[أبوعموري]

السلام عليكم أهل الفروتشنر
تراني شريت موتر قبل يومين فورتشنر Vx فل أوبشن والله ما شجعني على شراه غير هذا المنتدي المهم يالربع الموتر والله يازينه ماعليه شيئ بس القاهرني فيه إنه المسجل والمكيف مره بدائيات يعني المكيف ما تقدر تظبط عليه درجة الحرارة الي تبي والمسجل ما يشغل Mp3 سؤالي هل ممكن اغيرهم من الوكالة وأطلب منهم يركبوالي متل مسجل ومكيف البرادو


بالله ردو تري موتري توه ماشي 100 كيلو وأبي أزينة قبل لا أستخدمه

[أبوعموري]

وينكم ياناس ما حد مر - طيب وين الخبراء وينك يابو عزام

[نيازى]

اخى الفاضل الف مبروك اللة يعطيك خيرة و يكفيك شرة - امين - اذ انت تبى تغير المسجل من الوكالة سوف يغرموك ثمن مسجل جديد ولا ياخذون منك القديم مع دفع الفرق - نصيحتى خليك على المسجل الاصلى الخاص بها والف مبروك

[أبوعموري]

مشكور أخي نيازي على الرد - طيب ممكن أغيروا من بره - الغرابي مثلا وكم يكلف لو كان من الوكالة أو الغرابي

[لا تنسى ذكرالله]

اذا تبي نصيحتي خذ مثل شاشة المحظوظ وأما المسجل القديم قم بتغليفه ووضعه في مكان آمن وذا أرت بيعه فارجعه في مكانه

اما فيما يتعلق في مكيف البرادو والله أعلم لا يوجد هناك تشابه بحكم الديكور لان الفور شنر مقارب لديكور الهايلكس ولا يوجد تشابه قاطع بين الفور شنر والبراود في الديكور واذا انت راغب في تغيير ذلك أو وجدت احد مركب ذلك الشئ فنرجو أخبارنا بذلك لتعم الفائده للجميع .

ولاكن لاحظت في الفور شنر صور تأتي مكيف الكتروني وممكن تطلبها من دول الخليج أو من أندونيسا اذا تعرف احد هناك بحكم ان السياره تصنع في هذه المنطقه قصدي (اندونيسا )

واذا تبي نصيحتي : المكيف الان هو افضل شئ ( العادي ) من الكتروني بحكم ان الفرار العادي افضل من الكتروني لان الكتروني خرابه كثير من العادي وبما ان السياره داخله في البر والتطعيس وفي كل مكان ويدخل بعض الاحيان غبار فيتعب الاشياء اللكترونيه واذا أنت معزم على تغيير ذلك افضل لك تغيير الشاشه والجنوط وهن بصراحه يستاهلن التغيير وتبي الصراحه تفكيري بتغييرهما متعبني كثيراً ولاكن لم أجد الجنط المناسب الا الآن . معجبي جنط الجتي ولاكن اريد تجربته قبل البدء فيه .

أتمنى من الله العلي القدير أن أكون افتك ولو بشئ قليل من معلوماتي المتواضعه

والله يطعمك من سيارتك من خيرها ويكفيك شرها

[الحسن القاضي]

هلا وغلا وألف مبروك وأنا أنتظر سيارتي وسأستلمها غداً بإذن الله.
بالنسبة للمسجل ترى الس دي الموجود يدعم امتداد الصوت mb3
المهم أنصحك ياطويل العمر تركب العازل الحراري لموترك عند الوكالة خاصة إذا
كانت المقاعد جلد...

[أبوعموري]

مشكورين ياشباب - أخي الحسن انا ركبت العازل من الوكالة وصراحه ممتاز ولو إني أبي اركب تظليل وما أدري هل التظليل يأثر على العازل الراكب ولا لأ أرجو الافادة - انا بالنسبة للسي دي فهو لايدعم الـ MP3 لأني جربته وما شتغل من وين لك هالمعلومة انه يعدعم

[يالله من فضلك]

هلا أبوعموري
ألف مبروووووووووووووووك
والله يطعمك من خيرها ويكفيك شرها
والسيارة ما عليها خلاف
أسد ما شاء الله تبارك الله

وبخصوص المكيف والمسجل
فخلاص حنا تأقلمنا مع الوضع أول ما طلعنا السيارات قلنا ليش كذا
بعدين تأقلمنا وبخصوص المسجل أنا عندي قطعة مشتريها من جرير بستين ريال
على الولاعة وتشغل mp3 من فلاش يواس بي وتقبل ايضاً شريحة نوكيا
ولها شاشة صغيرة ومؤدية الغرض وزيادة خاصة إني مجنون mp3

الله يوفقك أخوي الكريم
ومبروك مرة ثانية

[ليموزين]

مبروك عليك السيارة
ويعطيك خيرها ويكفيك شرها

بالنسبة للمكيف ما عندي خبر وانا أخوك ...
أما المسجل يدعم mp3 لكن لازم تحرق المقاطع على السيدي بطريقة مسارات ( تراك track )
لكن عيب (التراك ) إنه محدود بزمن محدد 80 دقيقة أو حجم 700 ميجا
وعندك الحل الثاني طريقة مشغل mp3 مع ولاعة السيارة

أرجو أن أكون أفدتك ...