[هزاع]

سافرت يوم الخميس الماضي الى المنطقة الشرقية عندي شغل ساعتين وبرجع وكان الخط سافي وغبار وحطيت الرشة الشفافة وكانت سرعتي 140 طبعا فيه ناس بتقول انت مسرع مافية امل الواحد يهدي لان التريلات ماسكه النص من كثر الرمل الي يزحف على يمين الخط ولما وصلت الخبر وقفت في التميمي الي على الكورنيش لقيت الرشة اغلبها راح ضاق صدري والكشافات مشهبة

خلصت شغلي وتعشيت ولما جيت راجع شريت شامبو جونسون للإطفال وحطيته على الوجه كامل حتى الشمعات والكشافات ولما وصلت الرياض غسلت السيارة .

توقعت انه بايخ بس طلع رهيب والله ان السيارة تلمع والشمعات تقول جديده

لكن الكشافات لازم لها تنظيف

صدقوني من تجربه شخصية لابرقع ولارشه شفافة ولافيري الي يشيل اللمعة حط شامبو جونسون وارتاااااااااااااااااااااااااااااااح

وبالتوفيق

[عاشـــق اللاند]

شكرا لك والفيري حلو ماعليه لكن الافضل التغبيره

انا طحت فيها والله ممتازه

[ملفت أنظار]

الشامبو انا سامع عنه ممتاز

لكن اذا جيت تشيله من السيارة لازم توديها المغسلة افضل

[هزاع]

التغبيرة كثير يشتكي منها اعرف واحد الى اللحين يقول ان التغبيرة باقي منها في الشبك

[عاشـــق اللاند]

الغبيرة كثير يشتكي منها اعرف واحد الى اللحين يقول ان فيها من باقي في السيارة في الشبك

فيه تغبيره رش امريكيه اصليه مش حقت المحطات

وانت ترشها بنفسك وتكثر بالمكان اللي تخاف عليه وانا حاطها على سيارتي له 3 ايام وماشاء الله مفيد وانا جاي من خط الخفجي بالليل تكرم الحشرات كلها بالتغبيره ماجا الموتر شي والحين بطلع اغسلها

[خارب الهرجه]

والله ياشباب بالنسبة للتغبيره فيه ناس تقول تمام وفيه ناس تقول لا فيه اشياء ثانيه احسن مثل الفيري

والبرقع ( التلبيسه) والشامبو .... والله الى الحين من كثر ماقريت مواضيع الرشه والاشياء الي تحمي

مقدمة السيارة ماقدرت اقتنع بشي محدد ... لان كل شخص يذكر شي يجي شخص ثاني يخالفه

بس انا اتوقع التلبيسه الي تجي على الواجهه هي الافضل

[سباقات القطيف]

مشُكُورٌ أخَوَي والله يحفَضٌكًـ..

[وسام]

المهم الفائده العامه والصح اشامبو انشالله بجربه ونشوف

[كمر اركب ياقمر]

انا الشامبوا قال لي واحد عنه
بس ماجربت ولا سألته وش نوع الشامبوا
على العموم
الحمد الله على السلامه
..

[هزاع]

الله يسلمك اخوي وانا ماطرحت الموضوع الا وانا مجرب كل شي وفعلا الشامبو اثبت جدارته

[متيم الكامري]

الله يخلي البرقع

[عاشـــق اللاند]

على العموم انا راح اجرب الشامبو وبعطيك رأيي فيه

[الهايم وهو نايم]

بالنسبة للفيري انا جربته على سيارتين موتر الولد واليارس والله انه دمر البوية منجد غير لون البوية
والشمعات وصارت شمعات اليارس مشهبة مرة منة فانا انصح من يستخدمة ان يتركة

[ولد المدينهـ]

يبغالي اجربهـ واللهـ

يعطيك الف عافية حبيبي على الفائدهـ

شامبو جونسووون وارفعـ يدكـ

لاعدمناكـ اخوويـ

وديـ واحتراميـ

[ناوي الرحيل]

مشكور الله يعطيك العافية

بس سيارتك لونها ابيض زالشامبو لونه اصفر بعد مده ما تصفر البويه ؟

لاني انا والله اخاف احطه ويتغير اللون

تحياتي

[حربي القصيم]

البرقع مابوه مثله والله ركبه وامش طبالين واتحداك اذ طار شي من الوجه
هذا حاجه معروفه من طلعة الدنيا
بس مشكلته انه يتقطع بعد ست ولاسبع مرات
لان العج يقطع الشبك حقه بس اللي تحت

اما الفيري بوه ناس تشتكي منه لسبب بسيط
يحطه على موتره ويمسك الخط وطبالين وهو باقي مانشف
وشي طبيعي يبي يطير الوجه من العج
دايم تحصل معي
بس المفروض حطه وخله نص ساعه اقل شي حتى ينشف على الوجه
وصدقني راح يبقى وجه موترك زي ماهو
أنا مجربه الشي ذا
وانا مجرب جميع الانواع لاني دايم امسك خط الشرقيه قطر
ومايحتاج ذيك المنطقه على طول عج وغبار ليل ونهار
وماصبر معي الاالبرقع واللوكس طبعا بعد ماينشف وطبالين الطبايلن مايضر الوجه شي
بس البرقع هوافضل شي ركبه على الوجه والمرايات

اما التغبيره تراه انواع فيه نوع رخيص وشكل هذا اللي ركبته انت
هذا ماينفع
وبوه نوع غالي تصحله بمحلات الزينه يجيك لونه غامق مره
هذا مابعده قوي على السياره بس خله يثقله لجاء يرشه

والحمدلله على سلامتك خييييييييوا ,,,,