[الشقردي]

السلام عليكم

أول موضوع لي طالب فزعتكم حسب الموضع أعلاه

هذا اللي يسمونه بعضهم هزاز أو قفل دفرنس, الصراحه شفت موضوع قديم بالمنتدى ولكنه مغلق ما أدري وش السبب
نظام دف لوك والهزار .. ماهي؟ وما استخداماتها ؟ .. سجل تجاربك .

عموما هذا رابط للفديو شوف الباترول (للمعلومية يركب على أغلب السيارات) وهو يستخدم قفل دفرنس اللي بالهواء ARB Air Locker

Air Locker video footage

اللي قد أستخدمه يعطينا نتائج خبرته؟ وبكم ركبه ووين؟ وهل عليه ضمان؟

[الشقردي]

وفي هالرابط طريقة التركيب للي متحمس يركب بنفسه

4x4Wire - Project Round Trooper ARB Air Locker Install

[بنت الخران]

موجود الله يسلمك فى الامارات



فى شركه اسمها اي ار بي

توفر وتجهز سيارات الفور ويل

[الشقردي]

ولا عليكم أمر اللي عنده أسعار تركيب

وهل يركب على Vxr98
فقط أريد الجزء الأمامي, حيث أن السياره مجهزة بقفل دفرنس خلفي من المصنع (شد بلد)

شاكر لك الرد السريع وإثراء الموضوع.

[الشقردي]

أبشركم مريت أمس ورشة الرماية اللي بالرياض-التخصصي وأول ما دخلت وألقى ملصق دعاية عن نفس الموضوع. وقمت أسأل الفلبيني اللي عندهم

قال لي الخلفي لحاله في بحر 3000 ريال
والأمامي مثل تقريبا,
قلت له أنا أبي بس أمامي بحكم ان عندي خلفي شد بلد قالي ما يخالف نطلبه طلبية بعد حول الشهر يجي
غير طبعا تحتاج تركب ماطور هواء قوي زي الاسترالي أبو 900 ريال

وفي النهايه قالي انه فيه نوع جديد من الأقفال يجي كهرباء يعني تشغله وتطفيه بالكرب بدون ماطور هواء.

بس يوم سألته تركب هالأنواع على Vxr98 وقلت له اته من قدام فريويل مهوب دفرنس زي الباترول تردد وقال بأسألك أو مر المعرض وقالي تر م أعرف وظيفتها أعرف أركب وبس !!!!

[ابوعقل]

الشقردي

انت وصلت لتويوتا العربيه

بيعطونك العلم الأكيد

لأن انا قايلك بالأمارات يركبونه

[الهجوم الياباني]

الشقردي هل الهزاز ((الدفلك )) الاسترالي افضل من الي يجيل من الوكله

يعني الي ما عنده في موتره هزاز وركب استرالي هل بيكون افضل من الي يجي فيه الهزاز

[هاهاها]

وشلون يركب على الموتر وهل جميع الفكسارات يوجد فيها حيث بقفل دفرنس خلفي من المصنع

[الشقردي]

أبو عقل : الله يسعدك

الهجوم الياباني:
شركة Arb متخصصة بكل هالتجهيزات ولها خبرة طويله في سيارات الدفع الرباعي, وبعضهم يقول انها أفضل من الشد بلد ولكن أنا ما جربت.

هاهاها:
بالنسبة للفكسار بعضها يجي قفل خلفي وبعضها لا
أما الأمامي نسمع به ولا نشوف وأعتقد ان الميزة منقطعة من زمان الا على بعض الموديلات المحدودة.

[أبو ريان]

الظاهر القفل الامامي للاند الكروزر ما يجي الا على 97 وتحت ... الموديلات الأحدث صارت تجي فريول أمامي ...

بالنسبة لي عندي 96 فيه قفل أمامي وخلفي شد بلد

[ابوعقل]

المشاركة الأصلية كتبت بواسطة هاهاها

وشلون يركب على الموتر وهل جميع الفكسارات يوجد فيها حيث بقفل دفرنس خلفي من المصنع

على حسب مواصفات السياره

الvxr والgxr والgx والg

فيه منهم موجود وفيه منهم مو موجود

انت ومواصفات السياره

[أفالون خاص]

هذا موضوع من منتدى الفورتشنر يمكن يفيدك

تركيب قفل دفرنس أمامي

[الشقردي]

الله يعطيك العافية