[تميمي وافتخر]

السلام عليكم ربعي الغالين اصحاب الملكة الغالية

كلنا ضاق صدره .. من نقص بعض الاكسسورات الهامة بالنسبة لنا في الافالون بينما نجدها في سيارات اقل مستوى ادري ان الكلام طال حول هذا الموضوع ولكن
ما تضيق الا تنفرج

ما توقعت اني احصل على 3 اشياء في سيارتي كانت بالنسبة لي من الامنيات

شاشة ملاحة + بلوتوث + مشغل mp3

وازيدكم من الشعر بيت بدون فك مسمار واحد !!!

السالفة كلها اني ركبت هذا الشقردي



جهاز قارمن ( نوفي 710 ) من دار موجه

جهاز اروع من الرائع وهذي مميزاته




1- عربي 100%
2- سهل التثبيت والفك والتركيب
3- خفيف وصغير الحجم
4- مقترن فيه خرايط الخليج محدثة
5- في نظام بلوتوث ربط بسمعات السيارة عبر اقتران موجه الراديو
6- مشغل mp3 ركب فيه ذاكرة الجوال ويشغل لك كل الي فيها
7- مستعرض صور
8- كل المهام والخدمات مقترنة فيه مثل ( مستشفيات -مدارس -منتزهات - مطاعم

قيمة الجهاز 2000 ريال من دار موجه وفيه منافس لهم يقاله السياري في غرب الرياض

ما بقى الا ان أضع صور للجهاز من سيارتي مباشرة



هذي القاعدة ركبتها هنا علشان ما تلفت نفوس الي بروسهم سرقة الله يكفينا شرهم وانت حر





انا على استعداد لأي سؤال حول الجهاز او الموضوع ككل

محبكم / تميمي وافتخر

[الزعيم الازرق]

ماشاء الله تباارك

والله حركااات يالخطير

بس بالنسبه لي انا شكله ما اعجبني وهو راااكب
لاني ما احب التلفيق بالسياره
صحيح اني ابي ملاحه ومشغل mp3
بس اذا ماجت من شد بلدها والا خلها تجلس

مجرد وجهة نظر

[المــمـــيــز]

طيب اخوي تميمي القاعدة هذي لابد منها

ولا كيف لاني اشوف لها وصلة بنفس القاعدة هل من الممكن شحن الجهاز بالبطاريات ؟

وهل خريطة الخرج والاحساء محدثة لان كان عندي اصدار الخرائط 2005 ولا كان فيه تفاصيل لخريطة الخرج؟

وهل يمكن قلب الواجهه بالانقليزي ولا ثابت العربي ؟

وهل جربت البلوتوث بالاف ام وطلع صافي ولا يوجد تشويش بسيط؟

وهل يدعم خاصية التنقل الحر مثل الكشتات والبر ولا فقط المدينة ؟

كثيرة الاسئلة صح بس احب اشوف ايش الي تغير على لاني ابي اشتري واحد جديد

ومشكور على مشاركتك للموضوع


واهم شي اهم شي عندي

اذا ما عليك كلافة تحطة في محل النظارات وتصورة لنا لاني احس مكانه هناك احلى هل ممكن تسويلي

هذي الخدمة؟

[القعقا ع]

مشكور أخ تميمي وبصراحة لي كم يوم وانا اعمل بحث عنه لذلك أتمنى تفيداً بتجاربك مستقبلاً ومشاكله وهل يدعم ايضاً خرائط اوروبا .

[مستكشف]

الصراحه وجهة نظر
بس انا عني مثل ما قال الزعيم يا شد بلدها والا خليها
بس ممكن لو لقيت شي مرتب
بعدين الشاشه الزرقاء تختفي بسبب الشاشه اللي انت مركبها

انا عني صراحة اعتمد كثيييير عليها

[داهـــية]

يسمح لي أخوي التميمي بدخل عرض , لكن بما أني هاليومين أفكر بنفس الجهاز فحبيت أحط تعليقي عن الجهاز

بالنسبة للبلوتوث فهو واضح جدا , والجهاز نفسه موجود فيه مايك وسماعة وتقدر تخلي السماعة على موجة الراديو.

أنا الجهاز اللي أفكر فيه هو nuvi 760 واللي يفرق في بعض المواصفات عن 710
والفرق بينهم 150 ريال .

واللي يقول ان المكان تلفيق , عزيزي الجهاز صغير لأبعد درجة يعني ما أبالغ لما أقول أنه بنفس حجم بعض الجوالات.

والجهاز له شاحن سيارة والبطارية تستمر لخمس ساعات , وتقدر تشتري شاحن سيارة.


وأنت تختار لغة الجهاز عربي أو انجليزي , وهذا الموقع الرسمي لجارمن وتقدر تسوي مقارنة بين الاجهزة

https://buy.garmin.com/shop/shop.do?cID=134

[داهـــية]

وفيه شي ثاني , ان الجهاز متنقل , يعني اليوم بالأفالون حبيبة قلبي
وبالشتاء باللاندكروزر .

وأقروا مواصفات الجهااز الكثـــيرة من الرابط

والأهم من هذا كله أنه مافيه لعب بالكهرب .

وأنا افكر في نفس المكان اللي أخوي التميمي حاط الجهاز فيه
وفيه مكان ثاني
اللي أتذكر أني شفت من زمان موضوع لواحد من الشباب هنا بالمنتدى حاط قاعدة للايبود في مكان جنب مكان الأكواب وجنب القير . أتوقع المكان هذا حلو برضوا.

[الكنــــــــج]

السلام عليكم هل يدعم الجهاز خرائط اوروبا وخصوصا النمسا وسويسرا
يعطيك العافية على المشاركة اخوي تميمي وافتخر وانا اخوي تميمي وافتخر
تحياتي لك وللجميع
التوقيع اخوك///
الكنــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــج

[داهـــية]

برضوا دخول عرض للمرة التريليون , بس الهدف الفائدة

بالنسبة لـ 760 أساسا هو يجي فيه خارطة أمريكا وأوربا وأنت تضيف دول الخليج
ولا عندي خبر عن 710

[تميمي وافتخر]

المشاركة الأصلية كتبت بواسطة الزعيم الازرق

ماشاء الله تباارك

والله حركااات يالخطير

بس بالنسبه لي انا شكله ما اعجبني وهو راااكب
لاني ما احب التلفيق بالسياره
صحيح اني ابي ملاحه ومشغل mp3
بس اذا ماجت من شد بلدها والا خلها تجلس

مجرد وجهة نظر

وجهة نظرك احترمها .. ولكن مثل ما يقولون في الحجاز ( ريحة ابو علي ولا عدمه ) لو لقينا طرف امل حول شاشة الملاحة لما فكرنا اصلا بهذا اصلا تحياتي

[تميمي وافتخر]

[quote=المــمـــيــز;390072]طيب اخوي تميمي القاعدة هذي لابد منها

نعم يا الغلا وممكن تثبت عن القزاز وبما ان موديل الجهاز جديد ما طلعت اكسسورات جديدة مثل مباقي موديلات القارمن

ولا كيف لاني اشوف لها وصلة بنفس القاعدة هل من الممكن شحن الجهاز بالبطاريات ؟

اللقاعدة فيها مدخل للشاحن وبيني وبينك كنت مركبه بعدين فكيته صرت اشحنه بالبيت ويمشيني كم يوم

وهل خريطة الخرج والاحساء محدثة لان كان عندي اصدار الخرائط 2005 ولا كان فيه تفاصيل لخريطة الخرج؟

الجهاز مدمج فيه 22 مدينة واله ما اذكرها تماما فيه خرايط السياري وهو موزع اخر غير دار موجه لديه خرايط الصحراء وبعض المدن الاضافية

وهل يمكن قلب الواجهه بالانقليزي ولا ثابت العربي ؟ نعم

وهل جربت البلوتوث بالاف ام وطلع صافي ولا يوجد تشويش بسيط؟

مثل ما تفضلت فيه تشويش بسيط ما يأثر كثيرا على الصوت

وهل يدعم خاصية التنقل الحر مثل الكشتات والبر ولا فقط المدينة ؟

انا ما حملت الا خرايط المدن لاني ما اطلع للبر الا مرة في القرن بعد شهر تقريبا بيطلع الاصدار اليابع لخرايط البر عند دار موجه

اذا ما عليك كلافة تحطة في محل النظارات وتصورة لنا لاني احس مكانه هناك احلى هل ممكن تسويلي

هذي الخدمة؟
نخدمك بعيوننا بس موقعه هذا هو الانسب لانه احتمال كبير يشغلك ويصرف تركيزك بس انت تامر امر

[تميمي وافتخر]

المشاركة الأصلية كتبت بواسطة القعقا ع

مشكور أخ تميمي وبصراحة لي كم يوم وانا اعمل بحث عنه لذلك أتمنى تفيداً بتجاربك مستقبلاً ومشاكله وهل يدعم ايضاً خرائط اوروبا .

حبيبي انا احيلك لموقع مكشات قسم اجهزة الملاحة فيه موضوع مثبت عن تجارب ملاك النوفي
وبالنسبة لخرايط اوربا هو اصلا يجي بخرايط امريكا ويمكن تضيف الي تبي من عند الوكيل وممكن تحمل اخرايط من النت بس ما ادري كيف بصراحة

[تميمي وافتخر]

المشاركة الأصلية كتبت بواسطة داهـــية

برضوا دخول عرض للمرة التريليون , بس الهدف الفائدة

بالنسبة لـ 760 أساسا هو يجي فيه خارطة أمريكا وأوربا وأنت تضيف دول الخليج
ولا عندي خبر عن 710

هلا بالغلا كله بالعكس اضافتك نور على نور اهم شيء تصل الفايدة للشباب شاكر ومقدر لمرورك الكريم

[تميمي وافتخر]

المشاركة الأصلية كتبت بواسطة الكنــــــــج

السلام عليكم هل يدعم الجهاز خرائط اوروبا وخصوصا النمسا وسويسرا

المشاركة الأصلية كتبت بواسطة الكنــــــــج

يعطيك العافية على المشاركة اخوي تميمي وافتخر وانا اخوي تميمي وافتخر
تحياتي لك وللجميع
التوقيع اخوك///
الكنــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــج

حبيبي .. الخرايط الي فيه تجي امريكا تمام وهم يضيفون الخليج رح للوكيل وحمل ان بغيت خرايط العالم او افتح على موقع مكشات فيه خرايط تحمل بالكيبل للجهاز كيف تثبيتها الله اعلم

[ذو الوشاح . .]

مساء النور / بعد التحية : اضم صوتي معى الزعيم الازرق ... وجهة نظر ياخي مكانها مو مناسب صحيح ميزات حلوة
لكن يعني اللي مضطر ما تفرق معاه ... بالنسبة للاسئلة المميز ما شاء الله خلص علينا الاسئلة ...
الله يهينك فيها ... وسلامتكم .

[تميمي وافتخر]

المشاركة الأصلية كتبت بواسطة ذو الوشاح . .

مساء النور / بعد التحية : اضم صوتي معى الزعيم الازرق ... وجهة نظر ياخي مكانها مو مناسب صحيح ميزات حلوة
لكن يعني اللي مضطر ما تفرق معاه ... بالنسبة للاسئلة المميز ما شاء الله خلص علينا الاسئلة ...
الله يهينك فيها ... وسلامتكم .

يا الغالي الجهاز له مليون مكان وكل له ذوق وراي تمام اني انتظر لي موديل 2090 لين سماحة عبداللطيف جميل يتصدق علينا بشاشة مو معقول انت معي

لولا اختلاف