اي استفسار عن الساوند سيستم ( تفضلو ) !!

[أشرف بالقاسم]

المشاركة الأصلية كتبت بواسطة ذيبااان [عزيزي الزائر يتوجب عليك التسجيل للمشاهدة الرابطللتسجيل اضغط هنا]

شباب أنا عندي مشكله ما أدري وش سالفتها
القصه بإختصار.... أنا معاي أوريون و مركب شاشه فضيه من الوكاله قدرتها 200 واط يني 50 في 4 مخارج
سماعات الوكاله الأصليه من النوع الرديئ أعتقد 17 واط كل سماعه
أنا غيرت السماعات الأماميه إلى pioneer 360 watt with crossover
النتيجه صوت رائع
بعدها بإسبوع غيرت السماعت الأماميه مره ثانيه لأن حجمها كبير ولا يركب الديكور مضبوط و ركبت
pioneed 260 watts with crossover
وفي نفس القت شلت السماعات الأماميه من باينيير و ركبتها في الخلف
pioneer 360 watts with corssover
المشكله الصوت أختفى من السماعات الخلفيه و صار صوت بايخ من السماعات الأماميه و الكاميرا الخلفيه معد صارت تشتغل
وش ممكن يكون السبب و هل حلها إني أركب مقويات أو أي شي
ساعدوني لأن تعبت من هامشكله حتى الوكاله قالو لي أخر شي مشكلتك إنك مركب سماعات قويه

دمتم سالين

أتوقع انو في مشكله في التسليك
والمقويات ماهي راكبة مظبوط أو انها قليلة أو مافي مقويات

واحتمال انو من نفس المسجل يبغالك تلعب في تنظيم الصوت و مخرجو على السماعات

[أشرف بالقاسم]

المشاركة الأصلية كتبت بواسطة اوريوني فعيوني [عزيزي الزائر يتوجب عليك التسجيل للمشاهدة الرابطللتسجيل اضغط هنا]

السلام عليكم
كيف الحال ؟؟ ان شاء الله مبسوطين..
انا حبيت اركب ساوند سيستم على سيارتي اوريون جراندي
واللي ودي اركبه طنجره واربع سماعات!! بس ما ادري وين اركبها فيه
هل اني اقص الحديد اللي عند القزازه اللي ورا واركب الساوند سيستم
ولا اسوي صندوق واحطه فالشنطه ؟؟
وياليت تعلموني وش افضل ماركه للطنجره والسماعات وللعلم انا حدي 1500 ريال..

ممكن تقص الحديده و تركب بدال الطبلون الخلفي قطعة خشبة بشرط تكون سميكة عشان تستحمل الوزن و الدق

وممكن تفصل صندوق بحيث انو يكون نظام غرف
مو مفتوحه على بعض

على فكرة ، في حاجه أبغى أقولها بيني و بينك : لا تقول طنجرة ، اسمها أوفر ^,*
بالنسبة للأوفر ، أنا أشوف انو البايونير 1000 واط أبو نقطة فضي مرة ممتاز و عملي
والسماعات إذا حابب الصوت يكوت قوي : كينوود 360 اتش كيو
أما إذا تبغى الدق أقوى من الوضوح مع وجود نسبة وضوح : خد لك الكينوود الـ360 واط العادية

طبعا لو جينا للتكاليف : مع الفيوز الكت و المقويات و التسليك ، ما راح يعدي الـ1500

[أشرف بالقاسم]

المشاركة الأصلية كتبت بواسطة lexus for ever [عزيزي الزائر يتوجب عليك التسجيل للمشاهدة الرابطللتسجيل اضغط هنا]

يعني ما هيا نفس الاوفر لكن بشكل ثاني

لو انها نفسها ايش افضل اركب

ولو مهي نفسها كم واط تكون طيبة ومناسبة لاوفر 1000 واط واربعة سماعات الوحدة من 400 واط تقريبا ومضخمين واحد 1200 واط وواحد 800 واط ولا ازيد لها مضخم ارجو الافادة

معليش مرة نسيت هرجتك هنا
ممكن تقولي حاجه وحده :
انت كيف شابك السيستم ؟؟
يعني إيش مركب بالظبط و إيش شابك على كل أمبلي ؟؟

[كامري R1000]

السلام عليكم ورحمة الله وبركاته
يا جماعة الخير والله تعقدت ، والعيب مب منكم ، العيب من السالفه نفسها
ودي بالمختصر ( صوت اعلى وبنفس الوقت اصفا )

واليوم كانت لي تجربه ويا احد المحلات المتخصصه بالصوتيات وهو كالاتي
1. لازم اغير الشاشه الحاليه اللي عندي ، لانها ما بتطلع الصوت بوضوح ( وهو عنده الشاشه المناسبه _ وللعلم شاشته هذي معروفه عندنا بجودتها )
2. بيسويلي البازوكه بدل الاوفر ، لان الاوفر ضرباته قويه فقط ، اما البازوكه ضرباته قويه وطويله
3. بيغير السماعات الخلفيه ، وما يحتاج اغير الاماميه ،، طبعا انا استغربت ، كيف بيكون في توازن اذا غيرت الخلفيه من غير الاماميه !!
اتمنى توضحولي صحة هذي المعلومات

واللي اباه منكم بعد ( بكل اوناع الخجل ، ادري ان الموضوع 4 صفحات مرصوصه رص ، لاكني تعقدت والله )
شو اللي اضيفه للكامري 2008 علشان يزداد الصوت ويداد الوضوح وطبعا ما اتنازل عن ( البيس ) وتوازن الصوت مطلوب بعد
للعلم السياره فيها 4 سماعات ( 2 ) في الابواب الاماميه و ( 2 ) في الطبلون الخلفي
وفيها فتحات سماعات ( 2 ) على الطبلون الامامي ( اعتقد انها فاضيه )
__________________________________________________ ____________

آراء 2 من ربعي
الاول : قال انه ما في احسن من سماعات الوكاله ( مجرب ) ويكفي اني احط الاوفر
الثاني : قال تغيير السماعات الاربع وتركيب الاوفر وتكيب ( 2 ) امبلي فاير واحد للاوفر والثاني للسماعات
__________________________________________________ ____________

أرجو المساعده يا جماعة الخير ،، والله اني مربووووش
والفلوس مب مشكله نهائيا لحدود ( 5000 ) اهم شي الجوده الجوده الجوده
اهم شي تقولولي شو اضيف وشو اركب وشو القياسات اللي اخذها وشو الانواع
والله اني مستحي ان اطلب الطلب هذا مع ان الموضوع مليااااااااان معلومات
علشان احصل على الصوت اللي يهز السياره ووااااااااااااااااااااضح بنفس الوقت
انتظر ردودكم بفارغ الصبر

[المــمـــيــز]

ما طلبت شي الحل بسيط ولا تفكر كثير

اذا رحت لمحل المسجلات وفكيت سماعاتك كلها تغيرها عشان توازن الصوت

وتاخذ سماعات نفس المقاس طبعا اقصد من ناحية الحجم مو من ناحية القوة

وتركب امامية وخلفية نفس القوة 150 واط لكل سماعة يكفي وزيادة

ومجموع الواطات 150 ضرب 4 = 600 واط +الووفر

بس اهم شي يكون المظخم يطلع قوة توازي الخارج من القوة

يعني لو مجموع السماعات مع الووفر مثلا 1000 واط خذ مضخم بنفس القوة

وانتبة تاخذ شي اقل لانك لو اخذت اقل بيسخن عندك المضخم وبيطفى ويفصل كل شوي

هذي هي سهلة المعادلة

ونقطة مهمة السماعات يجي معها تويترات = سماعات صغيرة هذي لازم تركبها عشان الصوت يطلع بطل

[كامري R1000]

يا اخي والله ماني عارف شو اقولك
الصوره وضحت تماااااااام
ومشكور يالغالي
مشكور
وملخص الكلام اللي فهمته
1. اربع سماعات متساويه + تويترات + اوفر
2. مضخم متوازي لقوة السماعات

لكن استفسارين
1. اذا كانت قوة المضخم اعلى من السماعات والاوفر ، هل يضر ام انه يفيد ام انه مافي فرق ؟
2. انت قلت 4 سماعات ، شو رايك لو اركب 5 سماعات ، والخامسه تركب في نص السيت الخلفي ( بدل المسند ) هل بيأثر ؟؟

[المــمـــيــز]

لا ما يأثر على الصوت لو اضفت سماعة خامسة

بس انا ودي انصحك انك تركب مضخم مخارجة اربع سماعات مع التويترات

ومعاه مخرج ايضا ووفر بس مثل ما قلت لك وازن قوة السماعات مع المضخم

لحد يكون اقوى من الثاني

بس السماعة الخامسة ما اشوف مكانها مناسب

لان اغلب اجهزة الصوت تبدا بهذا التسلسل :-

4.1 الو 5.1 او 6.1 او 7.1

لاحظ رقم 4 و 5 و 6 و 7 هو عدد السماعات

ورقم واحد هو السبيكر الامامي

ويكون اصغر من السماعات الجانبية واكبر من التويترات

فهمت علي

شوف ادخل على هذا الرابط وشوف توزيع السماعات الاصلي لكل سيارة

وسوي زيه بالضبط

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

واختر السيارة من تحت

[راعـ الكامري ـي]

يعطيك العافيه يا مشرفنا وانا عندي استفسار كان عندي سياره فورد فوكس وركبت سستم مكون من اربع سماعات ثنتين ككر وثنتين كنود واوفرا بايونير وامبلفير قوته 2000 واط واول اسبوع مامنه اخلاف لاكنه عفسلي الكمبيوتر حق السياره ممكن اعرف شالسبب ؟

ويوم صلحته اخترب علي مره ثانيه وبالاخير بعت الموتر

هل تتوقع السبب السستم ؟

تحيــــ راعـ الكامري ـي ــــاتي