا

اخوي شيخ البانوراما ا شكرك على الوصف الدقيق جدا وادري اخذت من وقتك لاكن الله يوفقك على النصايح رسم كروكي من جدا واضح وكانك تعلم بسير خطي

اخوي كمر اركب ياقمر الف شكر ولك مني الف التحايا

اخوي جي ال اي الف شكر لك

[شيخ البانوراما]

المشاركة الأصلية كتبت بواسطة العاااابر

اخوي شيخ البانوراما ا شكرك على الوصف الدقيق جدا وادري اخذت من وقتك لاكن الله يوفقك على النصايح رسم كروكي من جدا واضح وكانك تعلم بسير خطي

هلا والله وسهلا اخوي العاااابر

ابد ما سوينا شي، وترى فيه وصف ثاني لربما انه يكون افضل لك ولكن عيبه انه زحمه شوي..

لما تكون جاي مع طريق القصيم تكمل بإتجاه الجنوب ولا تطلع مع مخرج خريص حتى يجيك مخرج طريق الوشم..

اطلع معه يسار وخلك تحت الكوبري بتقابلك إشاره او إشارتين ماني متذكر بعدها الشارع بيلف فيك إجباري يمين تجيك وزارة الماليه على يسارك

مع الاشارة اطلع يسار تصير الوزاره على يسارك والبريد على يمينك تقابلك إشاره بعد تقريباً كيلو الا..

خش يمين تلقى نفسك في شارع الغرابي ... بس إنتبه الشارع فجأه يصير إتجاه واحد بس

لازم تاخذها حواري عشان تبداه من اوله (اطلع يسار وبعدها يمين اللين تطيح في شارع عشرين خش معه يمين وترجع للغرابي ثانيه)

بالتوفيق انشالله وسلامة الاسفار مقدماً،،،

.

[قووقل]

الغرابي

حتى البقالات فية ************احلف

[كـ ا قـ]

فااااااااااادوك الشباب ما قصروا تقبل مروري

[ي ا ك]

ون كانك مادليت ارسلي رقمك على الخاص وانا برسم الخدمه اوديك لين الغرابي واوريك احسن المحلات

ومحلات بعد غير الغرابي

وشتبي بعد غير كذااا

[العاااابر]

اشكر الجميع على المروور والوصف وبارك الله فيكم

اخي ى ا ك لك منى الشكر وصدقني لو تهت عن الوصف انني اعتبرك اخ واكثر والف شكر

[ولد المدينهـ]

لله انا انصحك ياخوي مدامـ انكـ ولد المدينهـ

لاتروووح الريااااض مشووووووار 800 كيلو وربي مره كثير

اطلعـ جدهـ وروح كيلو 2 وراح تحصل اللي انت تبغاهـ

واقربلك في نفس الوقت

والله والراي راجعلك انت

تقبلـ مروريـ

وديـ واحتراميـ