[الجالبوت]

مرحبا

يا جماعه الخير من ثلاث شهور طالبين استيشن في اكس ار رقم واحد فول اوبشن جلد وشاشه
ولين الحين ماشي خبر البارحه اتصل في الوكاله يقولون يمكن يحولون الطلبات لـ 2009

حد يقدر يساعدني ويطلع الموتر الحين لانه محتاجين له ؟؟

والسمووحه

[الهجوم الياباني]

ليتني اروم افيدك اخويه

واحلى شي انهم بيحولون الحجوزات 2009

عيل بسير احجز

واذا مستعيل على الموتر شوف المعارض

[بنت الخران]

لو تحطى رقم الطلب

ان شاء بنستفسر وبنفيدك اكثر

مع ذكر الاسم وتاريخ الحجز وقيمه العربون والمواصفات واللون

[الجالبوت]

الهجوم الياباني

ياخوويه المعارض تبيعه بـ 270 الف الفرق 15 الف مب شويه

تسلم الشيخ


بنت الخران

وصل دفع العربون في الرابط 1000 درهم
والمواصفات : VXR فوول اوبشن مع جلد وشاشه واللون لؤلؤي

مركز تحميل سفنتي سفن لرفع الصور و الملفات

تسلمين الشيخه

[اف جي دبي]

شوف جرب وياهم و قللهم بدفع كاش يمكن يجدمون طلبك

[عاشق البعد]

الجالبوت

الله يعينك أخويه ، تاريخ حجزك من شهر 3 وللحينه ما استلمت السيارة وأنا حاجز من شهر 5 وملّيت الانتظار عندهم وكل ما أراجع وأسأل يقولون لي ما شي سيارات رغم إنّي أقولهم بدفعلكم دفعة أولى عشان تجدمون الحجز لكنهم رافضين تماما وكل اللي خذوه مني 500 درهم فقط لاغير وقت الحجز

تدري أخويه شو المشكلة بعد إني أقولهم إذا بهالحالة أكيد ما بنستلم السيارة موديل 2008 ويمكن إيي دورنا على موديلات 2009 تلقى كل موظف يعطيك جواب ، الأول يقول: اللي حاجز موديل 2008 أكيد بيستلم موديل 2008 والثاني يقول: اللي حاجز موديل 2008 وما استلم ونزلت موديلات 2009 يتحول أتوماتيكي حجزه على موديلات 2009

[بنت الخران]

كيف اقدر اراسلك

وانت ما عندك مشاركات

ومدام انك مزروعي

ما بنقصر ويااك

وان شاء الله بيتصلون فيك

[ظبياني رايق]

هلا وغلا,,

اللي صاير ضحك على الذقون وعلى عينك ياتاجر..

والا بما تفسرون وجود vx-r وارد الفطيم في المعارض وعدم وجوده في الوكالة؟؟؟!!! شي محير..

شخصيآ أختصرت على عمري الوقت وظهرت موتر من احد المعرض..

دمتم بود..

[الجالبوت]

اف جي دبي

ياخووي كاش ولا اقصاد كله واحد
ماشي فايده


عاشق البعد

الله المستعان ياخوويه

اخاف ما نستلم مواترنا الا عقب سنتين


بنت الخران

هذا ايميلي



تسلمين الشيخه ع اهتمامج


ظبياني

ياخوويه اليوم درت المعارض الي في شارع المطار ما لقيت الا vx-r واحد ماشي غيره عند معرض الصحراء ويبونه بـ 275 الف وارد الفطيم

[صلوح صويلح]

الله يعينك

وان شاء الله مشرفتنا تساعدك

[حسونه]

بيض الله وجهك يابنت الخران
وأنا أشهد إنك كفو

[عاشق البعد]

هلا أخوي / الجالبوت

ممكن نعرف شو صار ويّاك بعد واسطة أختنا بنت الخران ؟

[بنت الخران]

الارقام جاهزه بس مشاركاته ما زادت

كييف بطرش له الارقام والمساعدات ؟؟؟؟


ما اقدر اطرش له فى بريد المنتدى !!!!

وما اقدر احطيها فى العام

لو يبغي الارقام خله يزيد المشاركات

وان شاء الله

كل شي بخيير

[عاشق البعد]

أختنا بنت الخران

بعد إذنج ممكن أعرف طريقة التواصل معج بخصوص تأخر استلامي لل Vxr حتى الآن ،،،، مع العلم بأنّ تاريخ الحجز عندي كان بتاريخ 14 / 05 / 2008 يعني بعد أسبوع إن شاء الله بدخل على 3 أشهر تقريبا

ما أقدر أرسل رسالة خاصة لج لأن مشاركاتي لم تصل 100 حتى الآن ....

عمومًا هذا إيميلي يا ريت تتواصلين من خلالها وياي عشان أقدر أرسل لج بيانات الحجز والسموحه منج

[بنت الخران]

اصبر اشوي

الاسبوع الماضي

كميه هائله من الكروزر وصلت للامارات

وانشاء الله خيير

[سمووووويه]

ياجماعه حتى انا طالب vxr ولين الحينه مايبو الموتر وانا طالبنه تاريخ 26/7/2008