[ابومسلّم]

بعد السلام
الصراحة عبداللطيف جميل كسر ظهري عند كل صيانة طبعاًمعلوم 5000علي وال5000عليهم
بس اذا جاء دوري اقل شي ياخذون 400ريال
هل انتم مثل حالي ماشين مع صيانتهم؟؟؟؟
وبعدين هل تغيير الزيت مع الفلتر كل 5000 ماتلاحظون انها كثيرة
انا كان عندي هايلكس اغيرة كل4000
والمهم اللي مايمشي معاهم بالصيانة يحصل معاهم مشاكل لو حصل عندك عطل
واخير فالكم التوفيق

[أبو عبدالرحمن خ]

هلا بك اخوي
بالنسبه للصيانه انا بعد 10000 ما شافوا وجهي الا اذا صار عندي مشكله

اما بالنسبه للزيت اتصور ان 5000 معقوله وشويه بعد انا اغير الزيت كل 8000 كيلوا وماشي تمام

هذا رايي وانت بالخيار وفالك الخير

[رااااعيها]

اخوي انت مو مجبر على ابو جميل لاكن في حال عطل عندك اي شي تحس انه مو منك رحله وغصب عليه يصل
الزيت بنظري تغيره مع السيفون كل 8000

[ابومسلّم]

المشاركة الأصلية كتبت بواسطة رااااعيها

اخوي انت مو مجبر على ابو جميل لاكن في حال عطل عندك اي شي تحس انه مو منك رحله وغصب عليه يصل
الزيت بنظري تغيره مع السيفون كل 8000

ونتم اخبر بس الزيت مافيه كلام كلما بكرت افضل
واذكر كان عندي فرد 89 يدخن دخنه وينقص وداومت اغير الزيت كل 2000 وضبط معاي
فا انا اقصد السيارة ممكن تعيش الى10 سنوات من دون ماتفتح مكينتها بشرط الزيت وعدم السرعة

[ابومسلّم]

طيب اغير كم علبة انا اربعة سلندر
والسيفون وش نوعه
وزيت القير متى اغيره؟؟؟؟

[ليموزين]

الصيانة في الرياض قالو 5000 عليك و5000 علينا
أما الجبيل الله لا يوريك كل شي عليك ..... طبعا لما سألت الموظف عن السبب اقنعني بصراحة :

يقول الزول : هي كلها وكالة تويوتا وكلها عبداللطيف جميل ... لكن فيها ( فر ِق ) - مع كسر القاف - ،

شلوووووووون ،،انت لما تروح تشتري ( رز ابو كاس ) من( بنده ) تحصله بسعر يختلف عن سعر ( المخازن ) والرز نفس النوعية ( ابو كاس ) عشان كده فيه اختلاف في أسعار الصيانة من مكان لمكان

بصراحة اقتنعت وشريت( بنجابي المهيدب من المزرعة )

[الحسن القاضي]

شف ياطويل العمر الصيانة الأولى 1000 كلم والثانية 5000 كلم ضروري
تسويها في الوكالة علشان الضمان .

لكن تغيير زيت وفلتر بـ400 ريال كثير وأنا خوك.
حاول تشوف الفاتورة وتعرف زين وش غيروا بالضبط.
أحياناً يغيرون زيت وفلتر القير على الـ5000 كلم الأولى.

[أنا وبس]

بالنسبة للزيت فشركة تايوتا تقول تغيير الزيت كل عشرة الاف في الظروف العادية وكل خمسة الاف في الظروف القاسية

[ابومسلّم]

المشاركة الأصلية كتبت بواسطة الحسن القاضي

شف ياطويل العمر الصيانة الأولى 1000 كلم والثانية 5000 كلم ضروري

تسويها في الوكالة علشان الضمان .

لكن تغيير زيت وفلتر بـ400 ريال كثير وأنا خوك.
حاول تشوف الفاتورة وتعرف زين وش غيروا بالضبط.

أحياناً يغيرون زيت وفلتر القير على الـ5000 كلم الأولى.

اذا كانت النوبة علي 5000 ياخذون400عن الزيت والفلتر والتشييك
اما اذاكانت عليهم ياخذ120فقط

[سخنشفش]

يا اخوان الوكالة ما عندها سالفة
وانت منت مجبوور تغير زيت عندهم

اهم شي توديها لهم بعد الـ 1000 كلم

بعدين اسحب عليهم جلنط ولا توريهم خشتك الا اذا صار عطل

بالنسبة للزيت انا صارت لي سالفة بحكم مشاويري رايح جاي. في شهر ونص اعدي الـ 5000 كلم المتعارف عليها في تغيير الزيت. وحسبتها لو كل مرة بغير زيت من الوكالة وبدفع لي 400 ريال خل نقول كل شهرن مو كل شهر ونص. <***** يا اخوان وربي صرفيه تقول متأجر كورلا ^_^

فحسبتها منطقياً ويا اليابانيين <***** يعني التكنولوجيا المتطورة معقول تفوتهم هالمواضيع

فكرت بيني وبين نفسي .... وشحطت الموووتر 12000 كلم وكنت ناوي يا اخوان اني اكمل 15000 كلم على الزيت
بعدين اغيره وكانت لزوجت الزيت جداً ممتازة لكن اللون بداء يتغير.

اخذها اخوي بيروح عليها مشوااار البحرين وقالي اغير زيت قلت له لا لا تغير روح بس ازهلها ^_^
ويوم شيك عليها لقا لون الزيت بين الاسود والني وغيرها .

علماً ان الزيت لا زال في لزوجته وكأني تو صابه جديد ... غير ان اللون تغير <*****< وهذا يدل على ان الزيت يعمل عمله داخل المحرك.

فقلت في نفسي وش لي وش للخساير . تغيير الزيت على الـ 10 ألف الى 15ألف لا يزيد.

(انا شاري السيارة تساعدني على مشاويري مو اصرف عليها وربي بنتي في الشهر ما اصرف لها 400ريال احطها في سيارة ليش ؟؟؟)


يعني الي اشووفه لو الناس تغير على الـ 10 ألف كلم يعتبر ممتاز

اما سالفة الـ 5 ألف كلم وتغير زيت مع سيفون <***** كلام فاضاي كله كلام وكالة تبي فلووووووس من الناس الغلابه

وبالتوفيق للجميع