[ابو ساره وغاده]

السلام عليكم ورحمة الله وبركاته
سيارتي gx - v8 وارد عبد اللطيف جميل ماشيه 2000 كيلو
امس كنت اسوق برواق وحاط رجل على رجل والظاهر رجلي جت على قفل الدفرنس المهم ما انتبهت الا لمبه قفل الدفرنس في الطبلون مولعه حاولت اطفيها ما طفت وصارت تاشر رحت البيت ولما لفيت الدركسون لاقصى اليمين صار الموتر ثقيل وكانه محجر بصراحه ارتعت مدري وش السالفه هههههه المهم وقفت وقريت الكاتالوج حصلت في التعليمات انو امشي بخط مستقيم للامام والخلف ثم اطفي القفل وطبقتها ونجحت الحمدالله
بس حبيت اسال خبراء المنتدى هل ماحدث معي طبيعي وليش حجر الموتر هل اذهب للوكاله ولا انتظر حتى تشييك ال 5000 علما بان الموتر اليوم طبيعي
اتمنى الرد من الاخوه الذين لديهم خبره ومشكورين مقدما اخواني
تحياتي

[عبدالعزيز بن]

اذا تقصد زر الدبل

هالشي طبيعي واذا طفيته واللمبه اللي فالطبلون ماطفت حط القير على الريوس وامش شوي يعني نص متر وبتطفي

حتى فالموديلات القديمه هالشي ومافي مشاكل

لان مثل ماتعرف الدبل كهرب مب يدوي مثل اول

[ابو ساره وغاده]

شكرا اخوي عبدالعزيز
الظاهر مو الدبل انا اقصد الزر اللي مرسوم عليه حرف H اللي يجي اسفل الدركسون الظاهر انه قفل الدفرنس

[بنت الخران]

نعم مثل اللى سويته بالضبط

وهذه فى كل السيارات الفور واغلبيتها

واشكرك على شرح تجربتك فى السياره

[أبوسعــد]

هههههههههههههههه

صارت لي الطاره تثقل بشكل غريب

تخرشك يعني

[الشقردي]

حتى في الموديلات القديمة

لكن اللي أذكر اننا كنا وانا نمشي ببطئ للأمام نحرك الدركسيون يمين ويسار بشكل خفيف وبعدين تسمع صوت طقة خفيفة
وتعني انه فك القفل.
ولا يحتاج نطفي السيارة.

[أبوحمد]

تحجير الطاره لابد منه اثناء تشغيل قفل الدفرنس الوسطي

ولا ينصح بكسر الطاره لأي جهه على الاخير لسلامة المحاور ..

وما ينصح ايضا بالمشي على الطرق المعبده اثناء تشغيل قفل الدفرنس الوسطي ..

[ابو ساره وغاده]

شكرا مشرفينا الاعزاء بنت الخران وابو حمد الله لايحرمنا منكم
الشكر موصول للاحوه الاعضاء ابو سعد والشقردي
الحمدالله يعني الوضع طبيعى الله يطمنكم
وبالتوفيق للجميع