[اليوم المميز]

السلام عليكم ورحمة الله وبركاتة

اخواني رحت الوكالة اشيك لعشرة آلاف
وطلعت عندي ملاحظه وهي ان الجانبين الخلفي تعبان ويهرب زيت ويحتاج لتغير

واستنكرت للمهندس الموجود وقلت له انا ما ااروح البر ولا اروح مرتفعات
وفاجئني بقوله انت مو اول واحد يصير عنده هذا العيب يعني هذا شي متكرر في اللاند 2008 يعني عيب مصنعي

شو رايكم اخواني ومنو الي صارت له نفس المشكله؟

[اليوم المميز]

السلام عليكم ورحمة الله وبركاته
اصحاب اللاند كروزر 2008

اخواني شو رايكم بصوت الهواء الي يدخل السيارة هل تعتبر السيارة فيها كاتم صوت اولا؟
طبعا انا اشوف صوت الهواء مزعج كأنك راكب سيارة قديم وجلد الابواب ممزقه0

وعندي في اقل مطب او هزة تسمع صوت الكراس كأنها مو مربطة او مو مسكرة زين

شو رايكم؟
وشنو الحل مو وجهة نظركم لهذة الملاحظات؟

[بنت الخران]

ممكن توضح اكثر معنى


( الجانبين الخلفي )

[بدر المرقب]

المشاركة الأصلية كتبت بواسطة بنت الخران

ممكن توضح اكثر معنى


( الجانبين الخلفي )

اي والله ايش معناتها ؟!

[شيخ البانوراما]

.

الجانبين بلغة الشرقيه = مساعد

الجنبين الخلفي = المساعد الخلفي

ماشاء الله المملكه صار عندها لغات ..

.

[خبّاب]

والله من ناحية الهواء (مُعانااااااااااااااااااااااااااااااااااااااااة)
وبصراحة اشوف فى السنوات الاخيرة (كل) السيارات عيوب وياحسافة على فلوسنا

[أبوحمد]

اليوم لقيت VX-R 2008 معروض للبيع بنقص 20000 ريال عن سعره جديد وماشي 8000كم

وطلبت أجربه وكان لي ذلك

وحقيقة تفاجئة أن موتري أحسن منه من ناحية الاصوات والعزل

أما هو يتفوق بالقير والمحرك

وفعلا حسيت أن السياره تتأثر بشكل الطريق وفي اصوات من الكراسي اللي وراء !!!

ومقود القياده كان ثقيل شوي !!
وايضا البريك إذا ظغطت عليه أحسه ينبض كأن الهوبات يحتاجوا خرط !

[خميس الجمعة]

معذرة أنا سيارتي gxr v8 2008 ليس هناك أي صوت للهواء فقط مقود القيادة ثقيل شيئ بسيط