[امبراطور نجد]

السلام عليكم ..

اخواني اعضاء هذا المنتدى الرائع ارجو انكم تفيد
ونني عن حاجة كل يوم تشغل بالي زود ..

الا وهي انو الرانج تريب حق السيارة كل ماعبيت السيارة فل احس ان الرقم الي يكتب يقل كل مرة عن الثانية مدري وش السبب .....

على العلم ان سيارتي 2008 واول ماشريتها كان يطلع لي بالشاشة 615 ماني متأكد بالضبط والحين يكتب لي 395
مدري وش السر افيدوني الله يفيدكم..

أخوكم امبراطور نجد..

[هاوي الافالون]

انا نفسك
اتوقع تكون الطرمبة معبية هواء

[داهـــية]

أنا نفس الشي , لكن ان ماخاب ظني ان العداد يعتمد على معدل سرعتك اللي هو لتر بالدقيقة

[افالون قطر]

هلا والله أخوي


بخصوص هالموضوع أنا امس بدلت بطارية الأفالون وطلع لي الرينج 590 مع أنه كان قبل يومين لما فولت السيارة 355..وهاي يعتمد على سرعتك بالسيارة او معدل السرعة يعني كل ماكان الرقم اللي عاليمين اخر شي كبير كل ما قلت المسافة اللي بالكيلومتر..والعكس صحيح..يعني لو انت راعي سرعات والمعدل عندك دوم فوق العشرين (أول رقم عالمين في اللوحة الزرقا) بتشوف انك لما تفول السيارة بالبترول أنه الرقم مايزيد عن ال350 وكل ماتقلل سرعتك او معدل سواقتك راح تزيد كمية البترول او الرقم اللي يرمز للمسافة اللي بأمكانك قطعها...ولو تبي حل بسيط أفصل البطارية...وارجع ركبها..بس بيني وبينك بتتعقد اول شي ..لأن الفتحه مالت السقف والدرايش ماراح ينزلون على طول (هاذي صارت وياي امس اول مابدلت البطارية...بس مع الوقت رجع كل شي طبيعي)..
واتمنى اني اكون افدتك..
وتقبل مروري

[الحـ(درب)ـب]

انا بقوولكم ليش

الأفريج هذا يبدأ يحسب كل ماتعبي البترووول ( والحساب يكون بالماضي مو للمستقبل)
يعني اشلون : انا بقولكم اشلون
يعني لما يطلع لك انه بيمشي 355 بالفل مو معناها انا بيمشي بالبترول الحالي 355 كيلو ( مو للمستقبل)
هذا يعني انه انت ياسائق السيارة مشيت بالفل الأخير ( بالماضي ) 355 والكمبيوتر حفظ هذي البيانات وعرضها لك لما عبيت السيارة المرة الثانية


لازم تعرف انه اول ماتطلع السيارة يعرض لك الآفرج 590
وهذي الحسبه مضبوطه فقط بحالة واحده
هي وقت السفر او بالخطوط الطويله وانا قستها بنفسي وطلع الرقم مضبووط ومرات امشي اكثر ( حوالي 610 كيلو بالفل )
بس اللي يأثر بالأفرج انه ينزل هو الآتي :

1. الزحمة
2. تسخين السيارة اكثر من اللازم
3. تتعشى داخل السيارة انت وربعك والمكيف شغال لمده تزيد عن 15 دقيقة

كل هذا صرفيه بترول على الفاضي ( ولما تعبي بترول يعرض لك النتيجة الأخيرة)

اللي مافهم كلامي مستعد اشرح له مرة ثانية وثالثه وبطريقة مغايرة

وتقبل مروري

[القعقا ع]

الحـ(درب)ـب / مشكور على التوضيح الأكثر من رائع وانت وبقية الأخوة وصاحب الموضوع

[مجنون أفااالون]

المشاركة الأصلية كتبت بواسطة افالون قطر

هلا والله أخوي


بخصوص هالموضوع أنا امس بدلت بطارية الأفالون وطلع لي الرينج 590 مع أنه كان قبل يومين لما فولت السيارة 355..وهاي يعتمد على سرعتك بالسيارة او معدل السرعة يعني كل ماكان الرقم اللي عاليمين اخر شي كبير كل ما قلت المسافة اللي بالكيلومتر..والعكس صحيح..يعني لو انت راعي سرعات والمعدل عندك دوم فوق العشرين (أول رقم عالمين في اللوحة الزرقا) بتشوف انك لما تفول السيارة بالبترول أنه الرقم مايزيد عن ال350 وكل ماتقلل سرعتك او معدل سواقتك راح تزيد كمية البترول او الرقم اللي يرمز للمسافة اللي بأمكانك قطعها...ولو تبي حل بسيط أفصل البطارية...وارجع ركبها..بس بيني وبينك بتتعقد اول شي ..لأن الفتحه مالت السقف والدرايش ماراح ينزلون على طول (هاذي صارت وياي امس اول مابدلت البطارية...بس مع الوقت رجع كل شي طبيعي)..
واتمنى اني اكون افدتك..
وتقبل مروري

بالضبط . . او افصل اصابع البطارية و شبكها مرهـ ثانيه . . وتضبط إن شاء الله

[امبراطور نجد]

أحب أشكر جميع من شارك في هالموضوع..

هاوي الأفالون أشكرك على الافادة خيو..

اخوي داهية تسلم على المعلومة ....

اخوي أفالون قطر اشكرك من اعماق قلبي على الشرح المطول ..

مشرفنا الكبير درب الحب ثاااانكس على الشرح الي فهمتنا فيه سبب المشكلة الله يبيض وجهك..

أخوي القعقاع اشكرك على مرورك الي عطرت فيه الموضوع..

مجنون افااالون اشكرك على الافادة الحلوة ..

تقبلو خاااااااااااالص شكري وامتناني للقائمين على هالمنتدى من أعضاء ومشرفين ..

اخوكم امبراطور نجد..

[الـــقـــرنــي]

معلومه رائعه

يسلم راعي الموضوع ومشرفنا

تحياتي

[الكنــــــــج]

لا اضافة على ما ذكره المشرف والاخوان
تحياتي للجميع